Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact Check
فیس بک اور ٹویٹر پر بھارتی میڈیا کا مذاق اڑاتے ہوئے اسپیس شپ کی ایک تصویر کو خوب شیئر کیا جا رہا ہے۔ صارفین نے تصویر کے ساتھ کیپشن میں لکھا ہے کہ”آئی ایس آئی کا ہیڈکوارٹر وادی پنچشیر میں محو پرواز پایا گیا ہے۔ جس کے بعد بھارتی میڈیا میں کھلبلی”۔بتادوں کہ اس تصویر کو زیادہ تر مزاحیہ طور پر شیئر کیا جا رہا ہے۔
افغانستان میں طالبانی حکومت آنے کے بعد سوشل میڈیا و نیوز چینلوں پر طرح طرح کی تصاویر اور ویڈیو کو بغیر تحقیق کے خبریں کے ساتھ شائع کیا گیا۔ جس میں طالبانی حکومت کو بے رحم اور سخت دل ثابت کرنے کی کوشش کی گئ ہیں۔
دوسری جانب ان دنوں اسپیس شپ کی ایک تصویر کو بھارتی میڈیا سے منسوب کرکے سوشل نیٹورکنگ سائٹس پر شیئر کیا جا رہا ہے۔ جس میں صارفین کا دعویٰ ہے کہ مذکورہ “اسپیس شپ آئی ایس آئی کاہیڈکوارٹر ہے۔ جو افغانستان کے پنجشیر میں محو پرواز پایا گیا ہے۔ اس خبر کے شائع ہوتے ہی بھارتی میڈیا میں کھلبلی مچ گئی ہے”۔
کراؤڈ ٹینگل پر جب ہم نے “آئی ایس آئی کاہیڈکوارٹر وادئ پنچشیر میں محو پرواز پایا گیا ہے” سرچ کیا تو ہمیں پتا چلا کہ اس موضوع پر ستمبر ماہ میں 9,489 فیس بک صارفین تبادلہ خیال کر چکے ہیں۔
وائرل پوسٹ کے آرکائیو لنک یہاں، یہاں، یہاں اور یہاں دیکھیں۔
وائرل تصویر کی سچائی جاننے کے لئے ہم نے اپنی تحقیقات کا آغاز کیا۔ سب سے پہلے تصویر کو ہم نے گوگل ریورس امیج سرچ کیا۔ جہاں ہمیں اسکرین پر متعدد لنک فراہم ہوئے۔ ساتھ ہی اسکرین پر انگلش میں “اسٹارگیٹ ایس جی 1 نوکس سٹی” لکھا ہوا نظر آیا۔
پھر ہم نے اسٹارگٹ سیزن ون کیورڈ سرچ کیا۔ اس دوران ہمیں گونکسین ڈاٹ کام، ٹیل ٹال ٹی وی اور گیٹ ورلڈ نامی ویب سائٹ پر وائرل تصویر ملی۔ جس میں اس تصویر کو غیر ملکی ویب سریز “اسٹار گٹ ” کے سیزن ون کے آٹھویں قسط کا منظر بتایا گیا ہے۔ اس قسط کو “دی ناکس” کا عنوان دیا گیا ہے۔
اس قسط کو ہارٹ ہینسن نامی مصنف نے لکھا ہے۔ ایپیسوڈ میں ناکس نامی پرجاتی کو دکھایا گیا ہے۔ جن کے پاس کچھ غیر معمولی طاقتیں ہیں۔ بتادوں کہ سیزن ون کے اہم کردار 9 ہیں۔ اس ویب سیریز کو بنانے میں ایڈوانس ٹیکنالوجی کا استعمال کیا گیا ہے۔
یہ بھی پڑھیں: کیا وائرل تصویر میں نظر آرہا برہنہ شخص پاکستانی لیڈر شہریار آفریدی ہے؟
ڈیلی موشن پر ہمیں اسٹار گیٹ کی دی ناکس نامی قسط ملی۔ جسے 3 سال پہلے اپلوڈ کیا گیا تھا۔ اس ویڈیو کے 41 منٹ 33 سیکینڈ پر وائرل تصویر والا منظر دیکھا جا سکتا ہے۔
نیوز چیکر کی تحقیقات میں یہ ثابت ہوتا ہے کہ اسپیس شپ کی وائرل تصویر غیر ملکی ویب سریز “اسٹار گٹ ” کے سیزن ون کے آٹھویں قسط کا منظر ہے۔ اس قسط کو “دی ناکس” کا عنوان دیا گیا ہے اس تصویر کا آئی ایس آئی ہیڈکواٹر سے کوئی لینا دیا نہیں ہے۔ سرچ کے دوران ہمیں بھارتی میڈیا کی جانب سے بھی شائع کی گئی ایسی کوئی خبر نہیں ملی۔
نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔
9999499044
Mohammed Zakariya
July 23, 2021
Mohammed Zakariya
February 2, 2022
Mohammed Zakariya
August 20, 2020