ಮಸಾಲೆಯುಕ್ತ ಅರಿಶಿನ ಪಾನೀಯವು ಒಂದು ತಿಂಗಳಲ್ಲಿ ಹೊಟ್ಟೆಯ ಕೊಬ್ಬನ್ನು ಕರಗಿಸಬಹುದೇ? 

ಒಂದು ಲೋಟ ನೀರಿನಲ್ಲಿ ಅರ್ಧ ಚಮಚ ಅರಿಶಿನ ಪುಡಿ, ಒಂದು ಚಮಚ ಶುಂಠಿ, ಮುಕ್ಕಾಲು ಚಮಚ ಮೆಣಸಿನ ಪುಡಿಗಳನ್ನು ಕುದಿಸಿ, ಸೋಸಿ ಕುಡಿದರೆ ಒಂದು ತಿಂಗಳಲ್ಲಿ ಹೊಟ್ಟೆಯ ಕೊಬ್ಬನ್ನು ಕರಗಿಸುತ್ತದೆ  ಎಂದು ಫೇಸ್ಬುಕ್ ಪೋಸ್ಟ್ ಒಂದರಲ್ಲಿ ಹೇಳಲಾಗಿದೆ.

ಈ ಬಗ್ಗೆ ನಾವು ಸತ್ಯಶೋಧನೆ ನಡೆಸಿದ್ದು, ಇದು ಸುಳ್ಳು ಎಂದು ಕಂಡುಬಂದಿದೆ.

Also Read: ಖಾಲಿ ಹೊಟ್ಟೆಯಲ್ಲಿ ಹಲ್ಲುಜ್ಜದೆ ನೆನೆಸಿದ ಒಣದ್ರಾಕ್ಷಿ ತಿನ್ನುವುದರಿಂದ ರಕ್ತದ ಹರಿವು ಹೆಚ್ಚಾಗುತ್ತದೆ ಮತ್ತು ಮೂಳೆ ಬಲವಾಗುತ್ತದೆಯೇ?

Fact Check/Verification

ಅರಿಶಿನ, ಶುಂಠಿ ಮತ್ತು ಮೆಣಸಿನ ಹುಡಿ ಹೊಟ್ಟೆಯ ಕೊಬ್ಬನ್ನು ಕರಗಿಸುತ್ತದೆಯೇ?

ಇಲ್ಲ, ಅದು ನೇರವಾಗಿ ಅಥವಾ ನಿರ್ದಿಷ್ಟವಾಗಿ ಹೊಟ್ಟೆಯ ಕೊಬ್ಬನ್ನು ಕರಗಿಸಲು ಸಾಧ್ಯವಿಲ್ಲ. ಅರಿಶಿನ, ಶುಂಠಿ ಮತ್ತು ಮೆಣಸಿನ ಹುಡಿಗಳು ಚಯಾಪಚಯ ಕ್ರಿಯೆಯಲ್ಲಿ ಅವುಗಳ ಪಾತ್ರd bgfge ಅಧ್ಯಯನ ಮಾಡಿರುವುದರಿಂದ ಈ ಮಿಶ್ರಣವು ಒಂದಷ್ಟು ಭರವಸೆ ನೀಡಬಹುದ.  ಭರವಸೆ ನೀಡಬಹುದು. ಆದರೆ ಯಾವುದೇ ಆಹಾರ ಅಥವಾ ಪಾನೀಯವು ಕೊಬ್ಬನ್ನು, ವಿಶೇಷವಾಗಿ ಹೊಟ್ಟೆಯ ಕೊಬ್ಬನ್ನು ಕಡಿಮೆ ಮಾಡಲು ಸಾಧ್ಯವಿಲ್ಲ. 

ಅರಿಶಿನವು ಕರ್ಕ್ಯುಮಿನ್ ಅನ್ನು ಹೊಂದಿರುತ್ತದೆ, ಅದರ ಉರಿಯೂತದ ಪರಿಣಾಮಗಳಿಗಾಗಿ ಪರಿಶೋಧಿಸಲ್ಪಟ್ಟ ಸಂಯುಕ್ತವಾಗಿದೆ. ಶುಂಠಿಯು ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ, ಮತ್ತು ಕ್ಯಾಪ್ಸೈಸಿನ್  ಮೆಣಸಿನಕಾಯಿಯಲ್ಲಿರುವುದರಿಂದ ನಿಮ್ಮ ದೇಹವು ಕ್ಯಾಲೊರಿಗಳನ್ನು ಸುಡುವ ಪ್ರಮಾಣವನ್ನು ಸ್ವಲ್ಪಮಟ್ಟಿಗೆ ಹೆಚ್ಚಿಸುತ್ತದೆ. ಆದರೆ ಈ ಪರಿಣಾಮಗಳು ಮತೋಲಿತ ಆಹಾರ ಮತ್ತು ವ್ಯಾಯಾಮದೊಂದಿಗೆ ಜೋಡಿಸಿದಾಗ ಮಾತ್ರ ಅರ್ಥಪೂರ್ಣವಾಗಿದೆ. ಆದರೆ ಕೊಬ್ಬು ಕರಗಿಸುವ ಮ್ಯಾಜಿಕ್ ಆಹಾರವಲ್ಲ.

