Saturday, March 15, 2025
മലയാളം

Fact Check

സ്‌കൂട്ടർ മോഷണത്തിന്റെ വൈറൽ വീഡിയോ സ്ക്രിപ്റ്റഡ് ആണ്

Written By Sabloo Thomas
Jan 13, 2022
banner_image

സ്‌കൂട്ടർ മോഷണത്തിന്റെ ഒരു വീഡിയോ സമൂഹ മാധ്യമങ്ങളിൽ വൈറലാവുന്നുണ്ട്. റോഡുകളിൽ വാഹനങ്ങളുടെ എണ്ണം വർദ്ധിച്ചതോടെ മാധ്യമങ്ങളിൽ വാഹന മോഷണത്തെ കുറിച്ചുള്ള വാർത്തകളും ധാരാളം വരുന്നുണ്ട്. ഇത്തരം സാഹചര്യത്തിലാണ് ഈ വീഡിയോ ഷെയർ ചെയ്യപ്പെടുന്നത്.

 ഫേസ്ബുക്കിൽ വൈറലായ വീഡയോയുടെ കഥാഗതി ചുരുക്കി പറയാം.”ഒരാൾ സ്‌കൂട്ടറിന്റെ  സൈലൻസറിനുള്ളിൽ തുണി തിരുകി വെക്കുന്നു. തുടർന്ന് അയാൾ തന്നെ  സ്‌കൂട്ടറിന്റെ ഉടമയായ  പെൺകുട്ടിയുടെ അടുത്ത എത്തുന്നു. സഹായം  വാഗ്ദാനം ചെയ്യുന്നു. ഉടമയുടെ ശ്രദ്ധ മാറിയ  ഉടനെ  ഇയാൾ സ്‌കൂട്ടറുമായി കടന്നുകളയുന്നു.”

 Irinjalakuda Voice എന്ന ഐഡിയിൽ നിന്നുള്ള വീഡിയോയ്ക്ക് 1.4 k ഷെയറുകൾ ഉണ്ട്.

Viral Video shared by Irinjalakuda Voice 

Fasalu Rahman എന്ന ഐഡിയിൽ നിന്നുള്ള പോസ്റ്റിനു 3 ഷെയറുകൾ ഉണ്ട്.

Fasalu Rahman’s Post 

Fact Check/Verification

വീഡിയോയുടെ താഴെ തന്നെ ധാരാളം പേർ ഇത് സ്ക്രിപ്റ്റഡ് ആണ് എന്ന് സൂചിപ്പിച്ചിട്ടുണ്ട്. Roshan Varghese Puthenpurackal എന്ന ആൾ, “സ്ക്രിപ്റ്റ്ഡ് ആണെന്ന് തോന്നത്തെ ഇല്ലല്ലേ,” എന്ന് പരിഹാസ രൂപേണ ചോദിച്ചിരിക്കുന്നത് കാണാം. “ഒട്ടും artificiality തോന്നുന്നേ ഇല്ല,” “ഇത് ക്രീയേറ്റ് ചെയ്തതാണ്,” “Brilliant work,” “ഒട്ടും artificiality തോന്നുന്നേ ഇല്ല,” “ടെലി ഫിലിം ആണോ?” “തിരക്കഥ പോരാ,” തുടങ്ങിയ കമന്റുകളും കാണാം.

ഞങ്ങൾ വീഡിയോയുടെ മറ്റ് വേർഷനുകൾ ഉണ്ടോ എന്ന്  ഫേസ്ബുക്കിൽ തിരഞ്ഞു. അപ്പോൾ ഇത് ഡ്രാമയാണ് എന്ന് പറഞ്ഞു കൊണ്ട് News keralam എന്ന ഐഡി ഈ വീഡിയോ  ഷെയർ ചെയ്തതായി കണ്ടു.

