Authors
Pankaj Menon is a fact-checker based out of Delhi who enjoys ‘digital sleuthing’ and calling out misinformation. He has completed his MA in International Relations from Madras University and has worked with organisations like NDTV, Times Now and Deccan Chronicle online in the past.
Claim
ಅಂಬಾನಿ ಮನೆ ಆಂಟಿಲಿಯಾ ಮೇಲೆ ಮೂಡಿದ ಅನಂತ್ ಅಂಬಾನಿ ವಿವಾಹದ ದೃಶ್ಯ ಎಂದು ಸಾಮಾಜಿಕ ಮಾಧ್ಯಮಗಳಲ್ಲಿಹಂಚಿಕೊಳ್ಳಲಾಗುತ್ತಿದೆ.
ಫೇಸ್‌ಬುಕ್‌ ನಲ್ಲಿ ಉದಯವಾಣಿ ಮಾಡಿದ ಪೋಸ್ಟ್ ನಲ್ಲಿ ಅಂಬಾನಿ ನಿವಾಸ ಆಂಟಿಲಿಯಾ ರೀತಿ ಕಾಣುವ ಕಟ್ಟಡ ಒಂದರ ಮೇಲೆ ಅನಂತ್ ಅಂಬಾನಿ-ರಾಧಿಕಾ ಮರ್ಚಂಡ್ ಅವರ ವಿವಾಹದ ವೀಡಿಯೋವನ್ನು ಪ್ರದರ್ಶಿಸಿರುವುದು ಕಾಣುತ್ತದೆ.
Also Read: ಅನಂತ್ ಅಂಬಾನಿ ಮದುವೆಗೆ ಹೋಗದ ಬಗ್ಗೆ ನಟ ಸುದೀಪ್‌ ಸ್ಪಷ್ಟನೆಯ ವೀಡಿಯೋ ಹಳೇದು
ಇದೇ ರೀತಿಯ ಸುದ್ದಿಯನ್ನು ಎಬಿಪಿ ಲೈವ್ ಕೂಡ ವರದಿ ಮಾಡಿದೆ. ಇದರಲ್ಲೂ ಅಂಬಾನಿ ವಿವಾಹ ಆಂಟಿಲಿಯಾದ ಮೇಲೆ ಪ್ರದರ್ಶಿಸಲಾಗಿದೆ ಎಂದು ಹೇಳಲಾಗಿದೆ.
ಈ ವೀಡಿಯೋ ಬಗ್ಗೆ ನ್ಯೂಸ್‌ಚೆಕರ್ ಸತ್ಯಶೋಧನೆ ನಡೆಸಿದ್ದು, ಇದೊಂದು ಕೃತಕ ವೀಡಿಯೋ, ವಿಎಫ್‌ಎಕ್ಸ್ (ವಿಶುವಲ್ ಎಫೆಕ್ಟ್ ) ತಂತ್ರಜ್ಞಾನದ ಮೂಲಕ ಮಾಡಲಾಗಿದ್ದು ನಿಜವಾದ್ದಲ್ಲ ಎಂದು ಕಂಡುಕೊಂಡಿದೆ.
Fact
ಸತ್ಯಶೋಧನೆಗಾಗಿ ನಾವು ಆಂಟಿಲಿಯಾ ಮೇಲೆ ಅನಂತ್ ಅಂಬಾನಿ ಮದುವೆಯ ವೀಡಿಯೋ ಪ್ರದಶರ್ಶಿಸಲಾಗಿದೆಯೇ ಎಂದು ಸುದ್ದಿಗಳನ್ನು ಹುಡುಕಿದ್ದೇವೆ. ಈ ವೇಳೆ ಅಂತಹ ಯಾವುದೇ ಸುದ್ದಿಗಳು ಕಂಡುಬಂದಿಲ್ಲ.
ಆ ಬಳಿಕ ವೈರಲ್ ವೀಡಿಯೋದ ಕೀಫ್ರೇಂಗಳನ್ನು ತೆಗೆದು ರಿವರ್ಸ್ ಇಮೇಜ್ ಸರ್ಚ್ ನಡೆಸಿದ್ದೇವೆ. ಈ ವೇಳೆ ಯೂಟ್ಯೂಬ್‌ ವೀಡಿಯೋ ಒಂದು ಲಭ್ಯವಾಗಿದೆ. ಜುಲೈ 18, 2024ರಂದು ಟ್ರೆಂಡ್ಸಿ ಮಯೂರಿ ಹೆಸರಿನ ಈ ಚಾನೆಲ್‌ ನಲ್ಲಿ ವೀಡಿಯೋ ಅಪ್‌ ಲೋಡ್ ಮಾಡಲಾಗಿದ್ದು, ಇಲ್ಲಿಯೂ ಆಂಟಿಲಿಯಾ ರೀತಿ ಕಟ್ಟಡದಲ್ಲಿ ಅಂಬಾನಿ ವಿವಾಹವನ್ನುತೋರಿಸುವುದನ್ನು ನೋಡಿದ್ದೇವೆ. ಈ ವೀಡಿಯೋದಲ್ಲಿ KEYUR_CGI ಹೆಸರಿನ ಇನ್‌ ಸ್ಟಾಗ್ರಾಂ ವಾಟರ್ ಮಾರ್ಕ್ ಅನ್ನು ನಾವು ಕಂಡಿದ್ದೇವೆ.
