پُشپیندر کلشریسٹھ نے داروالعلوم دیوبند کے نام پر فرضی فتویٰ کیا شیئر

دیوبند سے فتویٰ جاری ہوا ہےکہ جن سنی مسلمانوں نے جناب کلب صادق کی نماز جنازہ میں حصہ لیا ہے یا پڑھا ہے وہ سب اسلام سے خارج ہیں یعنی اسلام سے نکال دیئے گئے ہیں۔ان کا نکاح بھی ٹوٹ گیا ہے۔

داروالعلوم دیوبند کے حوالے سے کیا ہے وائرل دعویٰ؟

صحافی پُشپیندر کلشریشٹھ سمیت متعدد سوشل میڈیا یوزرس نے اپنے آفیشل فیس بک پر مولانا محمود مدنی کی تصویر کے ساتھ دعویٰ کیا ہے کہ دیوبند نے ایک فتویٰ جاری کیا ہے۔جس میں لکھا ہے کہ شیعہ عالم دین مولاناکلب صادق کی نمازجنازہ میں شامل ہونے والے سنی مسلمان اسلام سے خارج ہوگیے ہیں اور ان کا نکاح بھی ٹوٹ چکا ہے۔درج ذیل میں وائرل پوسٹ کے آرکائیو لنک موجود ہیں۔

پُشپیندر کلشریشٹھ کے پوسٹ کاآرکائیو لنک۔

مدثرناظر کے ٹویٹر پوسٹ کاآرکائیو لنک۔

Fact check / Verification

سوشل میڈیا پر دیوبند کے فتوے کے حوالے سے کیاگیا دعویٰ کتنا سچ ہے؟یہ جاننےکےلئے ہم نے کچھ ٹولس کی مدد سےداروالعلوم دیوبند کے فتوے والے ویب سائٹ کو کھنگالا ۔لیکن ہمیں ویب سائٹ پر ایساکوئی فتویٰ نہیں ملا جس میں مولانا کلب صادق کے حوالے سے دیوبند نے فتویٰ جاری کیا ہو۔

پھر ہم نے مزید کیورڈ سرچ کیا۔اس دوران ہمیں ہندوستان اردو ٹائمس اور قومی ٹائمس نامی نیوز ویب سائٹ پر 30نومبر 2020 کی خبریں ملیں۔جس کے مطابق مولانا کلب صادق کی نمازجنازہ میں شامل ہونے کے حوالےسے وائرل دعویٰ فرضی ہے۔رپوٹ میں یہ بھی لکھا ہے کہ  دارالعلوم دیوبند کے مہتمم مفتی ابوالقاسم نعمانی نے کہا ہےکہ سازش کے تحت سوشل میڈیا پر اس قسم کی خبریں چلاکر دارالعلوم دیوبند کو بدنام کرنے کی کوشش کی گئی ہے۔ جبکہ دارالعلوم دیوبند سے اس طر ح کا کوئی بھی فتویٰ جاری نہیں کیاگیاہے۔

سرچ کے دوران ہمیں روزنامہ ہماراسماج کا ایک پی ڈی ایف ملا۔جس میں  دارالعلوم دیوبند کے مہتمم مفتی ابوالقاسم نعمانی کے حوالے سے لکھا ہے کہ سوشل میڈیاپر کلب صادق کی نمازجنازہ کولےکروائرل ہو رہا فتویٰ فرضی ہے۔

مذکورہ تحقیقات سے تسلی نہیں ملی تو ہم نے داروالعلوم دیوبند کے صحافی اشرف عثمانی سے وائرل دعوے کے حوالے سے فون پر رابطہ کیا۔انہوں نے بتایا فرضی فتویٰ سوشل میڈیا پر شیئر کیاگیا تاکہ داروالعلوم کا امیج خراب ہوسکے۔دیوبند نے اس طرح کا کوئی فتویٰ جاری نہیں کیا ہے۔

Conclusion

نیوزچیکر کی تحقیقات سے یہ ثابت ہوتاہے کہ داروالعلوم دیوبند نے مولاناکلب صادق کی نمازجنازہ کے حوالے سے کسی بھی طرح کا کوئی فتویٰ جاری نہیں کیا ہے۔سوشل میڈیاپر شیئر کیاجارہا دعویٰ بالکل فرضی ہے۔

Result:False

Our Sources

Darulifta:https://darulifta-deoband.com/ur#.X8c9CJpFsp4.whatsapp

HUT:https://hindustanurdutimes.com/%D8%AF%DB%8C%D9%88%D8%A8%D9%86%D8%AF-1472/

QTimes:https://qaumitime.in/news/2134/

Hamarasamaj:https://drive.google.com/file/d/1WlBN6IqosuaKU7qhb4-6U1a7N1ogdDv3/view?usp=sharing

نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔

 9999499044