Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact Check
ಲಾಸ್ ಏಂಜಲೀಸ್‌ ನಲ್ಲಿ ಕಾಡ್ಗಿಚ್ಚು ತೀವ್ರ ಸ್ವರೂಪ ಪಡೆದ ಬೆನ್ನಲ್ಲೇ ಅಲ್ಲಿ ಜನರು ಮೈದಾನದಲ್ಲಿ ಮಲಗುವಂತಾಗಿದೆ ಎಂಬಂತೆ ಪೋಸ್ಟ್ ಅನ್ನುಹಂಚಿಕೊಳ್ಳಲಾಗುತ್ತಿದೆ.
ಫೇಸ್‌ಬುಕ್‌ ನಲ್ಲಿ ಕಂಡುಬಂದ ಪೋಸ್ಟ್ ನಲ್ಲಿ ಲಾಸ್ ಏಂಜಲೀಸ್‌ ಪರಿಸ್ಥಿತಿ ನೋಡಿ ಎಂಬಂತೆ ಹೇಳಲಾಗಿದೆ.
ಈ ವೈರಲ್ ವೀಡಿಯೋ ಬಗ್ಗೆ ನಾವು ಸತ್ಯಶೋಧನೆ ನಡೆಸಿದ್ದು, ಇದು ಲಾಸ್ ಏಂಜಲೀಸ್‌ ನದ್ದಲ್ಲ ಬದಲಾಗಿ ಪೋರ್ಚುಗಲ್ ಲಿಸ್ಬನ್ ನದ್ದು ಎಂದು ಕಂಡುಕೊಂಡಿದ್ದೇವೆ.
ಸತ್ಯಶೋಧನೆಗಾಗಿ ನಾವು ವೈರಲ್ ವೀಡಿಯೋದ ಕೀಫ್ರೇಂಗಳನ್ನು ತೆಗೆದು ಗೂಗಲ್ ಲೆನ್ಸ್ ಮೂಲಕ ರ್ಚ್ ಮಾಡಿದ್ದೇವೆ. ಈ ವೇಳೆ Solo Catecumenos ಎನ್ನುವ ಯೂಟ್ಯೂಬ್‌ ಚಾನೆಲ್‌ ಆಗಸ್ಟ್ 6, 2023ರಂದು “ಒಂದೂವರೆ ಲಕ್ಷ ಜನರು ರಾತ್ರಿ ಕಳೆದಿದ್ದು ಹೀಗೆ #Lisboa #Lisboa2023” ಎಂಬ ಶೀರ್ಷಿಕೆಯಡಿಯಲ್ಲಿ ವೀಡಿಯೋ ಒಂದನ್ನು ಪೋಸ್ಟ್ ಮಾಡಲಾಗಿದೆ. ಈ ವೀಡಿಯೋ ವೈರಲ್ ವೀಡಿಯೋಕ್ಕೆ ಸಾಮ್ಯತೆ ಇರುವುದನ್ನು ನಾವು ಕಂಡುಕೊಂಡಿದ್ದೇವೆ.
ಇದೇ ಬಳಕೆದಾರ iamsolocatecumenos ಇನ್‌ಸ್ಟಾಗ್ರಾಂನಲ್ಲೂ ಈ ವೀಡಿಯೋವನ್ನು ಪೋಸ್ಟ್ ಮಾಡಿದ್ದಾರೆ.
ಈ ಮೂಲಕ ಇದು ಲಿಸ್ಬನ್ ನಲ್ಲಿ ನಡೆದ ವರ್ಲ್ಡ್ ಕ್ಯಾಥೋಲಿಕ್ ಯೂತ್ ಡೇ 2023ರ ಸಂದರ್ಭದ್ದು ಎಂದು ಗೊತ್ತಾಗಿದೆ.