ಈ ಸುಳಿವಿನ ಆಧಾರದಲ್ಲಿ ನಾವು ಇನ್‌ಸ್ಟಾಗ್ರಾಂನಲ್ಲಿ Kkeyur_cgi ಖಾತೆಯನ್ನು ಹುಡುಕಿದ್ದೇವೆ. ವೈರಲ್ ವೀಡಿಯೋವನ್ನು ಹೋಲುವ ವೀಡಿಯೋ ಇಲ್ಲೂ ಕಂಡುಬಂದಿದ್ದು ಅದನ್ನು ಜುಲೈ 18, 2024 ರಂದು ಅಪ್‌ ಲೋಡ್ ಮಾಡಲಾಗಿದೆ. ಇದರೊಂದಿಗೆ ನಾವು KEYUR_CGI ಖಾತೆಯನ್ನು ಶೋಧಿಸಿದ್ದೇವೆ. ಇದರಲ್ಲಿ ಹಲವು ಇದೇ ರೀತಿಯ ವೀಡಿಯೋ ಗಳನ್ನು ಕಂಡುಕೊಂಡಿದ್ದೇವೆ. ಜೊತೆಗೆ ಖಾತೆದಾರರು ತಮ್ಮ ವಿವರದಲ್ಲಿ ಹಾಲಿವುಡ್ ಮಾಜಿ ವಿಎಫ್‌ ಎಕ್ಸ್ ಆರ್ಟಿಸ್ಟ್ ಎಂದು ಬರೆದುಕೊಂಡಿದ್ದಾರೆ.
ಆ ಬಳಿಕ ನ್ಯೂಸ್‌ಚೆಕರ್ ಅವರನ್ನು ಸಂಪರ್ಕಿಸಿದ್ದು, ನಮಗೆ ನೀಡಿದ ಪ್ರತಿಕ್ರಿಯೆಯಲ್ಲಿ ವೀಡಿಯೋ ನಿಜವಾದ್ದಲ್ಲ, ಅದು ವಿಎಫ್‌ ಎಕ್ಸ್ ಮೂಲಕ ನಿರ್ಮಿಸಲಾಗಿದೆ ಎಂದು ಹೇಳಿದ್ದಾರೆ.
ವಿಚಾರಕ್ಕೆ ಸಂಬಂಧಿಸಿ ನಾವು ಉದಯವಾಣಿಯನ್ನು ಸಂಪರ್ಕಿಸಲು ಯತ್ನಿಸಿದ್ದು, ಅವರ ಪ್ರತಿಕ್ರಿಯೆ ಬಂದ ಬಳಿಕ ಈ ಲೇಖನವನ್ನು ನವೀಕರಿಸಲಾಗುವುದು. ಈ ಸಾಕ್ಷ್ಯಾಧಾರಗಳ ಪ್ರಕಾರ ಅಂಬಾನಿ ನಿವಾಸದ ಮೇಲೆ ಮೂಡಿದ ಅನಂತ್ ಅಂಬಾನಿ ವಿವಾಹದ ದೃಶ್ಯ ಎಂದಿರುವುದು ತಪ್ಪಾಗಿದೆ. ಇದು ವಿಎಫ್‌ ಎಕ್ಸ್ ಮೂಲಕ ಮಾಡಿದ್ದಾಗಿದೆ.
Also Read: ಸೋನಿಯಾ ಗಾಂಧಿ ಕೈಯಲ್ಲಿ ಸಿಗರೇಟ್ ಹಿಡಿದಿರುವ ಎಐ ಫೋಟೋ ವೈರಲ್
Result: Altered Video
Our Sources
Instagram Post By Keyur_cgi, Dated: July 18, 2024
Conversation with Keyur_cgi/Debabrata bairagy
ಯಾವುದೇ ಕ್ಲೈಮ್ ಅನ್ನು ನಾವು ವಾಸ್ತವಿಕವಾಗಿ ಪರಿಶೀಲಿಸಬೇಕೆಂದು ನೀವು ಬಯಸಿದರೆ, ಪ್ರತಿಕ್ರಿಯೆಯನ್ನು ನೀಡಿ ಅಥವಾ ದೂರು ಸಲ್ಲಿಸಬಹುದು, ಜೊತೆಗೆ 9999499044 ನಲ್ಲಿ ನಮಗೆ WhatsApp ಮಾಡಿ ಅಥವಾ → checkthis@newschecker.in ಮೂಲಕ ನಮಗೆ ಇಮೇಲ್ ಮಾಡಿ. ಸಂಪರ್ಕಿಸಿ ಪುಟದ ಮೂಲಕ ನೀವು ನಮ್ಮನ್ನು ಸಂಪರ್ಕಿಸಬಹುದು ಮತ್ತು ಫಾರಂ ಅನ್ನು ಭರ್ತಿ ಮಾಡಬಹುದು.
Authors
Pankaj Menon is a fact-checker based out of Delhi who enjoys ‘digital sleuthing’ and calling out misinformation. He has completed his MA in International Relations from Madras University and has worked with organisations like NDTV, Times Now and Deccan Chronicle online in the past.
