Fact Check: کیا سعودی عرب میں قومی دن کے موقع پر محمد بن سلمان کے ساتھ عمران خان کی دکھائی گئی ویڈیو؟ جانیں پورا سچ

Claim
 سعودی عرب میں قومی دن کے موقع پر ولی عہد محمد بن سلمان کے ساتھ عمران خان سے ملاقات کی ویڈیو کو دکھایا گیا۔
Fact
اس ویڈیو کو 2019 میں سعودی گلوکار رابح صقر کی جانب سے تیار کیا گیا تھا۔

سعودی عرب نے اس مرتبہ 23 ستمبر 2023 کو 93 واں قومی دن منایا۔ اس دن ملک کے انقلابی سفر کا جشن منایا جاتا ہے۔ اب پاکستان کے کئی مستند ایکس(ٹویٹر) ہینڈلس صارفین سعودی عرب کے قومی دن سے منسوب کرکے ایک ویڈیو شیئر کر رہے ہیں۔ ویڈیو کے آخر میں سعودی عرب کے ولی عہد محمد بن سلمان سے پاکستان کے سابق وزیر اعظم عمران خان گلے ملتے ہوئے نظر آ رہے ہیں۔

دعویٰ کیا جا رہا ہے کہ سعودی عرب کی حکومت نے اپنے قومی دن کے موقع پر بنی ویڈیو میں ولی عہد محمد بن سلمان کی عمران خان سے ملاقات کو دکھایا ہے۔

وائرل پوسٹ کا آرکائیو لنک یہاں، یہاں، یہاں اور یہاں دیکھیں۔

اس ویڈیو کو فیس بک صارفین بھی سعودی عرب میں قومی دن کے موقع پر چلائے جانے کا بتاکر شیئر کر رہے ہیں۔

Fact Check/Verification

سعودی عرب میں قومی دن کا بتاکر شیئر کی گئی ویڈیو کے ایک فریم کو ہم نے ین ڈیکس سرچ کیا۔ جہاں ہمیں 13 مارچ 2019 کو اپلوڈ شدہ رابح صقر نامی یوٹیوب چینل پر 4 منٹ 19 سیکینڈ پر مشتمل طویل ویڈیو ملی۔ جس کے 2 منٹ 48 سیکینڈ کے بعد سعودی عرب کے ولی عہد محمد بن سلمان کے عمران خان سے ملاقات کے مناظر دیکھے جا سکتے ہیں۔

مزید سرچ کے دوران ہمیں سعودی عرب میں قومی دن سے منسوب وائرل ویڈیو سے متعلق آر ٹی ای اردو نیوز ویب سائٹ کے مستند ایکس ہینڈل کا پوسٹ بھی موصول ہوا۔ جس میں مذکورہ وائرل ویڈیو کو شیئر کرنے کے حوالے سے لکھا ہے کہ ان سے یہ ویڈیو غلطی سے شائع ہوگئی تھی، جس کے لئے آر ٹی ای اردو معذرت خواہ ہے۔

عرب نیوز کے مطابق رابح صقر سعودی عرب کے ایک مشہور گلوکار ہیں۔

Conclusion

اس طرح نیوز چیکر کی تحقیقات سے یہ ثابت ہوا کہ ولی عہد محمد بن سلمان کی عمران خان سے ملاقات والی ویڈیو کو سعودی عرب میں قومی دن کے موقع پر چلانے کا دعویٰ فرضی ہے، ویڈیو کو مارچ 2019 میں سعودی گلوکار رابح صقر نے اپنے یوٹیوب چینل پر شیئر کیا تھا۔

Result: False

Sources
Video report published by Rabeh Saqer on 13 March 2019
Tweet by @RTEUrdu on 25 Sept 2023

نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کرسکتے ہیں۔ ساتھ ہی ہمارے واہٹس چینل کو بھی فالو کریں۔