ജനന രജിസ്ട്രേഷനു 2026 ഏപ്രിൽ 27 വരെ മാത്രമേ സമയം ഉള്ളുവെന്ന വാദം വ്യാജം

“ജനന രജിസ്ട്രേഷൻ ഇല്ലാത്ത പൗരന്മാർക്ക് 2026 ഏപ്രിൽ 27 വരെ മാത്രമേ രജിസ്റ്റർ ചെയ്യാൻ കഴിയൂ.ആ തീയതിക്ക് ശേഷം ഒരു സാഹചര്യത്തിലും സമയ പരിധി നീട്ടില്ലെന്ന് സർക്കാർ വ്യക്തമാക്കി,” എന്ന സന്ദേശം വാട്ട്സ്ആപ്പിൽ വ്യാപകമായി പ്രചരിക്കുന്നു.ഞങ്ങളുടെ വാട്ട്സ്ആപ്പ് ടിപ്പ്ലൈൻ നമ്പർ +91 9999499044-ലേക്ക് ഇത് ഫാക്ട് ചെക്ക് ചെയ്യാൻ ഒരാൾ അപേക്ഷിച്ചു.

വാട്ട്സ്ആപ്പിലെ പോലെ വൈറൽ അല്ലെങ്കിലും ഫേസ്ബുക്കിൽ ഇത്തരം പോസ്റ്റുകൾ ഷെയർ ചെയ്യപ്പെടുന്നുണ്ട്.
Claim Post: https://www.facebook.com/samira.73787/posts/pfbid0b2LZVxtgZ5DdQUQRgijXotbmMzNYoCsZ2h5nmZaP1YoNny4yB3bdurz1m61USFTsl

ഇവിടെ വായിക്കുക:പള്ളിക്കര ഗ്രാമപഞ്ചായത്തിലെ വാർഡ് 22: എല്‍ഡിഎഫ് സ്ഥാനാർത്ഥിയെ കുറിച്ചുള്ള വാസ്തവം എന്താണ്?

Evidence

കീവേർഡ് സേർച്ച്

കീവേർഡ് സേർച്ച് നടത്തിയത് വഴി ഈ തരത്തിലുള്ള സമയപരിധി സംബന്ധിച്ച ഔദ്യോഗിക രേഖകളോ സർക്കാരിന്റെ പ്രഖ്യാപനങ്ങളോ ഒന്നും കണ്ടെത്താനായില്ല. ലഭ്യമായ സ്രോതസ്സുകൾ എല്ലാം ഈ വാദം തെറ്റാണെന്ന് സൂചിപ്പിക്കുന്നു.

പിഐബി ഫാക്ട് ചെക്ക് സ്ഥിരീകരിച്ചു

സർക്കാരിന്റെ ഔദ്യോഗിക വസ്തുതാപരിശോധന വിഭാഗമായ പിഐബി ഫാക്ട് ചെക്ക്, 2025 മാർച്ച് 8-നുഎക്സ് പ്ലാറ്റ്ഫോമിൽ പങ്കുവെച്ച പോസ്റ്റിൽ,
“ജനന സർട്ടിഫിക്കറ്റ് സമയ പരിധി” സംബന്ധിച്ച് കേന്ദ്ര സർക്കാർ ഒരു അറിയിപ്പും നൽകിയിട്ടില്ല എന്ന് വ്യക്തമാക്കിയിട്ടുണ്ട്.

 (സ്രോതസ്: പിഐബി ഫാക്ട് ചെക്ക്)

പേര് ചേർക്കുന്നതിനുള്ള പ്രത്യേക സമയ പരിധികൾ

മുൻപ് പേര് ചേർക്കാത്ത ജനന സർട്ടിഫിക്കറ്റുകളിൽ കുട്ടിയുടെ പേര് ചേർക്കുന്നതിനായി ചില സംസ്ഥാനങ്ങളും മുനിസിപ്പാലിറ്റികളും പ്രത്യേക ഭരണപരമായ തീയതികൾ നിശ്ചയിച്ചിട്ടുണ്ടാകും.

ഉദാഹരണം:തമിഴ്‌നാട്ടിൽ 2000 ജനുവരി 1-നു മുമ്പ് ജനിച്ചവർക്കുള്ള പേര് ചേർക്കൽ തീയതി 2024 ഡിസംബർ 31 വരെ നീട്ടിയിരുന്നു.
ഇവ സംസ്ഥാനതലത്തിലുള്ള പ്രായോഗിക നടപടികളാണ്,ദേശീയതലത്തിലുള്ള “പൗരത്വ രജിസ്ട്രേഷന്റെ അവസാന തീയതി” അല്ല.

 (സ്രോതസ്:ദിന തന്തി ഇംഗ്ലീഷ് – 2024 ഓഗസ്റ്റ് 5,2024 -ലെ റിപ്പോർട്ട്)

https://www.dtnext.in/news/tamilnadu/hold-awareness-drives-for-name-inclusion-in-birth-certificates-dph-tells-edu-institutions-798158

ജനന-മരണ രജിസ്ട്രേഷൻ നിയമം: എന്താണ് പറയുന്നത്?

കേന്ദ്ര ആഭ്യന്തര മന്ത്രാലയത്തിന്റെ വെബ്‌സൈറ്റിൽ പറയുന്നതനുസരിച്ച്:

• 1969-ലെ ജനന-മരണ രജിസ്ട്രേഷൻ നിയമം രാജ്യത്ത് ജനന-മരണ രജിസ്ട്രേഷൻ നിർബന്ധമാക്കുന്നു.
  
