ശബരിമല സ്വർണക്കളവ് കേസ്: അറസ്റ്റിലായ ശ്രീകുമാർ വി എസ് ശിവകുമാറിന്റെ സഹോദരനാണോ?

ശബരിമല സ്വർണക്കളവ് കേസിൽ മുൻ ദേവസ്വം ബോർഡ് അഡ്മിനിസ്ട്രേറ്റീവ് ഓഫീസർ ശ്രീകുമാറിന്റെ അറസ്റ്റ് വാർത്ത  പുറത്തുവന്നതിന് പിന്നാലെ, അദ്ദേഹം മുൻ ദേവസ്വം മന്ത്രിയും കോൺഗ്രസ് നേതാവുമായ വി എസ് ശിവകുമാറിന്റെ സഹോദരനാണെന്ന അവകാശവാദം സോഷ്യൽ മീഡിയയിൽ വ്യാപകമായി പ്രചരിച്ചു.

Claim Post :https://www.facebook.com/vijayakumar.sankaranarayanan/posts/pfbid035zeozvn3eSrtks42V4mvfg9MVSLechzLCEsSu9rG1GTeb1KqW76sARspm35DgSmSl

ഇവിടെ വായിക്കുക:നവ്യ ഹരിദാസ് മുഖ്യമന്ത്രി പിണറായി വിജയന്റെ ബന്ധുവിനെ തോൽപ്പിച്ചുവെന്ന അവകാശവാദം തെറ്റാണ്

Evidence

ഏഷ്യാനെറ്റ് ന്യൂസ് (ഡിസംബർ 17, 2025)

ഏഷ്യാനെറ്റ് ന്യൂസ് റിപ്പോർട്ട് പ്രകാരം, 2019-ൽ ശബരിമലയിൽ ദ്വാരപാലക ശിൽപ്പങ്ങൾ പുറത്തേക്ക് കൊണ്ടുപോകുമ്പോൾ അഡ്മിനിസ്ട്രേറ്റീവ് ഓഫീസറായിരുന്ന ശ്രീകുമാറിനെയാണ് പ്രത്യേക അന്വേഷണ സംഘം അറസ്റ്റ് ചെയ്തത്.

“ശബരിമല സ്വർണ കൊള്ള കേസില്‍ ഒരു മുൻ ഉദ്യോഗസ്ഥൻ കൂടി അറസ്റ്റിൽ. മുൻ അഡ്മിനിസ്ട്രേറ്റീവ് ഓഫീസർ ശ്രീകുമാറിനെയാണ് എസ്ഐടി അറസ്റ്റ് ചെയ്തത്. 2019 ല്‍ ദ്വാരപാലക ശിൽപ്പങ്ങൾ പുറത്തേക്ക് കൊണ്ടുപോകുമ്പോൾ ശബരിമല എ ഒ ആയിരുന്നു ശ്രീകുമാര്‍. ഹൈക്കോടതി മുന്‍കൂര്‍ ജാമ്യാപേക്ഷ തള്ളിയത് പിന്നാലെയാണ് അന്വേഷണ സംഘത്തിന്‍റെ നടപടി,” എന്ന് റിപ്പോർട്ട് പറയുന്നു.
എന്നാൽ, ഈ റിപ്പോർട്ടിൽ ഒരിടത്തും ശ്രീകുമാർ വി എസ് ശിവകുമാറിന്റെ സഹോദരനാണെന്ന പരാമർശമില്ല.

Source:https://www.asianetnews.com/kerala-news/sabarimala-gold-theft-case-former-administrative-officer-sreekumar-arrested-articleshow-52npyit samakalika malayalam post of december 17 has the same descprition, it also does not say sreekumar is the brother of shivakumar

സമകാലിക മലയാളം (ഡിസംബർ 17, 2025)

സമകാലിക മലയാളം പ്രസിദ്ധീകരിച്ച വാർത്തയും ഏഷ്യാനെറ്റ് ന്യൂസ് റിപ്പോർട്ടിലേതിന് സമാനമായ വിവരങ്ങളാണ് നൽകുന്നത്. ഇവിടെയും ശ്രീകുമാറിന് ശിവകുമാറുമായി കുടുംബബന്ധമുണ്ടെന്ന സൂചനയില്ല.