News keralam’s Facebook Post 

ഞങ്ങൾ വീഡിയോയെ കീഫ്രെയിമുകളായി വിഭജിച്ച് ഒരു റിവേഴ്സ് ഇമേജ് തിരയൽ നടത്തി. അപ്പോൾ Sanjjanaa Galrani എന്ന ഐഡിയിൽ നിന്നും വീഡിയോ പോസ്റ്റ് ചെയ്തതായി കണ്ടു.

Sanjjanaa Galrani’s Facebook Post 

“കണ്ടതിന് നന്ദി! ഈ പേജിൽ സ്ക്രിപ്റ്റഡ് ഡ്രാമകളും പാരഡികളും ഉണ്ടെന്ന് ദയവായി ശ്രദ്ധിക്കുക. ഈ ഹ്രസ്വചിത്രങ്ങൾ വിനോദത്തിനും വിദ്യാഭ്യാസ ആവശ്യങ്ങൾക്കും മാത്രമുള്ളതാണ്!,” എന്ന  ഒരു ഡിസ്ക്ലെയിമർ വീഡിയോയ്ക്ക്   ഒപ്പം കൊടുത്തിട്ടുണ്ട്.

Disclaimer in Sanjjanaa Galrani’s Facebook Post 

കഴിഞ്ഞ കുറെ നാളുകളായി സമൂഹ മാധ്യമങ്ങളിൽ സ്‌ക്രിപ്റ്റഡ് വീഡിയോകൾ തരംഗമാവുന്നുണ്ട്. ഇത്തരം സ്ക്രിപ്റ്റഡ് വീഡിയോകൾ ഫേസ്ബുക്ക്,ട്വീറ്റർ, വാട്ട്സ്ആപ്പ് തുടങ്ങിയ പ്ലാറ്റ്ഫോമുകളിൽ എല്ലാം  വ്യപാകമായി ഷെയർ ചെയ്യപ്പെടുന്നുണ്ട്..ഞങ്ങൾ തന്നെ ഈ അടുത്ത കാലത്ത് ധാരാളം അത്തരം വീഡിയോകൾ ഫാക്ട് ചെക്ക് ചെയ്തിട്ടുണ്ട്. കുട്ടിയെ സ്യൂട്ട്‌കേസിൽ തട്ടിക്കൊണ്ടുപോകുന്നതിന്റെ വീഡിയോ,ആരും സഹായിക്കാൻ ഇല്ലാതെ അവശയായ ഗർഭിണിയെ സൈനികർ സഹായിക്കുന്ന വീഡിയോ തുടങ്ങിയവ എല്ലാം ഞങ്ങൾ ഈ അടുത്ത കാലത്ത് ഫാക്ട് ചെക്ക് ചെയ്ത അത്തരം വീഡിയോകളിൽ ചിലതാണ്.

“വീഡിയോയിൽ പ്രത്യക്ഷപ്പെടുന്ന എല്ലാ കഥാപാത്രങ്ങളും സാങ്കൽപ്പികമാണ്. പൊതുജനങ്ങളെ ബോധവത്കരിക്കുന്നതിന് വേണ്ടി നിർമിച്ചതാണ്.വീഡിയോയിൽ പ്രത്യക്ഷപ്പെടുന്ന എല്ലാ കഥാപാത്രങ്ങളും സാങ്കൽപ്പികമാണ്,” എന്നൊക്കെയുള്ള ഡിസ്ക്ലെയിമറുകളോടെയാണ് ഇവയുടെ ഒറിജിനലുകൾ പോസ്റ്റ് ചെയ്യപ്പെടുന്നത്. എങ്കിലും അവ തെറ്റിദ്ധരിപ്പിക്കുന്ന അവകാശവാദങ്ങളോടെ ഷെയർ ചെയ്യപ്പെടുന്നുണ്ട്. 

