Authors
Sabloo Thomas has worked as a special correspondent with the Deccan Chronicle from 2011 to December 2019. Post-Deccan Chronicle, he freelanced for various websites and worked in the capacity of a translator as well (English to Malayalam and Malayalam to English). He’s also worked with the New Indian Express as a reporter, senior reporter, and principal correspondent. He joined Express in 2001.
അറ്റ്‌ലാന്റിക് പസഫിക്ക് സമുദ്രങ്ങളുടെ സംഗമ സ്ഥാനത്തിന്റേത് എന്ന പേരിൽ ഒരു വിഡിയോ ഫേസ്ബുക്കിൽ പ്രചരിക്കുന്നുണ്ട്..കടൽവെള്ളം തമ്മിൽ കലരാതെ രണ്ടു നിറങ്ങളിലാണ് വീഡിയോയിൽ. Kar Kar എന്ന ഐഡിയിൽ നിന്നുള്ള റീൽസ് ഞങ്ങൾ കാണുമ്പോൾ അതിന് 20 k ഷെയറുകളും 8.6 k ലൈക്കുകളും ഉണ്ട്.
THEKKINI എന്ന യൂട്യൂബ് ചാനലിൽ ഈ വിഡിയോ 174 k ആളുകൾ ലൈക്ക് ചെയ്തതായി ഞങ്ങൾ കണ്ടു
Anil CP Chemmanur എന്ന ഫേസ്ബുക്ക് ഐഡിയിൽ നിന്നും പോസ്റ്റ് 7 പേർ ഞങ്ങൾ കാണുമ്പോൾ ചെയ്തിട്ടുണ്ട്
Fact Check/Verification
അറ്റ്‌ലാന്റിക് പസഫിക്ക് സമുദ്രങ്ങളുടെ സംഗമ സ്ഥാനത്തിന്റേത് പേരിലുള്ള വിഡിയോയെ കുറിച്ച് കൂടുതൽ അറിയാൻ, ഇൻവിഡ് ടൂളിന്റെ സഹായത്തോടെ വീഡിയോ കീ ഫ്രെയിമുകളായി വിഭജിച്ചു. അതിൽ ചില ഫ്രേമുകൾ ഗൂഗിൾ റിവേഴ്‌സ് ഇമേജ് സേർച്ച് ചെയ്തു. പ്രചരിക്കുന്ന വീഡിയോയുടെ ആദ്യഭാഗത്ത് മഞ്ഞയും ഇളം നീല നിറത്തിലുമുള്ള വെള്ളം കാണുന്ന ദൃശ്യം ചൈനയ്ക്കും കൊറിയക്കുമിടയിൽ ഉള്ള ബോഹായ് കടലിൽ നിന്നുള്ളതാണ്. സൗത്ത് ചൈന മോർണിംഗ് പോസ്റ്റ് ജൂലൈ 19, 2018 ൽ ഈ വീഡിയോ പോസ്റ്റ് ചെയ്തിട്ടുണ്ട്. 2018-ലുണ്ടായ വെള്ളപ്പൊക്കത്തെ തുടർന്ന് ഈ പ്രതിഭാസമായിരുന്നു അത്. മഞ്ഞ നദിയിൽനിന്ന് പ്രളയ ജലത്തിലൂടെ കടലിലേക്ക് ഒഴുകിയെത്തുന്ന ചെളി കൊണ്ട് ഉണ്ടാവുന്ന ഒരു പ്രതിഭാസമാണിത്.
ഇടിവി ആന്ധ്രാപ്രദേശ് ഈ ദൃശ്യം ജൂലൈ 12, 2018 ൽ കൊടുത്തതും ഞങ്ങൾ കണ്ടെത്തി.
കടൽവെള്ളം കടുംനീല നിറത്തിലും പച്ച നിറത്തിലുമായി കാണുന്ന ദൃശ്യങ്ങൾ അടങ്ങുന്ന രണ്ടാം ഭാഗം Maryan Pearson എന്ന ഉപയോക്താവിന്റെ YouTubeൽ നിന്നും വീഡിയോ കിട്ടി. ജൂലൈ 5,2015 ലാണ് വീഡിയോ എടുത്തിരിക്കുന്നത്.
