Fact Check:تاجیکستان میں حالیہ زلزلے کی نہیں ہے یہ سی سی ٹی وی فوٹیج

Authors

Mohammed Zakariya

Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.

ترکش نیوز ایجنسی انادولو کے مطابق 23 جنوری 2023 کو تاجیکستان اور چین میں 7.2 کی شدت سے زلزلے کے جھٹکے محسوس کیے گئے۔ اس حوالے سے سوشل میڈیا پر ایک سی سی ٹی وی ویڈیو وائرل ہورہی ہے، جس کو تاجیکستان میں حالیہ زلزلے کا بتاکر شیئر کیا جارہا ہے۔ ایک ٹویٹر صارف نے ویڈیو کے کیپشن میں لکھا “تاجیکستان میں زلزلے کے جھٹکے”۔

اس کے علاوہ محمد طارق بلال نامی ویری فائڈ ٹویٹر ہینڈل سے بھی اس ویڈیو کو تاجیکستان کا بتاکر شیئر کیا گیا ہے۔

آپ تک ٹی وی نام کے ٹویٹر ہینڈل اور فیس بک پیج سے بھی ویڈیو کو تاجیکستان زلزلے کا بتاکر شیئر کیا گیا ہے۔

Fact Check/ Verification

تاجیکستان زلزلے کا بتاکر شیئر کی گئی ویڈیو کو ہم نے انوڈ کی مدد سے کیفریم میں تقسیم کیا اور ان میں سے چند فریم کو گوگل ین ڈیکس سرچ کیا تو ہمیں 24 اپریل 2019 کو اپلوڈ شدہ ایگل نیوز، اے بی ایس-سی بی این نیوز اور گیجٹ ایڈکٹ نامی یوٹیوب چینل پر ہوبہو ویڈیو ملیں۔ جس میں دی گئی معلومات کے مطابق سی سی ٹی ویڈیو کلارک انٹرنیشنل ایئر پورٹ کی ہے۔ جہاں 6.1 کی شدت سے آئے زلزلے کی وجہ سے لوگ ادھر ادھر بھاگتے ہوئے نظر آرہے ہیں۔

مزید سرچ کے دوران ہمیں24 اپریل 2019 کو شیئر شدہ فلپائن محکمہ نقل و حمل کے آفیشل فیس بک پیج پر بھی وہی ویڈیو ملی، جسے حالیہ تاجیکستان زلزلے کا بتایا جارہا ہے۔ ویڈیو کے ساتھ دی گئی معلومات کے مطابق یہ سی سی ٹی وی فوٹیجز فلپائن کے کلارک انٹرنیشنل ایئرپورٹ کے اندرونی حصے کی ہیں۔ جہاں22 اپریل، 2019 کو 6.1 شدت کا زلزلہ آیا تھا۔ جس کی وجہ سے لوگوں میں افراتفری مچ گئی تھی۔

Conclusion

نیوز چیکر کی تحقیقات سے یہ ثابت ہوا کہ وائرل سی سی ٹی وی فوٹیجز حالیہ تاجیکستان زلزلے کی نہیں ہیں، بلکہ پرانی اور فلپائن کے کلارک انٹرنیشنل ایئرپورٹ پر زلزلے کی وجہ سے بھاگ رہے لوگوں کی ہے۔

Result: False

نوٹ: کسی بھی مشتبہ خبرکی تحقیق، ترمیم یا دیگر تجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044

Authors

Mohammed Zakariya

Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.