DPS સ્કૂલ દ્વારા 400 રૂપિયામાં માસ્ક વહેંચવામાં આવતું હોવાના ભ્રામક દાવાનું સત્ય.

Claim :-

DPS સ્કૂલ દ્વારા માસ્ક બનાવવામાં છે, સ્કૂલ ,લોગો સાથે આ માસ્ક બાળકોને ફરજીયાત પણે 400રૂ કિંમતે ખરીદવાનું રહેશે. આ દાવા પર માસ્કની તસ્વીર સાથે અલગ-અલગ કેપ્શન આપી સોશ્યલ મીડિયા પર અનેક યુઝર્સ દ્વારા શેયર કરવામાં આવી છે. ફેસબુક પર સારા વિચાર ના માનવીઓનું પેજ પરથી “જે સ્કૂલો એ ફી માં રાહત નથી આપી અને ફી માટે માંગણી કરતા હોય તો તાત્કાલિક સ્કૂલમાંથી દાખલો લઈ લેવો આપણી ગરજ બતાવવી નહીં… એ સ્કૂલ માં જ ભણશે તો જ તમારો દીકરો ડોકટર કલેકટર બનશે એવું નથી… દરેક વાલી આ બાબતે પોતાનુ મંતવ્ય જણાવે” કેપ્શન સાથે DPS સ્કૂલ સ્કૂલ લોગો સાથેની તસ્વીર શેયર કરવામાં આવી છે.

Fact check :-

આ વાયરલ દાવા પર રિવર્સ ઇમેજ અને કેટલાક કીવર્ડ સાથે સર્ચ કરતા DPS સ્કૂલ દ્વારા આ ભ્રામક દાવા પર ખુલાસો આપતો પત્ર મળી આવે છે. જેમાં જણાવવામાં આવ્યું છે કે કેટલાક લોકો દ્વારા સ્કૂલનું નામ અને લોગો વાપરી વસ્તુ વેચવાના પ્રયત્નો કરવામાં આવી રહ્યાં છે. સ્કૂલ દ્વારા આ પ્રકારે કોઈપણ વસ્તુ બનાવવામાં આવી નથી.

આ ઉપરાંત DPS બેંગ્લોર મેનેજમેન્ટ ડિપાર્ટમેન્ટ દ્વારા એક વિડિઓ મારફતે 400 રૂપિયામાં માસ્ક આપવામાં આવતું હોવાના ભ્રામક દાવા પર ખુલાસો આપ્યો હતો.

જે બાદ અલગ-અલગ શહેરની DPS સ્કૂલ દ્વારા આ ભ્રામક દાવા પર વાલીઓને સૂચિત કરવામાં આવ્યા હતા, તેમજ ફેસબુક પેઈજ પર ભ્રામક દાવા પર માહિતી આપતો પત્ર પોસ્ટ કરવામાં આવ્યો હતો.

તેમજ DPS સ્કૂલ દ્વારા આ ઘટના પર પોલીસ ફરિયાદ પણ નોંધાવવામાં આવી છે.

Conclusion :-

વાયરલ તસ્વીર સાથે કરવામાં આવેલ દાવો મળતા પરિણામ પરથી ભ્રામક સાબિત થાય થાય છે, DPS સ્કૂલ દ્વારા 400 રૂપિયામાં માસ્ક વહેંચવામાં આવતું હોવાના દાવા પર DPS સ્કૂલ દ્વારા ખુલાસો આપવામાં આવ્યો છે. જેમાં દાવો તદ્દન ભ્રામક છે અને DPS દ્વારા આ મુદ્દે પોલીસ ફરિયાદ નોંધાવવાની વાત કરવામાં આવી છે.

source :-
facebook
twitter
keyword search
reverse image search
school verification

પરિણામ :- ભ્રામક દાવો (MISLEADING)