کیا ڈونلڈ ٹرمپ نے پاکستان میں سیلاب کے لئے بھارت کو ٹھہرایا ذمہ دار؟ نہیں، وائرل کلپ ڈیپ فیک ہے

سوشل میڈیا پر ایک ویڈیو وائرل ہے جس میں دعویٰ کیا جا رہا ہے کہ امریکی صدر ڈونلڈ ٹرمپ نے پاکستان سیلاب کے لئے بھارت کو ذمہ دار ٹھہرایا ہے اور وہ دنیا پر بھی زور دے رہے ہیں کہ بھارت کو اس کا جوابدہ ٹھہرائے۔

Fact Check/Verification

ہم نے سب سے پہلے ٹرمپ کی جانب سے پاکستان سیلاب کولے کر دیئے گئے بیان کو گوگل کیورڈ کی مدد سے تلاش کیا۔ لیکن وائٹ ہاؤس یا کسی معتبر میڈیا ادارے نے ڈونلڈ ٹرمپ کا ایسا کوئی بیان رپورٹ نہیں کیا ہے۔

پھر ہم نے وائرل ویڈیو کے چند فریموں کو گوگل ریورس امیج کی مدد سے تلاش کیا۔ جہاں معلوم ہوا کہ وائرل ویڈیو 30 مئی 2025 کو ہوئے ایک پریس انٹریکشن کی ہے۔ اس ویڈیو میں ٹرمپ کو وائرل ویڈیو والے لباس میں ہی دیکھا جا سکتا ہے، ساتھ ہی آس پاس کا بیک گراؤنڈ بھی یکساں ہے۔ اس ویڈیو کو دی وائٹ ہاؤس اور فوربس بریکنگ نیوز نے شائع کیا تھا، جس میں وہ چین سے متعلق تجارتی امور پر گفتگو کر رہے ہیں ناکہ سیلاب یا بھارت سے متعلق بات کر رہے ہیں۔

مزید تصدیق کےلئے ہم نے اے آئی ڈیٹیکشن آلات ہائیو ماڈریشن، ریسمبل اے آئی اور ہی یا ڈیپ فیک ڈیٹیکٹر کی مدد لی۔ جہاں تینوں ٹولز نے امکان ظاہر کئے ہیں کہ ویڈیو اور آڈیو کو مصنوعی طور پر تیار کیا گیا ہے۔

ہائیو ماڈریشن: 98.3 فیصد اے آئی سے تیار کردہ یا ڈیپ فیک مواد۔
ہی یا ڈیپ فیک وائس ڈیٹیکٹر: “ممکنہ طور پر ڈیپ فیک”۔
ریسمبل اے آئی: آڈیو کو “جعلی” قرار دیا ہے۔

بھارت کی سرکاری فیکٹ چیکنگ ایجنسی پی آئی بی نے بھی واضح طور پر بتایا ہے کہ یہ ایک اے آئی ویڈیو ہے اور ٹرمپ نے ایسا کوئی بیان نہیں دیا ہے۔

Conclusion

یہ ویڈیو ایک ڈیپ فیک ہے۔ ٹرمپ نے بھارت کو پاکستان سیلاب کا موردِ الزام نہیں ٹھہرایا ہے اور ایسا کوئی بیان بھی انہوں نے نہیں دیا ہے۔

FAQs

۱: کیا ٹرمپ نے واقعی بھارت کو پاکستان کے سیلاب کا ذمہ دار ٹھہرایا؟
نہیں، ایسا کوئی مستند بیان موجود نہیں، یہ ویڈیو اے آئی سے تیار کیا گیا ہے۔
۲: وائرل ویڈیو حقیقی ہے یا فیک؟
یہ ایک ڈیپ فیک ویڈیو ہےیعنی اس میں اے آئی تیار کردہ آڈیو کا استعمال کیا گیا ہے۔
۳: اصل ویڈیو کہاں کی ہے؟
یہ ویڈیو اصل میں 31 مئی 2025 کی ہے، جس میں ڈونلڈ ٹرمپ چین سے متعلق ملٹی نیشنل معاملات پر بات کر رہے ہیں۔
۴: ڈیپ فیک کی ظاہری علامات کیا ہیں؟
لبوں کی حرکت میں تطابق نہ ہونا، منہ اورجبڑے کی بے ترتیبی، عجیب آڈیو کیڈنس اورگونج، اور متضاد روشنی یا جلد کی مختلف ساخت وغیرہ۔

Sources
YouTube Video By Forbes, Dated May 31, 2025
YouTube Video By White House, Dated May 30, 2025
Hive Moderation Website
Resemble AI Website
Hiya Deepfake Voice Detector Tool

(اس آرٹیکل کو انگلش سے ترجمہ کیا گیا ہے، جسے وسودھا بیری نے لکھا ہے۔)