کیا مولانا کلیم صدیقی آؤا جیل منز رہا کرنہ؟

Claim

اترپردیش کسِ فلت علاقکِ معروف عالم دین مولانا کلیم صدیقی سنز رہائی متعلق چُھ سوشل میڈیاہس پیٹھ دعویٰ یوان کرنہ زہِ دہشت گردی مخلاف سیکورٹی ونگِ اے ٹی ایس چؤ تمام کوششؤ باوجود کور علاتن مولانا کلیم صدیقی رہا۔ اسہِ آؤ اکسِ واٹس ایپ صارفہ سندِ طرفہ پوسٹ سوزنہ، یمیوکُ کیپشن ہندی زبانِ منز چُھ۔ “الحمداللہ مولاناکلیم صدیقی صآب چُھ آمتُ رہا کرنہ!! اےٹی ایس چیو تمام کوششؤ باوجود کور جج صآبن پولسچ ریمانڈ مانگ مسترد تہ کورنُ مولانا رہا”۔

Fact

مولانا کلیم صدیقی سنز رہائی متعلق کرنہ یوان دعویٰ ہس متعلق سچائی زاننہ خاطرء کئرِ اسہِ کینہہ کیورڈ گوگلس پیٹھ سرچ۔ اتھ دوران آئی اسہِ عبدالرحمٰن ہیومینسٹ نامی فیس بُک پیجس پیٹھ 14 دسمبر شیئر کرنہ آمتُ پوسٹ لبنہ۔ اتھ منز چُھ آمژ مولانا کلیم صدیقی سنز رہائی فرضی خبر قرار دینہ۔

امہ علاؤ آؤ اسہِ اکھ بیس بُک پیجس پیٹھ مولانا کلیم صدیقی سنز رہائی متعلق پوسٹ لبنہ، اتھ منز تہِ چُھ آمتُ وننہ زہِ مولانا کلیم صدیقی چُھنہ آمتُ ونہِ رہا کرنہ کینہہ۔

سرچِ دوران آؤ اسہِ حضرت شيخ مولانا كليم صديقى صاحب حفظه الله نامی اکھ پیج لبنہ۔ یتھ پیٹھ اکھ نمبر دیتھ اوس اتھ فون نمبرس پیٹھ رابطہ کرنہ پتہ آؤ اسہِ لبنہ زہِ مولانا کلیم صدیقی سُند پیج چُھ سردھنہ میرٹھ علاقس منز روزن والیِ محمد شاہ عالم ندوی چلاوان۔ یِمن سآتِ کتھ کرنس دوران وُن یِمو زہِ مولانا کلیم صدیقی سنز رہائی ہنز خبر چھِ فرضی۔

تِمو دیوتُ اسہِ مولانا کلیم صدیقی سندسِ وکیل اُسامہ ندوی سُند نمبر۔ ایڈوکیٹ اسامہ ادریس ندوی یس نشِ اتھ متعلق دریافت کرنہ پتہ کور تِمو واضع زہِ مولانا کلیم صدیقی چُھ وُنہِ تہِ جیلس منز۔ تہ تمِ چھنہ آمتِ رہا کرنہ۔ تِمو ون مزید زہِ مولانا سنز رہائی ہُند درخواست چُھ عدالتس منز زیر غور۔

یِتھ کنِ گو نیوز چیکر کسِ تحقیقاتس منز ثابتِ زہِ مولانا کلیم صدیقی سنز رہائی ہنز خبر چھِ بے بنیاد۔ تمِ چھِ وُنہ جیلس منز تہ تہنز عرضی چھِ وُنہِ تہِ زیرِ غور۔

Result: False

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کرسکتے ہیں۔ 9999499044