Tuesday, August 9, 2022
Tuesday, August 9, 2022

HomeFact Checkગૃહમંત્રી અમિત શાહ પત્રકાર દ્વારા પૂછવામાં આવેલા પ્રશ્નનો જવાબ ન આપી શક્યા...

ગૃહમંત્રી અમિત શાહ પત્રકાર દ્વારા પૂછવામાં આવેલા પ્રશ્નનો જવાબ ન આપી શક્યા હોવાના દાવા સાથે વિડીયો વાયરલ

સોશિયલ મીડિયા પર એક પત્રકારની પ્રશંસા કરતા એવો દાવો કરવામાં આવી રહ્યો છે કે ગૃહમંત્રી અમિત શાહ પૂરના પગલે કેન્દ્રની મદદ અંગે એક પત્રકાર દ્વારા પૂછવામાં આવેલા પ્રશ્નનો જવાબ આપી શક્યા નથી.

તાજેતરમાં, દેશમાં ઘણી જગ્યાએ કુદરતી આફતોએ વિનાશ વેર્યો છે. આસામના લોકો પૂરથી પરેશાન છે ત્યારે મણિપુરના નોનીમાં ભૂસ્ખલનને કારણે ભારે વિનાશના સમાચાર છે. આપત્તિ સમયે વિવિધ રાજ્ય સરકારો અને કેન્દ્ર સરકાર સાથે મળીને કામ કરે છે. પરંતુ ઘણી વખત રાજ્ય સરકાર દ્વારા કેન્દ્ર પર મદદ ન કરવાનો આરોપ છે અને કેન્દ્ર પણ રાજ્યોને સહકાર ન આપવાનો આરોપ કરે છે. રાજકીય વકતૃત્વ અને નિર્ણયો ઉપરાંત, આ આફતોની સામાન્ય માનવીના જીવન પર ખૂબ જ ખરાબ અસર પડે છે. આફતોમાં બરબાદ થયેલી ઘણી જિંદગીઓ વર્ષોની મહેનત પછી પણ પાટા પર પાછી આવતી નથી.

આ ક્રમમાં, સોશિયલ મીડિયા પર એક વીડિયો શેર કરવામાં આવ્યો હતો જેમાં દાવો કરવામાં આવ્યો હતો કે ગૃહમંત્રી અમિત શાહ પૂરના પગલે કેન્દ્રની મદદ અંગે એક પત્રકાર દ્વારા પૂછવામાં આવેલા પ્રશ્નનો જવાબ આપી શક્યા નથી. ઘણા પત્રકારોએ પણ આ વીડિયો શેર કર્યો છે અને વીડિયોમાં અમિત શાહને સવાલ પૂછનારા રિપોર્ટરની પ્રશંસા કરી છે.

ગૃહમંત્રી અમિત શાહ પર વાયરલ થયેલ આ ભ્રામક દાવા પર Newschecker હિન્દી ટિમ દ્વારા 4 જુલાઈના પ્રકાશિત કરવામાં આવેલ છે, વધુ માહિતી માટે અહીંયા ક્લિક કરો

Fact Check / Verification

પૂરના પગલે કેન્દ્રની મદદ અંગે પત્રકાર દ્વારા પૂછવામાં આવેલા પ્રશ્નનો જવાબ ન આપતા ગૃહમંત્રી અમિત શાહના નામે શેર કરવામાં આવેલ વીડિયોના કીફ્રેમ સર્ચ કોઈ સચોટ જાણકારી જોવા મળતી નથી. પરંતુ, વીડિયોને ધ્યાનથી જોયા બાદ અમને જાણવા મળ્યું કે તેના પર ‘V6 News’ નામની ચેનલનો લોગો લગાવવામાં આવ્યો છે.

ગૃહમંત્રી અમિત શાહ

ઉપરોક્ત માહિતીના આધારે, અમે Google પર ‘v6 news amit shah road show‘ કીવર્ડ સર્ચ કરતા 29 નવેમ્બર, 2020 ના રોજ GHMC (ગ્રેટર હૈદરાબાદ મ્યુનિસિપલ કોર્પોરેશન)ની ચૂંટણી દરમિયાન V6 News તેલુગુ દ્વારા અપલોડ કરવામાં આવેલ આ વીડિયો જોવા મળે છે.

