Fact Check – વાયનાડ ભૂસ્ખલન દુર્ઘટના બાદ DYFIની રાહત કામગીરીનો વીડિયો RSSની કામગીરી તરીકે ખોટા દાવા સાથે વાઇરલ

Claim – વાયનાડ ભૂસ્ખલનની દુર્ઘટના બાદ આરએસએસનાં કાર્યકર્તાઓ દ્વારા રાહત કામગીરી થતી હોવાનો વીડિયો

Fact – વીડિયો આરએસએસની રાહત કામગીરીનો નથી. તે સીપીઆઈ (એમ)ની ડીવાયએફવાય પાંખની કામગીરીનો વીડિયો છે.

30 જુલાઈએ કેરળના વાયનાડમાં ભૂસ્ખલનની દુર્ઘટના બાદ 250થી વધુ લોકો માર્યાં ગયા છે. એવામાં સોશિયલ મીડિયા પર વિનાશક ભૂસ્ખલન બાદ રાહત પ્રયાસોની કામગીરી તરીકે RSSના કાર્યકરો રાહતકાર્ય કરી રહ્યાના દાવા સાથે વીડિયો વાઇરલ થયો છે.

જોકે, ન્યૂઝચેકરને જાણવ્યા મળ્યું છે કે આ કામગીરી રાષ્ટ્રીય સ્વંયસેવક સંઘ (આરએસએસ)ના કાર્યકર્તાઓ નહીં પણ એક અન્ય સંગઠન દ્વારા કરવામાં આવી રહી છે.

ટ્વીટનું આર્કાઇવ વર્ઝન અહીં જોઈ શકાય છે.

Fact Check/Verification

ન્યૂઝચેકરે વીડિયોની તપાસ કરતા માલૂમ પડ્યું કે 41 સેકન્ડના વીડિયોમાં વિઝ્યૂઅલમાં શરૂઆતમાં દેખાતી મહિલા મલયાલમ અભિનેત્રી નિખિલા વિમલ છે.

આથી ગૂગલ કીવર્ડ સર્ચ કરવા અમે “નિખિલા વિમલ વાયનાડ લેન્ડસ્લાઇડ્સ” માટે સર્ચ કર્યું. જેમાં અમને ઘણા સમાચાર અહેવાલો પ્રાપ્ત થયા.

અહેવાલો અહીં , અહીં અને અહીં જોઈ શકાય છે, જેમાં જણાવવામાં આવ્યું કે, અભિનેતા રાહત કામગીરીમાં સામેલ સ્વયંસેવકો સાથે જોડાયાં હતાં. વાયનાડ ભૂસ્ખલનના ભોગ બનેલા લોકો માટેની રાહત કામગીરીમાં તેઓ સામેલ છે.

જુલાઈ 31-2024ના રોજના માતૃભૂમિના અંગ્રેજી અહેવાલ અનુસાર,“વાયનાડ ભૂસ્ખલનના પીડિતો માટે ચાલી રહેલા રાહત કાર્ય વચ્ચે અભિનેત્રી નિખિલા વિમલે કામગીરીમાં ભાગ લઈને સક્રિય ભૂમિકા ભજવી છે. તે અસરગ્રસ્ત વિસ્તારોમાં આવશ્યક ચીજવસ્તુઓ પેક કરવા અને મોકલવા માટે DYFI દ્વારા સ્થાપિત તાલિપરંબા કલેક્શન સેન્ટરમાં સ્વયંસેવકો સાથે જોડાયા હતા.”

કોઈપણ અહેવાલમાં એવો ઉલ્લેખ નથી કરાયો કે, તે આરએસએસ શિબિર છે.

વધુ સર્ચ કરતા અમને 31 જુલાઈ-2024ના રોજ CPI(M), DYFIના અધિકૃત ઇન્સ્ટાગ્રામ હેન્ડલ દ્વારા પોસ્ટ કરવામાં આવેલ મૂળ વિડિઓ પણ પ્રાપ્ત થયો.

મલયાલમમાં કરાયેલ ઇન્સ્ટાગ્રામ પોસ્ટનું અનુવાદ આ રીતે છે. “ફિલ્મ સ્ટાર નિખિલા વિમલ DYFI તાલીપરંબા કલેક્શન સેન્ટરમાં સક્રિય છે, જેઓ વાયનાડ મોકલવા માટે જરૂરી ચીજવસ્તુઓ એકત્રિત કરી રહ્યા છે.”

આથી ઉપરોક્ત બાબતો રાહત કામગીરીનો વિડિયો આરએસએસના રાહતકાર્યનો નથી તેની પુષ્ટિ કરે છે.

Read Also – Fact Check – પૂર્વ ક્રિકેટર મુથૈયા મુરલીધરને ‘તૌબા તૌબા’ ગીત પર ડાન્સ કર્યો? ખોટા દાવા સાથે વિડીયો વાયરલ

Conclusion

અમારી તપાસમાં નિષ્કર્ષ નીકળે છે કે વાઇરલ વીડિયો આરએસએસની રાહતકામગીરીનો નથી. તે ખરેખર એક અન્ય સંગઠન દ્વારા વાયનાડ ભૂસ્ખલન પીડિતો માટે ચલાવાઈ રહેલી રાહત કામગીરીનો છે.

Result – False

Sources
OnMonorama અહેવાલ , 31 જુલાઈ, 2024
Instagram વિડિયો , DYFI કેરળ, જુલાઈ 31, 2024

કોઈપણ શંકાસ્પદ, વાયરલ ખબર ચકાસવા અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044