WeeklyWrap : ગુજરાત વિધાનસભા ચૂંટણીના સંદર્ભમાં પીએમના ભાષણથી લઈને ડેવિડ મિલરની પુત્રી સુધી ફેલાયેલ ભ્રામક અફવાઓ

WeeklyWrap : પીએમ મોદીના જુના ભાષણનો એડિટ કરાયેલ સ્ક્રીન શોટથી લઇને પીએમ મોદીની મોઢેરા ખાતેની જનસભામાં ખાલી ખુરશીઓ જોવા મળી હોવાના વાયરલ વિડીયો બીજીતરફ ક્રિકેટર ડેવિડ મિલરની પુત્રીનું નિધન થયું હોવા અંગે ફેલાયેલ ભ્રામક અફવાઓ પર TOP ફેકટચેક

પીએમ મોદીના જુના ભાષણનો એડિટ કરાયેલ સ્ક્રીન શોટ ભ્રામક દાવા સાથે થયો વાયરલ

ગુજરાત વિધાનસભા ચૂંટણીના દિવસો જેમ-જેમ નજીક આવી રહ્યા છે, તેમ તમામ રાજકીય પક્ષો વાયદા અને વચનો સાથે સભાઓ કરી રહ્યા છે. હાલમાં પીએમ મોદી ગુજરાતના પ્રવાસ ઉપર છે, અનેક જિલ્લાઓમાં વિવિધ લોકાર્પણ અને ખાતમુહર્તના કાર્યક્રમો વડાપ્રધાનના હસ્તે થઈ રહ્યા છે. સોશ્યલ મીડિયા પર આ ક્રમમાં એક ન્યુઝ ચેનલની બ્રેકીંગ પ્લેટ વાયરલ થઈ રહી છે, જેમાં પીએમ મોદી પોતાના ભાષણમાં કહી રહ્યા છે કે “હું બીલીમોરાના કાંતીકાકા સાથે ખમણ વેચતો હતો.”

WeeklyWrap : ફેકટચેક રિપોર્ટ વાંચવા હોય ક્લીક કરો.

પીએમ મોદીની મોઢેરા ખાતેની જનસભામાં ખાલી ખુરશીઓ જોવા મળી હોવાના વાયરલ વિડીયોની હકીકત

પ્રધાનમંત્રી મોદી ગુજરાત વિધાનસભા ચૂંટણીના સંદર્ભમાં રાજ્યમાં અનેક સભાઓ અને રોડ-શો કરી રહ્યા છે. હાલમાં પીએમ મોદીએ મોઢેરા સૂર્યમંદિર ખાતે કેટલાક ખાત મુહૂર્ત અને લોકાર્પણ કાર્યક્રમમાં હાજરી આપી હતી. આ ક્રમમાં સોશ્યલ મીડિયા પર મોઢેરા ખાતે પીએમ મોદીની એક જનસભામાં ખાલી ખુરશીઓ જોવા મળી હોવાનો વિડીયો વાયરલ થયો છે.

WeeklyWrap : ફેકટચેક રિપોર્ટ વાંચવા હોય ક્લીક કરો.

ડેવિડ મિલરની પુત્રીનું નિધન થયું હોવાના દાવા સાથે ન્યુઝ ચેનલોએ શેર કરી ભ્રામક ખબર

ભારતની મુલાકાતે આવેલા દક્ષિણ આફ્રિકાના ક્રિકેટર અને બેટ્સમેન ડેવિડ મિલરની પુત્રીનું નિધન થયું હોવાના દાવા સાથે સોશિયલ મીડિયા પોસ્ટ વાયરલ થઈ રહી છે. હકીકતમાં, 8 ઓક્ટોબરે ડેવિડ મિલરે તેના ઇન્સ્ટાગ્રામ હેન્ડલ પર એક વીડિયો શેર કર્યો હતો, જેમાં તે એક નાની બાળકી સાથે જોવા મળી રહ્યો છે. વીડિયો પોસ્ટ શેર કરતા મિલરે RIP લખીને આ છોકરીને શ્રદ્ધાંજલિ આપી છે.

WeeklyWrap : ફેકટચેક રિપોર્ટ વાંચવા હોય ક્લીક કરો.

કેરળમાં આવેલા અનંત પદ્મનાભ સ્વામી મંદિરના પ્રખ્યાત મગર ‘બાબિયા’ના મૃત્યુની ખબર સાથે ભ્રામક તસ્વીર વાયરલ

કેરળના કાસરગોડમાં આવેલા અનંત પદ્મનાભ સ્વામી મંદિરના પ્રખ્યાત મગર ‘બાબિયા’નું તાજેતરમાં મૃત્યુ થયું છે. સોશ્યલ મીડિયા પર અનેક યુઝર્સ દ્વારા અનંત પદ્મનાભ સ્વામી મંદિરના પ્રખ્યાત મગર ‘બાબિયા’ની એક તસ્વીર શેર કરતા સાથે શ્રદ્ધાંજલિ પાઠવી રહ્યા છે. આ ક્રમ કેટલીક ગુજરાતી ન્યુઝ ચેનલો દ્વારા પણ વાયરલ તસ્વીર સાથે કેરળના અનંત પદ્મનાભ સ્વામી મંદિરના પ્રખ્યાત મગર વિષે ખબર પ્રકાશિત કરવામાં આવેલ છે.

WeeklyWrap : ફેકટચેક રિપોર્ટ વાંચવા હોય ક્લીક કરો.

કોઈપણ શંકાસ્પદ, વાયરલ ખબર ચકાસવા અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044