ರಾಹುಲ್ ಗಾಂಧಿ ರಾಜೀವ್ ಗಾಂಧಿಯವರ ಮಗನಲ್ಲ ಎಂದು ಹೇಳುವ ವೈರಲ್ ಪತ್ರಿಕಾ ವರದಿ ಹಿಂದಿನ ಸತ್ಯವೇನು?

Claim

ರಾಹುಲ್ ಗಾಂಧಿ ರಾಜೀವ್ ಗಾಂಧಿಯವರ ಮಗನಲ್ಲ ಎಂದು ಅಮೆರಿಕದ ಡಿಎನ್ಎ ತಜ್ಞ ಡಾ.ಮಾರ್ಟಿನ್ ಸಿಜೊ ಅವರು ಹೇಳಿದ್ದಾರೆ ಎಂದು ಹೇಳಿಕೆಯೊಂದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ.

“ರಾಹುಲ್ ಮತ್ತು ರಾಜೀವ್ ಅವರ ಡಿಎನ್ಎ ಹೊಂದಿಕೆಯಾಗುವುದಿಲ್ಲ, ಭಾರತಕ್ಕೆ ಬಂದು ಈ ಕುರಿತು ಪುರಾವೆ ಒದಗಿಸಲು ಸಿದ್ಧ ಎಂದು ಡಾ.ಮಾರ್ಟಿನ್ ಹೇಳಿದ್ದಾರೆ…” ಎಂದೂ ಇದರಲ್ಲಿದೆ.

ಈ ಕುರಿತು ನಾವು ಸತ್ಯಶೋಧನೆ ನಡೆಸಿದ್ದು, ಇದು ಸುಳ್ಳು ಹೇಳಿಕೆ ಎಂದು ಕಂಡುಬಂದಿದೆ.

Fact

ರಾಹುಲ್ ಗಾಂಧಿಯವರ ಬಗ್ಗೆ ವೈರಲ್ ಆಗಿರುವ ಈ ಸುದ್ದಿಯ ಸತ್ಯಾಸತ್ಯತೆಯನ್ನು ತಿಳಿಯಲು, ನಾವು ಕೀವರ್ಡ್‌ಗಳ ಸಹಾಯದಿಂದ ಗೂಗಲ್‌ನಲ್ಲಿ ಹುಡುಕಿದಾಗ ವೈರಲ್ ಆಗಿರುವ ಹಕ್ಕಿನಂತೆಯೇ ಅನೇಕ ಹೇಳಿಕೆಗಳು ಕಂಡುಬಂದಿವೆ. ಆದರೆ ಈ ಕುರಿತು ಯಾವುದೇ ವಿಶ್ವಾಸಾರ್ಹ ವರದಿಗಳು, ಮಾಧ್ಯಮ ವರದಿಗಳು ಕಂಡುಬಂದಿಲ್ಲ.

ಆ ಬಳಿಕ ನಾವು ಗೂಗಲ್ ನಲ್ಲಿ ಡಿಎನ್‌ಎ ತಜ್ಞ ಡಾ.ಮಾರ್ಟಿನ್ ಸಿಜೊ ಎಂಬ ಹೆಸರಿನ ಬಗ್ಗೆ ಹುಡುಕಿದಾಗಲೂ, ಅಂತಹ ಯಾವುದೇ ಮಾಹಿತಿ ಕಂಡುಬಂದಿಲ್ಲ. ಡಾ.ಮಾರ್ಟಿನ್ ಅವರು ಮಾಧ್ಯಮಗೋಷ್ಠಿಯಲ್ಲಿ ಹೀಗೆ ಹೇಳಿಕೆ ನೀಡಿದ್ದಾರೆ ಎಂದು ಹೇಳಿಕೆಯಲ್ಲಿದೆ. ಆದರೆ ಆ ಕುರಿತೂ ಯಾವುದೇ ವೀಡಿಯೋಗಳು ಕಂಡುಬಂದಿಲ್ಲ.

ಈ ಹಿನ್ನೆಲೆಯಲ್ಲಿ ಈ ಹೇಳಿಕೆ ಸಂಶಯಾಸ್ಪದವಾಗಿದ್ದು, ರಾಹುಲ್ ಮತ್ತು ರಾಜೀವ್ ಅವರ ಡಿಎನ್ಎ ಪರೀಕ್ಷೆ ಯಾವಾಗ ಮಾಡಲಾಯಿತು, ಏಕೆ ಮಾಡಲಾಯಿತು ಎಂಬುದರ ಬಗ್ಗೆಯೂ ಯಾವುದೇ ಮಾಹಿತಿ ಇಲ್ಲ. ಒಂದು ವೇಳೆ ಈ ಸುದ್ದಿಯಲ್ಲಿ ಸತ್ಯಾಂಶವಿದ್ದಿದ್ದೇ ಆದಲ್ಲಿ ಪತ್ರಿಕೆಗಳಲ್ಲಿ, ಚಾನೆಲ್ ಗಳಲ್ಲಿ ಸುದ್ದಿಯನ್ನು ಪ್ರಕಟಿಸಲಾಗುತ್ತಿತ್ತು. ಆದರೆ ಅಂತಹ ವರದಿಗಳು ಕಂಡುಬಂದಿಲ್ಲ.

Our Sources

Self analysis

Google search

(ಈ ಲೇಖನವನ್ನು ಮೊದಲು ನ್ಯೂಸ್‌ಚೆಕರ್ ಇಂಗ್ಲಿಷ್ ನಲ್ಲಿ ಪ್ರಕಟಿಸಲಾಗಿದ್ದು, ಅದು ಇಲ್ಲಿದೆ)