Sunday, June 23, 2024
Sunday, June 23, 2024

HomeFact Checkدیِ کشمیر فائلز فلم چھنہ آمژ آسکر ایوارڈ خاطرء شارٹ لسٹ کرنہ،...

دیِ کشمیر فائلز فلم چھنہ آمژ آسکر ایوارڈ خاطرء شارٹ لسٹ کرنہ، پریو فیکٹ چیک

سوشل میڈیاہس پیٹھ چُھ اکِ لَٹہ بیہہ تنازء واجنِ فلمِ دِی کشمیر فائلز متعلق بحث شروع گمژ۔ یہ بحث چھِ تَمہِ متہ شروع گمژ یلہِ فلم ہندِ ڈائرکٹر وویک اگنی ہوتری ین پننس اکسِ ٹویٹس منز دعویٰ کور زہِ تہنز فلم چھِ آمژ آسکر ایوارڈ 2023 خاطرء منتخب کرنہ۔

Fact Check/ Verification

وویک اگنی ہوتری سندِ طرفہ یہ دعویٰ کرنہ پتہ کور نیوز چیکرن امہِ دعویٰ ہُک تحقیقات تہ اسہِ کئر کوشش یہ زاننچ زہِ کیا واقعی چھا دِی کشمیر فائلز آسکر ایوارڈ خاطرئ منتخب آمژ کرنہ۔ تحقیقات خاطرء کور اسہِ سارنی برونہہ آسکر ڈاٹ او آر جی وئب سائٹِ چیک تہ اتھ پیٹھ آو اسہ اکھ لسٹ لبنہ یتھ منز باقی واریاہ فلمن سآتِ سآتِ دِی کشمیر فائلز فلمِ ہُند ناو تہ لبنہ۔ لسٹ ہیکیو توہی یتیتھ وچتھِ۔

آسکر ڈاٹ او آر جی نامی ویب سائٹِ پیٹھ اتھ متعلق مزید معلومات زاننہ پتہ لوگ اسہِ پتہ زہِ یتھ لسٹس منز دِی کشمیر فائلز فلم شامل چھِ آمژ کرنہ، ضروری چُھنہ زہِ یمہ فلمہ ہیکن آسکر ایوادڑ خاطرء منتخب کرنہ۔

Courtesy: Screengrab from  oscars.org

امہِ پتہ کور اسہِ دِی کشمیر فائلز فلم متعلق گوگل سرچ تہ اتھ دوران آئی اسہِ سیٹھا میڈیا رپورٹ لبنہ یمن منز وننہ چُھ آمتُ زہِ یہ فلم چھنہ آمژ شارٹ لسٹ کرنہ کینہہ بلکہ چُھ یہ شارٹ لسٹ برونہہ منظر عامس پیٹھ ینہ ؤول لسٹ، تہ اتھ منز ناؤ شامل آسنکُ مطلب چُھنہ زہِ یہ فلم ییہ شارٹ لسٹ کرنہ۔

اتھ متعلق سی این بی سی ٹی وی 18 وئب سائٹِ پیٹھ اکسِ رپورٹس منز چُھ وننہ آمتُ زہِ اتھ لسٹس منز ناؤ شامل آسنکُ مطلب چُھنہ زہِ یہ فلم چھِ آمژ شارٹ لسٹ کرنہ۔

دِی کشمیر فائلز فلم

یتھی کنِ چُھ باقی رپورٹن منز وننہ آمتُ زہِ دِی کشمیر فائلز فلم متعلق یوان کرنہ دعویٰ زہِ یہ چھ آسکر ایوارڈ خاطرء شارٹ لسٹ کرنہ آمژ چُھ غلط۔

رپورٹن ہُند لنک ہیکیو توہی یتیتھ تہ یتیتھ وچتھِ۔

Conclusion

یِتھ کنِ گو نیوز چیکر کسِ تحقیقاتس منز ثابتِ زہِ وویک اگنی ہوتری سندِ طرفہ کرنہ یوان دعویٰ چُھ غلط۔ دِی کشمیر فائلز فلم چھنہ آمژ آسکر ایوارڈ خاطرء شارٹ لسٹ کرنہ۔  

Result: Partly False

Our Sources

Release by Oscar.org Dated December 21, 2022
Report by CNBC TV 18
Report by The Indian Express


نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044

LEAVE A REPLY

Please enter your comment!
Please enter your name here

Most Popular