ಪ್ರತಿದಿನ ಈ ಮಿಶ್ರಣವನ್ನು ಕುಡಿಯುವುದರಿಂದ ಗೋಚರ ರೀತಿಯಲ್ಲಿ ಕೊಬ್ಬು ನಷ್ಟವಾಗುತ್ತದೆಯೇ?

ತಾನಾಗಿಯೇ ಆಗುವುದಿಲ್ಲ. ಇದು ಆರೋಗ್ಯಕರ ಆಹಾರ, ವ್ಯಾಯಾಮ ಇಲ್ಲದೆ ಆಗುವುದಿಲ್ಲ. ಒಂದು ಪಾನೀಯ ಎಷ್ಟೆ ಮಸಾಲೆಯುಕ್ತವಾಗಿದ್ದರೂ ಅದು ಮಾಪನದಂತೆ ಇಳಿಸುವುದಿಲ್ಲ. ಕೊಬ್ಬು ಕಡಿಮೆಯಾಗಲು, ದೇಹದಲ್ಲಿ ಕ್ಯಾಲೊರಿ ಕೊರತೆಯಾಗಬೇಕು, ಅಂದರೆ ಸೇವಿಸುವುದಕ್ಕಿಂತ ಹೆಚ್ಚು ಕ್ಯಾಲೊರಿ ಸುಡಬೇಕು. ಅದು ಒಟ್ಟಾರೆ ಜೀವನಶೈಲಿಯ ಬದಲಾವಣೆಗಳ ಮೂಲಕ ಸಂಭವಿಸುತ್ತದೆ. ಇದಕ್ಕೆ ಅಡ್ಡ ದಾರಿ ಎಂದಿಲ್ಲ.

ಅಲ್ಲದೆ, ಮೆಣಸಿನಕಾಯಿ ಮತ್ತು ಮಸಾಲೆಗಳ ಅತಿಯಾದ ಸೇವನೆಯು ಹೊಟ್ಟೆಯ ಒಳಪದರವನ್ನು ಕೆರಳಿಸಬಹುದು, ವಿಶೇಷವಾಗಿ ಸೂಕ್ಷ್ಮ ಪ್ರಕೃತಿಯವರಲ್ಲಿ. ಪ್ರತಿದಿನ ಕುಡಿದರೆ ಕೆಲವರಿಗೆ ಎದೆಯುರಿ ಆರಂಭವಾಗಬಹುದು.

ಈ ಪದಾರ್ಥಗಳು ಯಾವುದೇ ನೈಜ ಪ್ರಯೋಜನಗಳನ್ನು ಹೊಂದಿದೆಯೇ?

ಹೌದು, ಆದರೆ ಭರವಸೆ ನೀಡುವಷ್ಟಲ್ಲ. ಶುಂಠಿಯು ವಾಕರಿಕೆ ಮತ್ತು ಸೌಮ್ಯವಾದ ಉರಿಯೂತ ಸಮಸ್ಯೆಗೆ ಸಹಾಯ ಮಾಡುತ್ತದೆ. ಅರಿಶಿನದ ಕರ್ಕ್ಯುಮಿನ್  ಕೀಲು ನೋವು ಮತ್ತು ಉರಿಯೂತದಲ್ಲಿ ಪೂರಕವಾಗಿದೆ ಎಂದು ಅಧ್ಯಯನ ಹೇಳುತ್ತದೆ. ಮೆಣಸಿನಕಾಯಿಯ ಕ್ಯಾಪ್ಸೈಸಿನ್ ಸ್ವಲ್ಪ ಮೆಟಾಬಾಲಿಕ್ ಹೆಚ್ಚಳಕ್ಕೆ ಪೂರಕವಾಗಬಹುದು. ಆದರೆ ಕೊಬ್ಬು ಕರಗಿಸಲು ಇದು ಸಾಕಾಗುವುದಿಲ್ಲ. ಈ ಮಸಾಲೆಗಳು ಒಟ್ಟಾರೆ ಆರೋಗ್ಯಕ್ಕೆ ಪೂರಕವಾಗಬಹುದು. ಆದರೆ ತೂಕ ಇಳಿಸುವ, ಕೊಬ್ಬು ಕಡಿಮೆ ಮಾಡುವ ಔಷಧಗಳಲ್ಲ. ಜೊತೆಗೆ ನೀರಿನಲ್ಲಿ ಕುದಿಸಿ, ಸೋಸಿ ಕುಡಿದರೆ ಪವಾಡದ ರೀತಿ ಕೆಲಸ ಮಾಡಲು ಸಾಧ್ಯವಿಲ್ಲ.