“നദീജലം (ഫ്രേസർ നദി) സമുദ്രജലത്തിലേക്ക് (ജോർജിയ കടലിടുക്ക്) ഒഴുകുന്നു: ബിസി ഫെറീസ് ബോട്ടിൽ നിന്ന് വാൻകൂവർ ദ്വീപിലെ (ഡ്യൂക്ക് പോയിന്റ്) വാൻകൂവറിലേക്കുള്ള (ത്സാവ്സെൻ) യാത്രയ്ക്കിടയിൽ ഷൂട്ട് ചെയ്ത ഒരു ചെറിയ വീഡിയോ ക്ലിപ്പ്,” എന്നാണ് വീഡിയോയുടെ വിവരണം.
വണ്ടർ വേൾഡ് എന്ന യൂട്യൂബ് ചാനൽ വാൻകൂവർ ബിസി കാനഡയ്ക്ക് തൊട്ടുമുന്നിലുള്ള ഫ്രേസർ റിവർ ഡെൽറ്റയാണിത്. ഇവിടെയാണ് കടൽ വെള്ളം ശുദ്ധജലവുമായി ചേരുന്നത്.എന്ന വിവരണത്തോടെ ഒക്ടോബർ 2,2019 ൽ ഈ വിഡിയോ പോസ്റ്റ് ചെയ്തിട്ടുണ്ട്.
വണ്ടർ വേൾഡ് എന്ന യൂട്യൂബ് ചാനൽ വാൻകൂവർ ബിസി കാനഡയ്ക്ക് തൊട്ടുമുന്നിലുള്ള ഫ്രേസർ റിവർ ഡെൽറ്റയാണിത്. ഇവിടെയാണ് കടൽ വെള്ളം ശുദ്ധജലവുമായി ചേരുന്നത്.എന്ന വിവരണത്തോടെ ഒക്ടോബർ 2,2019 ൽ ഈ വിഡിയോ പോസ്റ്റ് ചെയ്തിട്ടുണ്ട്.
ഫ്രേസർ നദി കടലിലേക്ക് ഒഴുകുമ്പോൾ ഉണ്ടാകുന്ന ഈ പ്രതിഭാസത്തെ ഫ്രേസർ റിവർ ഫ്യൂംസ് എന്നാണ് പറയുന്നത്. അത് ഉണ്ടാക്കാനുള്ള കാരണം,നാസയുടെ എർത്ത് ഒബ്സർവേറ്ററി വെബ്സൈറ്റ് സെപ്റ്റംബർ 6 ,2014 ൽ പ്രസിദ്ധീകരിച്ച ലേഖനത്തിൽ വിശദീകരിക്കുന്നുണ്ട്.
ലേഖനം അനുസരിച്ച്, “മഞ്ഞുരുകുന്ന ശുദ്ധജല നദിയാണ് ഫ്രേസർ. ജോർജിയ കടലിടുക്കിലേക്ക് അത് ഒഴുകുന്നത് റോക്കി പർവതനിരകൾ, തീര പർവതങ്ങൾ, ഫ്രേസർ മലയിടുക്കുകൾ എന്നിവയൊക്കെ അടങ്ങുന്ന പ്രദേശങ്ങളിലുടെയാണ്. സമുദ്രത്തിൽ അത് പ്രവേശിക്കുന്നത് 130 കിലോമീറ്റർ വീതിയുള്ള വെള്ളപ്പൊക്കത്തിൽ രൂപം കൊണ്ട ഒരു താഴ്വര വഴിയാണ്. യാത്രയ്ക്കിടയിൽ, നദി ഓരോ വർഷവും ഏകദേശം 20 ദശലക്ഷം ടൺ ചെളിയുടെ ഒരു വലിയ ലോഡ് വഹിക്കുകയും ചെയ്യുന്നു. ഫ്രേസർ നദിയിലെ ഈ സമൃദ്ധമായ അവശിഷ്ടങ്ങൾ ജോർജിയ കടലിടുക്കിന് കുറുകെ വ്യാപിച്ചു കിടക്കുന്ന ഒരു പ്രത്യേക നിറത്തിലുള്ള ജലധാരയായി മാറുന്നു.”
