Weekly Wrap: સુરતની તિરંગાયાત્રા બલુચિસ્તાનની રેલી તરીકે વાઇરલ સહિતની સપ્તાહની ટોપ ફેક્ટ ચેક

આ સપ્તાહમાં પણ સુરતની તિરંગાયાત્રા બલુચિસ્તાનની રેલી તરીકે વાઇરલ કરાઈ સહિતના દાવા વાઇરલ થયા હતા. વળી, ભારત-પાકિસ્તાન વચ્ચેનો સંઘર્ષ જ મિસઇન્ફર્મેશનનું કેન્દ્ર રહ્યો. જેમાં ઓપરેશન સિંદુર મુખ્ય છે. ઓપરેશન સિંદુર બાદ સુરતમાં યોજાયેલી તિરંગાયાત્રાના વીડિયોને બલુચિસ્તાનમાં આઝાદીની રેલીમાં ભારતના ઝંડા લહેરાયાના દાવા સાથે વાઇરલ કરાયો હતો. જોકે, અમારી તપાસમાં દાવો ખોટો પુરવાર થયો. ઉપરાંત યમનમાં વર્ષો પહેલા થયેલા વિસ્ફોટનો વીડિયો પાકિસ્તાનના કિરાણા હિલ્સ પર પરમાણુ રેડિયશન વિસ્ફોટ તરીકે વાઇરલ કરાયો. તેની પણ અમે તપાસ કરી. જે અમારી તપાસમાં ખોટો પુરવાર થયો. વાંચો આ સપ્તાહની ટોપ ફેક્ટ ચેક.

ઓપરેશન સિંદુર બાદ સુરતની તિરંગાયાત્રાનો વીડિયો બલુચિસ્તાનમાં આઝાદીની રેલીના નામે વાઇરલ

ઓપરેશન સિંદુર બાદ બલુચિસ્તાનમાં આઝાદીની માગણીની રેલીમાં ભારતના ઝંડા ફરાકાવાયાનો વીડિયો વાઇરલ કરાયો હતો. તેની પડતાલ કરતા દાવો ખોટો પુરવાર થયો છે. કેમ કે, ખરેખર સુરતની ત્રિરંગા યાત્રાનો વીડિયો બલુચિસ્તાનમાં રેલીના દાવા સાથે શેર કરાયો છે. વધુ અહેવાલ અહીં વાંચો.

ઓપરેશન સિંદુર બાદ સુરતની ત્રિરંગા યાત્રાનો વીડિયો બલુચિસ્તાનમાં આઝાદીની રેલીના નામે વાઇરલ

પાકિસ્તાનના કિરાના હિલ્સ પર પરમાણુ સાઇટ ઉડાવી દેવાઈ વીડિયો વાઇરલ થયો હતો. પણ તેની પડતાલ કરતા તે દાવો ખોટો નીકળ્યો છે. વીડિયો ખરેખર વર્ષ 2015માં થયેલા યમન વિસ્ફોટનો છે. વધુ અહેવાલ અહીં વાંચો.

શું વાઇરલ તસવીર પકડાયેલ પાકિસ્તાની પાઇલટનો પહેલો ફોટો છે? જાણો સત્ય

ઓપરેશન સિંદુર વચ્ચે કેદ કરાયેલ પાકિસ્તાની પાઇલટનો પહેલો ફોટો હોવાના દાવા સાથે એક તસવીર વાઇરલ થઈ હતી. પણ તપાસમાં એ તસવીર 2016માં તુર્કીમાં ક્રેશ થયેલા ફાઇટર જેટની નીકળી છે. વધુ અહેવાલ અહીં વાંચો.

રાફેલ પાઇલોટ રોહિત કટારિયાના અંતિમ સંસ્કારના ખોટા દાવા સાથે 17 વર્ષ જૂનો ફોટો વાઇરલ

એક ફોટો રાફેલ પાયલટ સ્ક્વોડ્રન લીડર રોહિત કટારિયાના અંતિમ સંસ્કારનો છે તેવા દાવા સાથે વાઇરલ થયો. પરંતુ તપાસ કરતા તે ગુજરાતની બસ દુર્ઘટનાનો વર્ષો જૂનો ફોટો નીકળ્યો. વધુ અહેવાલ અહીં વાંચો.