Source:https://www.samakalikamalayalam.com/news/kerala/sabarimala-case-former-devaswom-officer-s-sreekumar-arrested-in-sabarimala-gold-theft-case

ന്യൂസ്18 മലയാളം (ഡിസംബർ 20, 2020)

ന്യൂസ്18 മലയാളം റിപ്പോർട്ട് അനുസരിച്ച്, ശബരിമലയിൽ സ്റ്റീൽ പാത്രങ്ങൾ വാങ്ങിയതിലെ 1.82 കോടി രൂപയുടെ ക്രമക്കേട് കേസിൽ നടപടി നേരിട്ടത് ദേവസ്വം ബോർഡ് മുൻ സെക്രട്ടറി വി എസ് ജയകുമാറാണ്.
ഈ റിപ്പോർട്ടിൽ വ്യക്തമായി പറയുന്നത്, വി എസ് ജയകുമാർ മുൻ ദേവസ്വം മന്ത്രി വി എസ് ശിവകുമാറിന്റെ സഹോദരനാണെന്നാണ്.

   “ശബരിമലയിൽ സ്റ്റീൽ പാത്രങ്ങൾ വാങ്ങിയത് ഉൾപ്പെടെ 1.82 കോടി രൂപയുടെ ക്രമക്കേട് നടത്തിയ തിരുവിതാംകൂർ ദേവസ്വം ബോർഡ് മുൻ സെക്രട്ടറി വി.എസ്.ജയകുമാറിന്റെ പെൻഷൻ വെട്ടിക്കുറച്ചു. പെൻഷൻ 50 ശതമാനം സ്ഥിരമായി തടയാനും ടെർമിനൽ സറണ്ടർ ആനുകൂല്യം നിഷേധിക്കാനുമാണ് ദേവസ്വം ബോർഡ് തീരുമാനിച്ചിരിക്കുന്നത്,” എന്ന് റിപ്പോർട്ട് പറയുന്നു.

Source:https://malayalam.news18.com/news/kerala/a-cut-in-the-pension-of-devaswom-board-officer-vs-jayakumar-who-was-suspended-in-a-corruption-case-aa-327729.html

മാതൃഭൂമി (ജൂൺ 5, 2020)

മാതൃഭൂമി റിപ്പോർട്ടിലും ശബരിമല പാത്രം വാങ്ങൽ അഴിമതിക്കേസിലെ പ്രതിയായി പരാമർശിക്കുന്നത് വി എസ് ജയകുമാറിനെയാണ്. ഈ റിപ്പോർട്ടിലും ശിവകുമാറിന്റെ സഹോദരനായി ചൂണ്ടിക്കാട്ടുന്നത് ജയകുമാറിനെയാണ് — ശ്രീകുമാറിനെയല്ല.

   ” ശബരിമലയിൽ പാത്രങ്ങളും മറ്റും വാങ്ങിയതിൽ ഒരുകോടി 81 ലക്ഷം ലക്ഷം രൂപയുടെ അഴിമതിയെന്ന് റിപ്പോർട്ട്. ദേവസ്വം ബോർഡ് മുൻസെക്രട്ടറി വി എസ് ജയകുമാറിനെതിരെയാണ് അന്വേഷണ കമ്മീഷൻ റിപ്പോർട്ട്. 013-14, 2014-15 കാലങ്ങളിൽ പാത്രങ്ങളും മറ്റും വാങ്ങിയതിൽ ഒരുകോടി 81 ലക്ഷം ലക്ഷം രൂപയുടെ അഴിമതി കണ്ടെത്തി. പാത്രങ്ങൾ കുന്നുകൂടി ഉപയോഗിക്കാതെ കിടക്കുമ്പോൾ പുതിയ പാത്രങ്ങൾ വീണ്ടും വാങ്ങിയതായി കാണിച്ച് വ്യാജ ബില്ലുകൾ ഹാജരാക്കിയാണ് അഴിമതി നടത്തിയത്. ഇതുവഴി അവിഹിത നേട്ടമുണ്ടാക്കിയെന്നും ബോർഡിന് ഭീമമായ നഷ്ടം സംഭവിച്ചുവെന്നും റിപ്പോർട്ടിൽ പറയുന്നു ,” എന്ന് റിപ്പോർട്ട് പറയുന്നു.

Source:https://www.mathrubhumi.com/news/kerala/sabarimala-scam-investigation-report-b0dd04c8  

വി എസ് ശിവകുമാറിന്റെ ഫേസ്ബുക്ക് പോസ്റ്റുകൾ (ഡിസംബർ 17 & 18, 2025)

വി എസ് ശിവകുമാർ തന്നെ ഫേസ്ബുക്ക് പോസ്റ്റുകളിലൂടെ ആരോപണം നിഷേധിച്ചു.
ശബരിമല സ്വർണക്കളവ് കേസുമായി ബന്ധപ്പെട്ട് അറസ്റ്റിലായ ശ്രീകുമാർ തന്റെ സഹോദരനല്ലെന്ന്  അദ്ദേഹം വ്യക്തമാക്കി.
വ്യാജപ്രചാരണം നടത്തിയവർ പോസ്റ്റുകൾ പിൻവലിച്ചില്ലെങ്കിൽ നിയമനടപടി സ്വീകരിക്കുമെന്നും ശിവകുമാർ അറിയിച്ചു.