• രജിസ്ട്രേഷൻ ജനറൽ ഓഫ് ഇന്ത്യ (RGI) ദേശീയതലത്തിൽ ഏകോപനം നടത്തുന്നു.
  
• നിയമം നടപ്പിലാക്കുന്നത് സംസ്ഥാന സർക്കാരുകളാണ്.
  

മന്ത്രാലയത്തിന്റെ വെബ്‌സൈറ്റിലെവിടെയും
“ജനന രജിസ്ട്രേഷൻ 2026 ഏപ്രിൽ 27 വരെ മാത്രമേ സാധിക്കൂ” എന്ന വാദത്തെ പിന്തുണയ്ക്കുന്ന വിവരങ്ങളിലല്ല.

 (സ്രോതസ്:കേന്ദ്ര ആഭ്യന്തര മന്ത്രാലയത്തിന്റെ വെബ്‌സൈറ്റ്)
https://services.india.gov.in/service/ministry_services?ln=en&cmd_id=1520&page_no=4

ജനന രജിസ്ട്രേഷൻ നിർബന്ധമാണ്, എന്നാൽ സമയപരിധിയില്ല

1969-ലെ ജനന-മരണ രജിസ്ട്രേഷൻ (RBD) നിയമപ്രകാരം,

• ജനനം നടന്നതിന് ശേഷം 21 ദിവസത്തിനുള്ളിൽ രജിസ്റ്റർ ചെയ്യണം.
  
• ഈ സമയം കഴിഞ്ഞാലും ലേറ്റ് ഫീയും, മജിസ്‌ട്രേറ്റിന്റെ/ജില്ലാ രജിസ്ട്രാറിന്റെ അനുമതിയും നേടി രജിസ്റ്റർ ചെയ്യാം.
  
• അതായത്, ജനന രജിസ്ട്രേഷനു ദേശീയ തലത്തിൽ ഒരു അവസാന തീയതി ഇല്ല.

ഇതിന്റെ  വിശദാംശങ്ങൾ ഡൽഹി എൻസിടി സർക്കാരിന്റെ ചീഫ് രജിസ്ട്രാർ ഓഫീസിന്റെ (ജനന,മരണ) എഫ്എക്യു പേജിൽ വ്യക്തമാക്കിയിട്ടുണ്ട്.
(സ്രോതസ്: FAQ — Directorate of Economics & Statistics, Delhi)

https://des.delhi.gov.in/des/frequently-asked-questions-faq

പൗരത്വത്തിന് പൊതുവായ സമയപരിധിയില്ല

ഇന്ത്യയിലെ പൗരത്വം ജനനം, പിന്തുടർച്ച, രജിസ്ട്രേഷൻ അല്ലെങ്കിൽ സ്വാഭാവിക പൗരത്വം വഴി ലഭിക്കുന്നത് നിലവിലുള്ള നിയമ/ചട്ടങ്ങൾ അനുസരിച്ചാണ്.
പൗരത്വ നിയമങ്ങളിലും അതിന്റെ അനുബന്ധ ചട്ടങ്ങളിലും 2026 ഏപ്രിൽ 27 എന്നൊരു ‘കട്ട്ഓഫ്’ തീയതി നിശ്ചയിച്ചിട്ടില്ല.

 (സ്രോതസ്:കേന്ദ്ര ആഭ്യന്തര മന്ത്രാലയത്തിന്റെ വെബ്‌സൈറ്റ്)

https://services.india.gov.in/service/ministry_services?ln=en&cmd_id=1520&page_no=4

Verdict

2026 ഏപ്രിൽ 27 ആണ് “ജനന രജിസ്ട്രേഷൻ” അല്ലെങ്കിൽ “പൗരത്വ രജിസ്ട്രേഷൻ” അവസാന തീയതി എന്ന വാദം പൂർണ്ണമായും വ്യാജമാണ്.
ഇത്തരം ഏതെങ്കിലും കട്ട്ഓഫ് തീയതി സർക്കാർ പ്രഖ്യാപിച്ചിട്ടില്ല.

FAQ
1. ജനന രജിസ്ട്രേഷനു ദേശീയതലത്തിലുള്ള അവസാന തീയതി ഉണ്ടോ?
ഇല്ല. ഇന്ത്യയിൽ ജനന രജിസ്ട്രേഷനു സർക്കാർ ഒരു പൊതുവായ അവസാന തീയതി നിശ്ചയിച്ചിട്ടില്ല.
2. 21 ദിവസത്തിനുള്ളിൽ രജിസ്റ്റർ ചെയ്യാത്ത ജനനം പിന്നീട് രജിസ്റ്റർ ചെയ്യാമോ?
ലേറ്റ് ഫീയും ആവശ്യമായ അനുമതികളും നേടി  പിന്നീട് രജിസ്റ്റർ ചെയ്യാം.
3. പൗരത്വ രജിസ്ട്രേഷന് സമയപരിധി ഉണ്ടോ?
ഇല്ല. പൗരത്വം നിയമപരമായ പ്രക്രിയകളിലൂടെ ലഭിക്കുന്നതാണ്. അതിന്, ഒരൊറ്റ ‘ഡെഡ്ലൈൻ’ ഇല്ല.

Sources
Directorate of Economics & Statistics, Delhi – FAQ Page
Ministry of Home Affairs, Government of India – Civil Registration Information Page
PIB Fact Check – Official Post on X dated March 8, 2025