7 કલાક, 49 મિનિટ અને 55 સેકન્ડ લાંબા આ લાઈવ વીડિયોમાં 4 કલાક, 15 મિનિટ અને 2 સેકન્ડ પછી, ચેનલના રિપોર્ટરનો ગૃહમંત્રી અમિત શાહને પ્રશ્નો પૂછવાનો ભાગ શરૂ થાય છે. જ્યાં, V6 ન્યૂઝના રિપોર્ટર અને કેન્દ્રીય ગૃહ પ્રધાન અમિત શાહ વચ્ચેના એક સાદા પ્રશ્ન બાદ, વાયરલ વીડિયોમાં દર્શાવવામાં આવેલ સંવાદ નીચે મુજબ છે.

V6 ન્યૂઝ રિપોર્ટર: અહીં વરસાદ આવ્યો છે અને પૂર પણ આવ્યા છે પરંતુ સેન્ટ્રલમાંથી એક પૈસો પણ આવ્યો નથી. શું નેતાઓ દિલ્હીથી ચહેરા દેખાડવા આવ્યા હતા…તમે શું કહો છો?

અમિત શાહ: અમે હૈદરાબાદને સૌથી વધુ પૈસા આપ્યા છે. હું પ્રેસ કોન્ફરન્સમાં રૂપિયાને આ વાત કહેવાનો છું. પણ હું એટલું કહેવા માંગુ છું કે સાત લાખ લોકોના ઘરોમાં પાણી ભરાઈ ગયા છે… ક્યાં હતા શ્રી ઓવૈસી અને શ્રી કેસીઆર… એક પણ ઘરમાં ગયા નથી… તમે જોયું પણ નથી. અમારા કાર્યકરો, અમારા સાંસદો, અમારા મંત્રીઓ લોકોની વચ્ચે રહ્યા છે.

જણાવી દઈએ કે 18 નવેમ્બર, 2020 ના રોજ V6 ન્યૂઝ દ્વારા અપલોડ કરવામાં આવેલા એક વીડિયો રિપોર્ટ અનુસાર, તેલંગાણાના મુખ્યમંત્રી કેસીઆરએ કેન્દ્ર સરકારને પૂર પીડિતો માટે રાહત ફંડ માંગ્યું હતું. તુપાકી નામની તેલુગુ વેબસાઇટ દ્વારા 21 નવેમ્બર, 2020 ના રોજ પ્રકાશિત આ લેખમાં પણ આ મુદ્દાનો ઉલ્લેખ કરવામાં આવ્યો છે . સિનેમા ગેરેજ નામની યુટ્યુબ ચેનલ દ્વારા અપલોડ કરવામાં આવેલ વિડીયોમાં પણ કેન્દ્રીય રાહત ફંડને લઈને ટીઆરએસ અને ભાજપ વચ્ચે આક્ષેપો અને પ્રતિઆક્ષેપોની વાત કરવામાં આવી છે.

Conclusion

પૂરના પગલે કેન્દ્રની મદદ અંગે પત્રકાર દ્વારા પૂછવામાં આવેલા પ્રશ્નનો ગૃહમંત્રી અમિત શાહ દ્વારા જવાબ ન આપવાના નામે શેર કરવામાં આવેલો દાવો ભ્રામક છે. હકીકતમાં, વર્ષ 2020માં GHMC ચૂંટણી દરમિયાન હૈદરાબાદ પહોંચેલા V6 ન્યૂઝના રિપોર્ટર દ્વારા અમિત શાહ પાસેથી તેલંગાણાના મુખ્યમંત્રી કેસીઆરના આરોપો પર જવાબ માંગવામાં આવ્યો હતો.

Result : Missing Context

Our Source

YouTube video published by V6 News on 29 November, 2020
Google Search


કોઈપણ શંકાસ્પદ, વાયરલ ખબર ચકાસવા અથવા કોઈ અન્ય સૂચન માટે મેઈલ કરો [email protected] અથવા વોટ્સએપ કરો 9999499044

LEAVE A REPLY

Please enter your comment!
Please enter your name here

Most Popular