റിസർച്ച് ഗേറ്റ് എന്ന ഗവേഷണ വെബ്‌സൈറ്റിൽ ജൂൺ 3,2019 ൽ ഈ പ്രതിഭാസത്തിന്റെ പടം കൊടുത്തിട്ടുണ്ട്.
ഇതിൽ നിന്നും അറ്റ്‌ലാന്റിക് പസഫിക്ക് സമുദ്രങ്ങളുടെ സംഗമ സ്ഥാനത്തിന്റേത് എന്ന പേരിൽ പ്രചരിക്കുന്ന ദൃശ്യങ്ങൾ മറ്റ് സ്ഥലങ്ങളിൽ നിന്നുള്ളതാണ് എന്ന് വ്യക്തമായി.
വായിക്കുക:റെയിൽ ലൈനിന് സമീപം ഇയർ ഫോൺ ഉപയോഗിച്ചപ്പോൾ വൈദ്യതാഘാതം എന്ന വീഡിയോയുടെ യാഥാർഥ്യം
Conclusion
അറ്റ്‌ലാന്റിക് പസഫിക്ക് സമുദ്ര സംഗമത്തിന്റേതെന്ന തരത്തിൽ പ്രചരിക്കുന്ന വീഡിയോയിലെ വിവരണം തെറ്റാണ്. ചൈനയോട് ചേർന്ന് കിടക്കുന്ന ബോഹായ് കടലിന്റെയും ഫ്രേസർ നദി ജോർജിയ കടലിടുക്കിലേക്ക് ചേരുന്നതിന്റെയും ദൃശ്യങ്ങളാണിത്.അറ്റ്‌ലാന്റിക് പസഫിക്ക് സമുദ്രങ്ങളുടെ സംഗമസ്ഥാനത്തിന്റേത് എന്ന വിവരണം തെറ്റാണ് എന്ന് ഇതിൽ നിന്നും മനസിലായി.
Result: False
Sources
Report by South China Morning Post on July 19, 2019
Report by ETV Andhraprdesh on July 12,2019
Youtube vide by Maryan Pearson on July 5,2015
Youtube video by Wonder World on October 2,2019
Article on Nasa Space Observatory Website on September 6,2014
Photo in Research Gate on June 3,2019
ഞങ്ങൾ ഒരു അവകാശവാദത്തെ കുറിച്ച് വസ്തുത പരിശോധന നടത്തണമെന്നോ, അതിനെ കുറിച്ചുള്ള ഫീഡ്‌ബാക്ക് നൽക്കണമെന്നോ, അതിനെ കുറിച്ചൊരു പരാതി ഞങ്ങൾക്ക് നൽക്കണമെന്നോ നിങ്ങൾ ആഗ്രഹിക്കുന്നുവെങ്കിൽ, 9999499044 എന്ന നമ്പറിൽ വാട്ട്‌സ്ആപ്പ് ചെയ്യുക അല്ലെങ്കിൽ checkthis@newschecker.in ൽ ഇമെയിൽ ചെയ്യുക. നിങ്ങൾക്ക് ഞങ്ങളുടെ കോൺടാക്ട് അസ് പേജ് സന്ദർശിച്ചു പരാതി ഫോം പൂരിപ്പിക്കാനും അവസരം ഉണ്ട്.
Authors
Sabloo Thomas has worked as a special correspondent with the Deccan Chronicle from 2011 to December 2019. Post-Deccan Chronicle, he freelanced for various websites and worked in the capacity of a translator as well (English to Malayalam and Malayalam to English). He’s also worked with the New Indian Express as a reporter, senior reporter, and principal correspondent. He joined Express in 2001.
