فیس بک پر دنیا نیوز کی ایک ویڈیو رپورٹ کے ساتھ وزیر اعظم پاکستان شہباز شریف کی گرفتاری کی خبر وائرل ہو رہی ہے۔ ویڈیو کے ساتھ کیپشن میں ایک فیس بک صارف نے لکھا ہے کہ “عمران خان کی گیم چل گئی، شہباز شریف کو گرفتار کرلیا گیا، اچانک سپریم کورٹ میں فیصلہ سنا دیا”۔ ایک دوسرے صارف نے ویڈیو کے کیپشن میں لکھا ہے کہ “نئے آرمی چیف نے آتے ہی شہباز شریف کو گرفتار کروا لیا”۔
Fact Check/Verification
شہباز شریف کی گرفتاری والے دعوے کے ساتھ وائرل ویڈیو رپورٹ کو سب سے پہلے ہم نے اویسم اسکرین شارٹ کی مدد سے کیفریم میں تقسیم کیا اور ان کو گوگل ریورس امیج سرچ کیا۔ اس دوران ہمیں آئی کے ٹوڈے نیوز ڈاٹ پی کے نامی فیس بک پیج پر 28 ستمبر 2020 کی ہوبہو ویڈیو رپورٹ ملی۔ جس میں دی گئی معلومات کے مطابق منی لانڈرنگ معاملے میں عدالت نے شہباز شریف کی عبوری ضمانت کو خارج کردیا تھا۔ جس کے بعد ان کی گرفتاری بھی ہوئی تھی۔
آپ کو بتادوں کہ وائرل ویڈیو رپورٹ اور فیس بک پر ملی رپورٹ کی تاریخ یکساں ہیں۔ جس سے واضح ہو تا ہے کہ پرانی خبر کو حالیہ دنوں کا بتاکر شیئر کیا گیا ہے۔
پھر ہم نے گوگل پر “شہباز شریف گرفتار” کیورڈ سرچ کیا۔ لیکن ایسی کوئی حالیہ رپورٹ نہیں ملی۔ جس میں شہباز شریف کی گرفتاری کا ذکر ہو۔ مزید سرچ کے دوران ہمیں پاکستان کرکٹ بورڈ کے آفیشل ٹویٹر ہینڈل پر 6 دسمبر 2022 کو تصویر کے ساتھ شیئر شدہ ایک ٹویٹ ملا۔ جس کے ساتھ دی گئی معلومات کے مطابق اسلام آبا کے وزیراعظم ہاؤس میں پاکستان اور انگلینڈ کی ٹیموں کے لیے عشائیہ دیا گیا۔ بتادوں کہ اس ٹویٹ میں وزیر اعظم پاکستان شہباز شریف کی تصویر بھی دیکھی جا سکتی ہے۔
پھر ہم نے شہباز شریف کے فیس بک اور ٹویٹر ہینڈل کو کھنگالا۔ جہاں ہمیں وزیر اعظم پاکستان شہباز شریف کے ٹویٹر ہینڈل پر چند گھنٹہ پہلے کیا گیا ٹویٹ بھی ملا۔ اس کے علاوہ فیس بک پر ایک پوسٹ ملا۔ جس میں دی گئی معلومات کے مطابق وزیراعظم شہباز شریف سے قطر کے سفیر سعود بن عبدالرحمان الثانی کی ملاقات کا ذکر ہے اور ان کے ساتھ ویڈیو اور تصویر بھی موجود ہے۔
اس سے واضح ہوتا ہے کہ اگر شہباز شریف کی گرفتاری ہوئی ہوتی تو پاکستان یا انٹر نیشنل میڈیا رپورٹ انٹر نیٹ پر ضرور موجود ہوتیں۔ شہباز شریف کے ٹویٹر ہینڈل اور فیس بک پوسٹ سے بھی پتا چلتا ہے کہ ان کی گرفتاری کی خبر فرضی ہے۔
ان سبھی تحقیقات کے باوجود ہم نے پاکستان کے سینئر صحافی کامران ساقی سے رابطہ کیا اور ان سے شہباز شریف کی گرفتاری سے متعلق سوال کیا تو انہوں نے بتایا کہ یہ خبر بہت پرانی ہے۔ شہباز شریف آزاد ہیں انہیں گرفتار نہیں کیا گیا۔ ماضی قریب میں نیب کے کسی کیس کی ایسی سماعت بھی نہیں ہوئی۔ یہ کچھ سوشل میڈیا اکاؤنٹس اپنے فالورز بڑھانے کے لئے ایسی ویڈیوز کو وائرل کر رہے ہیں۔
Conclusion
نیوز چیکر کی تحقیقات سے یہ ثابت ہوا کہ وزیر اعظم پاکستان شہباز شریف کی گرفتاری کی خبر فرضی ہے، جو ویڈیو وائرل ہو رہا ہے وہ پرانی ہے۔
Result: False
Our Sources
Facebook post by IKTodayNews.Pk on 28/Nov/2020
Twitter post by TheRealPCB on 6/ Dec/ 2022
Facebook post by Shehbaz sharif on
Twitter post by Shehbaz sharif
Newschecker Talk with Pakistani Journalisht Kamran saqi
کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in
