کیا ویڈیو میں نظر آرہے بودھ راہب کی عمر 377 سال ہے؟ پڑھیئے وائرل دعوے کا سچ

Claim

سوشل نٹورکنگ سائٹ فیس بک پر بودھ راہب کی ایک ویڈیو شیئر کی جارہی ہے۔ جس میں زعفرانی رنگ کا کپڑا پہنے ہوئے شخص بستر پر لیٹا ہوا ہے۔ صارف کا دعویٰ ہے کہ یہ بزرگ اکیسویں صدی کے سب سے عمر دراز انسان ہیں، جن کی عمر 377 سال ہے۔

Fact

بودھ راہب والی وائرل ویڈیو کو ہم نے انوڈ کی مدد سے کیفریم میں تقسیم کیا اور ان میں سے کچھ فریم کو گوگل ریورس امیج سرچ کیا۔ اس دوران ہمیں نیمس اویاری کے ایچ نامی فیس بک پیج پر شیئر شدہ فروری 2022 کے کئی پوسٹ ملے۔ جس میں بزرگ شخص کا نام لوآنگ فو یائی یا لوآنگ تا اور اس کی عمر 109 سال بتائی گئی ہے۔

دی ٹیب نامی ویب سائٹ پر انگلش زبان میں شائع ایک رپورٹ کے مطابق تھائی لینڈ کے 109 سالہ بزرگ شخص، لوآنگ فو یائی یا لوآنگ تا تھے، ان کی موت 22مارچ 2022 کو شام کے 6:40 پر ہوگئی تھی۔ ان کی موت کی خبر بزرگ شخص کی پوتی نے اپنے ٹک ٹاک اکاؤنٹ کے ذریعے دی تھی۔ بتادوں کہ موت سے پہلے لوآنگ فو یائی کی ویڈیو ٹک ٹاک پر خوب وائرل ہوئی ہے۔ اس کے علاوہ اکیسویں صدی کے کئی عمر دراز اشخاص کے حوالے سے میڈیا رپورٹس ملیں۔ جسے یہاں اور یہاں پڑھا جاسکتا ہے۔

یہ ویڈیو پہلے بھی الگ الگ دعوؤں کے ساتھ وائرل ہو چکی ہے۔ جس کا فیکٹ چیک نیوز چیکر کی ہندی اور انگلش ٹیم نے کیا ہے۔

اس طرح نیوز چیکر کی تحقیقات سے واضح ہوا کہ وائرل ویڈیو میں نظر آرہے بودھ راہب کی عمر 377 سال نہیں ہے، بلکہ 109 سال کی عمر میں ہی وہ دنیا کو الوداع کہہ چکے ہیں۔ ان کا تعلق تھائی لینڈ سے تھا اور نام لوآنگ فویائی یا لوآنگ تا تھا۔

Result: False

کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in