Source: 1.https://www.facebook.com/vssivakumr/posts/pfbid0yVYveLaRREJ9FqJZRqLBt3TGMhgDnZUQVkLsZLxwi3gJ5cUmdXZ425vzcJhJ2T9Yl
 2.https://www.facebook.com/vssivakumr/posts/pfbid02gSsUeN4ZTQSUb4Lp1ikjHizbRQ6GsiVnYok2rwYeiDiL1GRTjgn42URVwJpbAMsAl

ശബരിമലയുമായി ബന്ധപ്പെട്ട് രണ്ട് വ്യത്യസ്ത കേസുകളിലെ പേരുകളും തസ്തികകളും കൂട്ടിക്കുഴച്ചതാണ് ഈ തെറ്റായ പ്രചാരണത്തിന് കാരണം.

• വി എസ് ജയകുമാർ: ശബരിമല പാത്രം വാങ്ങൽ അഴിമതിക്കേസിൽ പ്രതിയായ ദേവസ്വം ബോർഡ് മുൻ സെക്രട്ടറി, വി എസ് ശിവകുമാറിന്റെ സഹോദരൻ.
  
• ശ്രീകുമാർ: ശബരിമല സ്വർണക്കളവ് കേസിൽ അറസ്റ്റിലായ മുൻ അഡ്മിനിസ്ട്രേറ്റീവ് ഓഫീസർ, ശിവകുമാറുമായി കുടുംബബന്ധമില്ല.
  

ഈ രണ്ട് പേരുകളെ ഒരാളായി ചിത്രീകരിച്ചാണ് സോഷ്യൽ മീഡിയയിൽ തെറ്റായ അവകാശവാദം പ്രചരിച്ചത്.

Verdict

ശബരിമല സ്വർണക്കളവ് കേസിൽ അറസ്റ്റിലായ ശ്രീകുമാർ, മുൻ കോൺഗ്രസ് മന്ത്രി വി എസ് ശിവകുമാറിന്റെ സഹോദരനാണെന്ന പ്രചാരണം തെറ്റാണ്.
ശിവകുമാറിന്റെ സഹോദരൻ വി എസ് ജയകുമാറാണ് — ശ്രീകുമാറല്ല.

FAQ
1. ശബരിമല സ്വർണക്കളവ് കേസിൽ അറസ്റ്റിലായത് ആരാണ്?
തിരുവിതാംകൂർ ദേവസ്വം ബോർഡിന്റെ മുൻ അഡ്മിനിസ്ട്രേറ്റീവ് ഓഫീസർ ശ്രീകുമാറാണ് അറസ്റ്റിലായത്.
2. ശ്രീകുമാർ വി എസ് ശിവകുമാറിന്റെ സഹോദരനാണോ?
അല്ല. ശ്രീകുമാറിന് വി എസ് ശിവകുമാറുമായി കുടുംബബന്ധമില്ല.
3. വി എസ് ശിവകുമാറിന്റെ സഹോദരൻ ആര്?
ദേവസ്വം ബോർഡ് മുൻ സെക്രട്ടറി ആയ വി എസ് ജയകുമാറാണ് അദ്ദേഹത്തിന്റെ സഹോദരൻ.
4. ഈ തെറ്റായ പ്രചാരണം എങ്ങനെ ആരംഭിച്ചു?
രണ്ട് വ്യത്യസ്ത കേസുകളിലെ ഉദ്യോഗസ്ഥരെ ഒരാളായി ചിത്രീകരിച്ചതിലൂടെയാണ് തെറ്റായ പ്രചാരണം ഉണ്ടായത്.
5. വി എസ് ശിവകുമാർ ഇതിനെക്കുറിച്ച് പ്രതികരിച്ചിട്ടുണ്ടോ?
ഫേസ്ബുക്ക് പോസ്റ്റുകളിലൂടെ അദ്ദേഹം ആരോപണം നിഷേധിക്കുകയും പോസ്റ്റ്ന പ്രചരിപിക്കുന്നവർക്കെതിരെ നിയമനടപടി സ്വീകരിക്കുമെന്ന് അറിയിച്ചിട്ടുമുണ്ട്.

Sources
Asianet News – Report, December 17, 2025
Samakalika Malayalam – Report,  December 17, 2025
News18 Malayalam – Report, December 20, 2020
Mathrubhumi – Report, June 5, 2020
Facebook post by V S Sivakumar, December 17 and 18, 2025