ಹೊಟ್ಟೆಯ ಕೊಬ್ಬನ್ನು ಕಡಿಮೆ ಮಾಡಲು ನಿಜವಾದ ಮಾರ್ಗ ಯಾವುದು?

 ಸುಸ್ಥಿರ ಜೀವನಶೈಲಿ ಪದ್ಧತಿ ಅಗತ್ಯ. ಹೊಟ್ಟೆಯ ಕೊಬ್ಬನ್ನು ಕಡಿಮೆ ಮಾಡಲು ಸಮತೋಲಿತ ಆಹಾರವನ್ನು ಸೇವಿಸುವುದು, ನಿಯಮಿತ ವ್ಯಾಯಾಮ(ವಿಶೇಷವಾಗಿ ಹೃದಯಕ್ಕೆ ಮತ್ತು ಪೂರಕ ವ್ಯಾಯಾಮಗಳು), ಚೆನ್ನಾಗಿ ನಿದ್ದೆ ಮಾಡುವುದು ಮತ್ತು ಒತ್ತಡವನ್ನು ನಿರ್ವಹಿಸುವುದು ಅಗತ್ಯ. ಇದು ಪರಿಣಾಮಕಾರಿ ಮತ್ತು ದಶಕಗಳ ಕಾಲ ವೈಜ್ಞಾನಿಕವಾಗಿ ಸಾಬೀತಾಗಿದೆ.

ವೈರಲ್ ಹೇಳಿಕೆಯಲ್ಲಿ ತಿಳಿಸಿದಂತೆ, ಇಂತಹ ಪಾನೀಯಗಳು ಆರೋಗ್ಯಕರ ಜೀವನ ಶೈಲಿಗೆ ಹೊಂದಿಕೆಯಾಗಬಹುದು. ಆದರೆ ಆ ಪಾನೀಯ ಒಂದರಿಂದಲೇ ಕೊಬ್ಬು ಕರಗಿಸಬಹುದು ಎನ್ನುವುದು ಅಪಾಯಕಾರಿ ಮತ್ತು ದಾರಿತಪ್ಪಿಸುವ ಹೇಳಿಕೆ. 

Conclusion

 ಅರಿಶಿನ, ಶುಂಠಿ ಮತ್ತು ಮೆಣಸಿನಹುಡಿ ಹಾಕಿದ ಪಾನೀಯ ಒಂದು ತಿಂಗಳಲ್ಲಿ ಹೊಟ್ಟೆಯ ಕೊಬ್ಬನ್ನು ಕರಗಿಸುತ್ತದೆ ಎಂಬ ಹೇಳಿಕೆ ಸುಳ್ಳು. ಈ ಮಸಾಲೆಗಳು ಸಾಮಾನ್ಯ ಆರೋಗ್ಯವನ್ನು ಬೆಂಬಲಿಸಬಹುದು, ಆದರೆ ಕೊಬ್ಬು ಕಡಿಮೆ ಮಾಡಲು ಪೂರಕವಲ್ಲ.  

Also Read: ಬೆಳ್ಳುಳ್ಳಿ ಎಸಳುಗಳನ್ನು ತಿನ್ನುವುದರಿಂದ ಯಕೃತ್ತಿನ ಕೊಬ್ಬು ಕಡಿಮೆ ಮಾಡಬಹುದೇ?

Our Sources

Optimal Diet Strategies for Weight Loss and Weight Loss Maintenance

Ginger Benefits

Turmeric and Its Major Compound Curcumin on Health: Bioactive Effects and Safety Profiles for Food, Pharmaceutical, Biotechnological and Medicinal Applications

(This article has been published in collaboration with THIP Media)