ಬ್ರಿಟಿಷ್ ಪೈಲಟ್ ವಿಮಾನದಲ್ಲಿ ಮಹಾಕುಂಭ ಮೇಳದ ಮಹತ್ವ ಹೇಳಿದ್ದಾರೆ ಎನ್ನುವುದು ಸುಳ್ಳು!

ಬ್ರಿಟಿಷ್ ಪೈಲಟ್ ಒಬ್ಬರು ಪ್ರಯಾಗ್ ರಾಜ್ ಗೆ ಬಂದ ವಿಮಾನದಲ್ಲಿ ಮಹಾಕುಂಭ ಮೇಳದ ಮಹತ್ವದ ಬಗ್ಗೆ ಹೇಳಿದ್ದಾರೆ ಎಂಬಂತೆ ವೀಡಿಯೋ ಒಂದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ.

ವಾಟ್ಸಾಪ್ ನಲ್ಲಿ ಕಂಡುಬಂದ ಸಂದೇಶದಲ್ಲಿ, “ಅಂತರಾಷ್ಟ್ರೀಯ ವಿಮಾನದಲ್ಲಿ ನಿನ್ನೆ ಪ್ರಯಾಗರಾಜ್‌ಗೆ ಬಂದಿಳಿಯುವ ಸಮಯದಲ್ಲಿ ಬ್ರಿಟಿಷ್ ಪೈಲಟ್ ರೋಜರ್ ಬ್ಲೇಡ್ಸ್ ಮಾಡಿದ ಐತಿಹಾಸಿಕ ಘೋಷಣೆಯನ್ನು ಕೇಳಿ ನೂರಾ ಅರವತ್ತು ಕೋಟಿ ಭಾರತೀಯರ ಎದೆಯು ಐವತ್ತಾರು ಇಂಚು ಅಗಲವಾಗುತ್ತಿದೆ.” ಎಂದಿದೆ.

ಇದೇ ರೀತಿಯ ಪೋಸ್ಟ್ ಗಳು ಫೇಸ್‌ಬುಕ್ ನಲ್ಲೂ ಕಂಡುಬಂದಿವೆ. ಇವುಗಳನ್ನು ಇಲ್ಲಿ, ಇಲ್ಲಿ, ನೋಡಿ.

ಈ ಕುರಿತು ನ್ಯೂಸ್‌ಚೆಕರ್ ಸತ್ಯಶೋಧನೆ ಮಾಡಿದ್ದು, ಇದು ಮಾನವ ನಿರ್ಮಿತ ಧ್ವನಿಯಾಗಿದ್ದು, ಡ್ರೋನ್ ವೀಡಿಯೋಕ್ಕೆ ವಾಯ್ಸ್ ಓವರ್ ಸೇರಿಸಿ ಮಾಡಿದ್ದಾಗಿದೆ. ಇದು ನಿಜವಾದ ವಿಮಾನ ಉದ್ಘೋಷಣೆಯಲ್ಲ ಎಂದು ಕಂಡುಬಂದಿದೆ.

Also Read: ನವದೆಹಲಿ ರೈಲ್ವೇ ನಿಲ್ದಾಣದಲ್ಲಿ ಕಾಲ್ತುಳಿತ: ಅಶ್ವಿನಿ ವೈಷ್ಣವ್ ಭಾವುಕರಾದ ಹಳೆಯ ವೀಡಿಯೋ ವೈರಲ್

Fact Check/Verification

ಸತ್ಯಶೋಧನೆಗಾಗಿ ನಾವು ಮೊದಲು ವೈರಲ್ ಆಗಿರುವ ವೀಡಿಯೋವನ್ನು ಕೂಲಂಕಷವಾಗಿ ಪರಿಶೀಲಿಸಿದ್ದೇವೆ. ಇದರಲ್ಲಿ @anveshgraphy ಎಂಬ ವಾಟರ್ ಮಾರ್ಕ್ ಗಮನಿಸಿದ್ದೇವೆ.

