دوران پرواز طیارے میں لگی آگ کی یہ ویڈیو یتی ایئرلائنس حادثے کی نہیں ہے

Claim

دوران پرواز طیارے میں لگی آگ کی ایک ویڈیو سوشل میڈیا پر گردش کر رہی ہے۔ دعویٰ ہے کہ یہ ویڈیو نیپال کے پوکھرا میں ہوئے یتی ایئرلائنس حادثے کی ہے۔ ترکیہ اردو نے ویڈیو کو شیئر کر لکھا ہے کہ “نیپال میں مسافر طیارہ حادثے کا شکار، جہاز میں سوار 72 میں سے 70 افراد کی ہلاکت کی تصدیق، بدقسمت طیارہ پوکھرا انٹرنیشنل ایئرپورٹ پر کھٹمنڈو سے آ رہا تھا، لینڈنگ سے کچھ دیر پہلے ہی جہاز میں آگ لگ گئی اور دیکھتے ہی دیکھتے وہ زمین سے ٹکرا گیا”۔

فیس بک پر بھی اس ویڈیو کو مذکورہ دعوے کے ساتھ شیئر کیا گیا ہے۔

Fact

دوران پرواز طیارے میں لگی آگ والی ویڈیو کے ایک فریم کو گوگل ریورس امیج سرچ کیا۔ اس دوران ہمیں ہوبہو ویڈیو کے ساتھ شائع ری پبلک ورلڈ کے آفیشل یوٹیوب چینل پر 17 اگست 2021 کی ایک رپورٹ ملی۔ جس میں اسے روسی پروٹوٹائپ کارگو طیارہ آئی ایل-112وی کے حادثے کا بتایا گیا ہے۔ جس میں 3 افراد سوار تھے۔ یہ حادثہ ماسکو کے قریب ٹیسٹ پرواز کے دوران پیش آیا تھا۔

مزید سرچ کےد وران ہمیں روسی پروٹوٹائپ کارگو طیارہ آئی ایل-112وی کے حادثے سے متعلق ایسوسی ایٹ پریس اور کنیڈین نیوز ویب سائٹ سی ٹی وی نیوز پر خبریں فراہم ہوئیں۔ جس میں دوران پرواز طیارہ میں لگی آگ کی ویڈیو کو روس کے آئی ایل-112وی حادثے کا بتایا گیا ہے۔

اس طرح نیوز چیکر کی تحقیقات میں یہ ثابت ہوا کہ دوران پرواز طیارے میں لگی آگ کی یہ ویڈیو نیپال کے پوکھرا میں یتی ایئرلائنس حادثے کی نہیں، بلکہ روسی پروٹوٹائپ کارگو طیارہ آئی ایل-112وی کریش کی ہے۔

Result: False

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044