ಹೆಚ್ಚಿನ ಶೋಧ ನಡೆಸಿದಾಗ ಆಗಸ್ಟ್ 7, 2023ರ ಕೊಂಪಾಸ್.ಐಡಿ ವರದಿಯಲ್ಲಿ ಭಾನುವಾರ (6/8/2023) ಪೋರ್ಚುಗಲ್‌ನ ಲಿಸ್ಬನ್‌ನ ತೇಜೋ ಪಾರ್ಕ್‌ನಲ್ಲಿ ವಿಶ್ವ ಯುವ ದಿನದ ಸ್ಮರಣಾರ್ಥದ ಮುಕ್ತಾಯದ ಮಾಸ್‌ಗಾಗಿ ಕಾಯುತ್ತಿರುವಾಗ ಯಾತ್ರಾರ್ಥಿಗಳು ತೆರೆದ ಪ್ರದೇಶಗಳಲ್ಲಿ ಮಲಗಿದ್ದರು. ಸುಮಾರು ಒಂದು ಮಿಲಿಯನ್ ಯುವ ಯಾತ್ರಿಕರು ದೊಡ್ಡ ಕ್ಯಾಥೋಲಿಕ್ ಕೂಟಗಳಲ್ಲಿ ಒಂದಾದ ಇದರಲ್ಲಿ ಹಾಜರಿದ್ದರು ಎಂದಿದೆ.
ಆಗಸ್ಟ್ 10, 2023ರ ಸೈಂಟ್ ಜಾನ್ ಸೈಂಟ್ ಪೌಲ್ ಕೊಲಬರೆಟಿವ್ ನಲ್ಲಿರುವ ವರದಿಯಲ್ಲಿ ಲಿಸ್ಬನ್ ನಡೆದ ಕಾರ್‍ಯಕ್ರಮದ ಕುರಿತ ಫೊಟೋಗಳನ್ನು ಕೊಡಲಾಗಿದೆ. ಇದರಲ್ಲಿ ಜನರು ತೆರೆದ ಪ್ರದೇಶದಲ್ಲಿ ಮಲಗಿರುವುದನ್ನು ನೋಡಬಹುದು.
ಶಟರ್ ಸ್ಟಾಕ್ ನಲ್ಲೂ ಈ ಕಾರ್‍ಯಕ್ರಮದ ಫೊಟೋಗಳನ್ನುನಾವು ನೋಡಿದ್ದೇವೆ.
ಈ ಸತ್ಯಶೋಧನೆಯ ಪ್ರಕಾರ ಲಾಸ್ ಏಂಜಲೀಸ್‌ ನ ಪರಿಸ್ಥಿತಿ ಎಂದ ವೀಡಿಯೋ 2023ರಲ್ಲಿ ಲಿಸ್ಬನ್ ನಲ್ಲಿ ನಡೆದ ವರ್ಲ್ಡ್ ಕ್ಯಾಥೋಲಿಕ್ ಯೂತ್ ಡೇ ಸಂದರ್ಭದ್ದಾಗಿದೆ.
Also Read: ಮಹಾಕುಂಭ ಮೇಳದಲ್ಲಿ ಸಂಸದ ತೇಜಸ್ವಿ ಸೂರ್ಯ ಮಾತನಾಡಿದ್ದಾರೆ ಎನ್ನುವುದು ನಿಜವೇ?
Our Sources
YouTube Video By Solo Catecumenos, Dated: August 6, 2023
Instagram Post By iamsolocatecumenos, Dated: August 6, 2023
Report By kompas.id, Dated: August 7, 2023
Post By sjspwellesley.org, Dated: August 8, 2023
ಯಾವುದೇ ಕ್ಲೈಮ್ ಅನ್ನು ನಾವು ವಾಸ್ತವಿಕವಾಗಿ ಪರಿಶೀಲಿಸಬೇಕೆಂದು ನೀವು ಬಯಸಿದರೆ, ಪ್ರತಿಕ್ರಿಯೆಯನ್ನು ನೀಡಿ ಅಥವಾ ದೂರು ಸಲ್ಲಿಸಬಹುದು, ಜೊತೆಗೆ 9999499044 ನಲ್ಲಿ ನಮಗೆ WhatsApp ಮಾಡಿ ಅಥವಾ → checkthis@newschecker.in ಮೂಲಕ ನಮಗೆ ಇಮೇಲ್ ಮಾಡಿ. ಸಂಪರ್ಕಿಸಿ ಪುಟದ ಮೂಲಕ ನೀವು ನಮ್ಮನ್ನು ಸಂಪರ್ಕಿಸಬಹುದು ಮತ್ತು ಫಾರಂ ಅನ್ನು ಭರ್ತಿ ಮಾಡಬಹುದು.