ಬಳಿಕ ಇದರ ಬಗ್ಗೆ ಸರ್ಚ್ ಮಾಡಿದ್ದು anveshgraphy ಹೆಸರಿನ ಇನ್‌ಸ್ಟಾ ಗ್ರಾಂ ಖಾತೆ ಲಭ್ಯವಾಗಿದೆ. ಈ ಖಾತೆಯಲ್ಲಿಯಲ್ಲಿ ಜನವರಿ 23, 2025ರಂದು  ವೀಡಿಯೋ ಶೇರ್ ಮಾಡಲಾಗಿದ್ದು, ಇದು ವೈರಲ್ ಆಗಿರುವ ವೀಡಿಯೋಕ್ಕೆ ಸಾಮ್ಯತೆ ಹೊಂದಿದೆ. ಇದರಲ್ಲೂ ನಾವು ವಾಟರ್ ಮಾರ್ಕ್ ಗಮನಿಸಿದ್ದೇವೆ.

ಈ ಪೋಸ್ಟ್ ನಲ್ಲಿ ಇದು ಡ್ರೋನ್ ನಲ್ಲಿ ತಾನೇ ತೆಗೆದ ವೀಡಿಯೋ ಮತ್ತು ವಾಯ್ಸ್ ಓವರ್ ನೀಡಲಾಗಿದೆ ಎಂದು ಬರೆದುಕೊಂಡಿದ್ದಾರೆ.

ಹೆಚ್ಚಿನ ಮಾಹಿತಿಗಾಗಿ ನಾವು ಇನ್‌ಸ್ಟಾ ಗ್ರಾಂ ಬಳಕೆದಾರ ಅನ್ವೇಶ್‌ ಪಟೇಲ್ ಅವರನ್ನು ಸಂಪರ್ಕಿಸಿದ್ದೇವೆ. ಅವರು ನ್ಯೂಸ್‌ ಚೆಕರ್ ನೊಂದಿಗೆ ಮಾತನಾಡಿ, “ಕುಂಭಮೇಳದ ವೀಡಿಯೋವನ್ನು ತಾನೇ ಸ್ವತಃ ಡ್ರೋನ್ ನಲ್ಲಿ ಶೂಟಿಂಗ್‌ ಮಾಡಿರುವುದಾಗಿ ಮತ್ತು ಫ್ಲೈಟ್ ಅನೌನ್ಸ್ ಮೆಂಟ್ ರೀತಿ ಇದರ ವಾಯ್ಸ್ ಓವರ್ ಸ್ಕ್ರಿಪ್ಟ್ ತಾನೇ ಬರೆದಿರುವುದಾಗಿ ಹೇಳಿದ್ದಾರೆ. ಜೊತೆಗೆ ವಾಯ್ಸ್ ಓವರ್ ಅನ್ನು ತನ್ನ ಅಮೆರಿಕದಲ್ಲಿರುವ ಗೆಳೆಯನೊಬ್ಬ ನೀಡಿದ್ದಾರೆ” ಎಂದು ತಿಳಿಸಿದ್ದಾರೆ.

Conclusion

ಈ ಸತ್ಯಶೋಧನೆ ಮೂಲಕ ಬ್ರಿಟಿಷ್ ಪೈಲಟ್ ಒಬ್ಬರು ಪ್ರಯಾಗ್ ರಾಜ್ ಗೆ ಬಂದ ವಿಮಾಣದಲ್ಲಿ ಮಹಾಕುಂಭದ ಮಹತ್ವದ ಬಗ್ಗೆ ಹೇಳಿದ್ದಾರೆ ಎನ್ನುವುದು ತಪ್ಪಾಗಿದೆ. ಇದು ಇನ್ ಸ್ಟಾ ಬಳಕೆದಾರರೊಬ್ಬರು ವೀಡಿಯೋ ತೆಗೆದು ಮಾಡಿದ ವಾಯ್ಸ್ ಓವರ್ ಆಗಿದೆ ಎಂದು ತಿಳಿದುಬಂದಿದೆ.

Also Read: ಮುಸ್ಲಿಮರು ಮಕ್ಕಳಾಗದಂತೆ ಖರ್ಜೂರದಲ್ಲಿ ಮಾತ್ರೆ ಇಟ್ಟು ಹಿಂದೂಗಳಿಗೆ ಮಾರಾಟ ಮಾಡುತ್ತಿದ್ದಾರೆ ಎಂದ ವೈರಲ್ ವೀಡಿಯೋ ಹಿಂದಿನ ನಿಜಾಂಶವೇನು?

Our Sources

Instagram Post By anveshgraphy, Dated: January, 23, 2025

Conversation with Anvesh Patel