Conclusion

സ്കൂട്ടർ അടിച്ച് മാറ്റാൻ പുതിയ ടെക്നിക്ക് എന്ന രീതിയിൽ പ്രചരിപ്പിക്കപ്പെടുന്ന വീഡിയോ സ്‌ക്രിപ്റ്റഡ് ആണ് എന്ന് ഞങ്ങളുടെ അന്വേഷണത്തിൽ കണ്ടെത്തി. ഈ വിഡീയോ ഒരു യഥാർഥ സംഭവം എന്ന നിലയിൽ ഷെയർ ചെയ്യപ്പെടുന്നുണ്ട്.

വായിക്കാം: കംപ്യൂട്ടർ സോഫ്റ്റ്‌വെയറിന്റെ സഹായത്തോടെ നിർമിച്ച വീഡിയോ Indonesian വിമാനത്തിന് അപകടം ഉണ്ടാവുന്നത് എന്ന പേരിൽ ഷെയർ ചെയ്യപ്പെടുന്നു

Result: Misleading/Partly False

Our Sources

News keralam

Sanjjanaa Galrani 


ഞങ്ങൾ ഒരു അവകാശവാദത്തെ കുറിച്ച്  വസ്തുത പരിശോധന നടത്തണമെന്നോ ,അതിനെ കുറിച്ചുള്ള   ഫീഡ്‌ബാക്ക് നൽക്കണമെന്നോ,  അതിനെ കുറിച്ചൊരു പരാതി ഞങ്ങൾക്ക് നൽക്കണമെന്നോ  നിങ്ങൾ ആഗ്രഹിക്കുന്നുവെങ്കിൽ, 9999499044 എന്ന നമ്പറിൽ വാട്ട്‌സ്ആപ്പ് ചെയ്യുക അല്ലെങ്കിൽ checkthis@newschecker.in ൽ ഇമെയിൽ ചെയ്യുക. നിങ്ങൾക്ക് ഞങ്ങളുടെ കോൺടാക്ട് അസ് പേജ് സന്ദർശിച്ചു പരാതി  ഫോം പൂരിപ്പിക്കാനും അവസരം ഉണ്ട്.

image
ഒരു അവകാശവാദത്തിന്റെ സത്യസന്ധത പരിശോധിക്കാൻ, പ്രതികരണം നൽകാൻ അല്ലെങ്കിൽ പരാതിപ്പെടാൻ, ഞങ്ങളെ വാട്സ്ആപ്പ് ചെയ്യുക +91-9999499044 അല്ലെങ്കിൽ ഞങ്ങളെ ഇമെയിൽ ചെയ്യുക checkthis@newschecker.in​. നിങ്ങൾ ബന്ധപ്പെടാനും ഫോർമുകൾ പൂരിപ്പിക്കാൻ കഴിയും.
Newchecker footer logo
Newchecker footer logo
Newchecker footer logo
Newchecker footer logo
About Us

Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check

Contact Us: checkthis@newschecker.in

17,450

Fact checks done

FOLLOW US
imageimageimageimageimageimageimage
cookie

ഞങ്ങളുടെ വെബ്‌സൈറ്റ് കുക്കീസ് ഉപയോഗിക്കുന്നു

ഞങ്ങൾ കുക്കീസ് മറ്റുള്ളവയും സാദൃശ്യമാക്കാൻ സഹായിക്കുന്നു, അറിയിക്കാൻ വാങ്ങിയിരിക്കുന്നവയും അളയാനും, ഒരു മികച്ച അനുഭവത്തിനും നൽകാൻ. 'ശരി' ക്ലിക്ക് ചെയ്താൽ അല്ലെങ്കിൽ കുക്കി മൊഴ്സിലേയ്ക്ക് ഒരു ഓപ്ഷൻ ഓൺ ചെയ്താൽ, നിങ്ങൾ ഇതിൽ സമ്മതിക്കുന്നു, നമ്മുടെ കുക്കി നയത്തിൽ വിവരിച്ച രൂപത്തിൽ.