ഹിജാബ് നിയമം റദ്ദാക്കിയത് ആഘോഷിക്കുന്ന ഇറാനിയൻ വനിതകൾ ആണോ ഇത്? 

ഒരു വീഡിയോ സോഷ്യൽ മീഡിയയിൽ വ്യാപകമായി പ്രചരിക്കുന്നു. “ഇറാൻ ഹിജാബ് നിർബന്ധമാക്കുന്ന നിയമം റദ്ദാക്കി; ആഘോഷത്തിൽ ഇറാനിയൻ വനിതകൾ ഹിജാബുകൾ കത്തിച്ചു നൃത്തം ചെയ്യുന്നു” എന്ന തരത്തിലുള്ള അടിക്കുറിപ്പോടെയാണ് വീഡിയോ പ്രചരിക്കുന്നത്.

Claim Post

ഇവിടെ വായിക്കുക:ചെറുവണ്ണൂരിൽ തകർന്ന റോഡിലൂടെ കടന്നു പോകുന്ന എൽഡിഎഫ് പ്രതിഷേധത്തിന്റെ ദൃശ്യങ്ങൾ ‘വികസന മുന്നേറ്റ ജാഥ’യായി തെറ്റായി പ്രചരിപ്പിക്കുന്നു

Evidence

1. 2022ലെ ഇറാൻ പ്രതിഷേധങ്ങളിലെ ദൃശ്യങ്ങളാണ് വീഡിയോയിലുള്ളത്

വീഡിയോയിലെ ദൃശ്യങ്ങൾ ഗൂഗിളിൽ റിവേഴ്സ് ഇമേജ് തെരച്ചിലിലൂടെ പരിശോധിച്ചപ്പോൾ, അവ 2022ലെ ഹിജാബ് വിരുദ്ധ  പ്രതിഷേധത്തിൻ്റെതാണെന്ന് കണ്ടെത്തി.
സിഎൻഎൻ പോർച്ചുഗലിന്റെ 2022 ഡിസംബർ 4-ലെ റിപ്പോർട്ടിൽ ഇതേ ദൃശ്യങ്ങൾ ഉൾപ്പെട്ടിട്ടുണ്ട്.
CNN Portugal റിപ്പോർട്ട് – ഡിസംബർ 4, 2022

2. BBC: മഹ്സ അമിനിയുടെ മരണശേഷം പൊട്ടിപ്പുറപ്പെട്ട പ്രതിഷേധങ്ങൾBBC Portuguese, 2022 ഒക്ടോബർ 5-ലെ റിപ്പോർട്ടിൽ ഈ ദൃശ്യങ്ങൾ മഹ്സ അമിനിയുടെ മരണത്തെ തുടർന്ന് പൊട്ടിപ്പുറപ്പെട്ട ഹിജാബ് വിരുദ്ധ പ്രതിഷേധങ്ങളുടെ ഭാഗമാണെന്ന് വ്യക്തമാക്കുന്നു.
 BBC Portuguese റിപ്പോർട്ട് – ഒക്ടോബർ 5, 2022

Explainer

ഈ തെറ്റിദ്ധാരണ ഇറാനിലെ പരമോന്നത നേതാവിൻ്റെ ഉപദേശക സമിതിയംഗമായ മുഹമ്മദ് റേസ ബഹോണറിന്റെ പ്രസ്താവനയെ തുടർന്നാണ് ആരംഭിച്ചത്.

2025 ഒക്ടോബർ 4-ന്, ഇറാനിൽ ഹിജാബ് നിർബന്ധമാക്കുന്ന നിയമമില്ലെന്ന് അദ്ദേഹം ഇറാനിയൻ മാധ്യമമായ ഖബർ ഓൺലൈൻ–നോട് പറഞ്ഞിരുന്നു.
Khabar Online റിപ്പോർട്ട് – ഒക്ടോബർ 4, 2025

എന്നാൽ ഒക്ടോബർ 11, 2025-ന്, ബഹോണർ തന്റെ പ്രസ്താവന പിൻവലിച്ചു. അപാരാത്ത് ചാനലിന് നൽകിയ അഭിമുഖത്തിൽ അദ്ദേഹം “ഇറാനിൽ ഹിജാബ് നിർബന്ധമാണ്” എന്ന് വ്യക്തമാക്കി.
Aparat അഭിമുഖം – ഒക്ടോബർ 11, 2025

അതേ ദിവസം തന്നെ എക്സ്പെഡിയൻസി കൗൺസിൽ വക്താവ് മൊഹ്‌സെൻ ഡെഹ്‌നാവി ബഹോണറിന്റെ അഭിപ്രായം അദ്ദേഹത്തിന്റെ വ്യക്തിപരമായ വീക്ഷണം മാത്രമാണെന്ന് വ്യക്തമാക്കി.
Mohsen Dehnavi X പോസ്റ്റ് – ഒക്ടോബർ 11, 2025

തുടർന്ന് AFP Fact Check (ഒക്ടോബർ 23, 2025) റിപ്പോർട്ടും ഇറാനിൽ ഹിജാബ് ഇപ്പോഴും നിയമപരമായി നിർബന്ധമാണെന്ന് സ്ഥിരീകരിച്ചു.
AFP Fact Check – ഒക്ടോബർ 23, 2025

Verdict

വീഡിയോ തെറ്റിദ്ധരിപ്പിക്കുന്ന രീതിയിലാണ്  പ്രചരിക്കുന്നത്. അത് ഇറാനിൽ ഹിജാബ് നിയമം റദ്ദാക്കിയതിന്റെ ആഘോഷം കാണിക്കുന്നതല്ല, 2022ലെ ഹിജാബ് വിരുദ്ധ പ്രതിഷേധങ്ങളുടെ ദൃശ്യങ്ങളാണ്. ഇറാനിൽ ഹിജാബ് നിയമം ഇപ്പോഴും സജീവമാണ്.

ഇവിടെ വായിക്കുക:കർണാടകയിൽ പൊലീസ് മുസ്ലിം ലീഗ് പതാക നീക്കം ചെയ്തോ?

FAQ
1. ഇറാൻ ഹിജാബ് നിയമം റദ്ദാക്കിയോ?
ഇല്ല. ഇറാനിൽ ഹിജാബ് ഇപ്പോഴും നിയമപരമായി നിർബന്ധമാണ്.
2. പ്രചരിക്കുന്ന വീഡിയോയിലെ ദൃശ്യങ്ങൾ യഥാർത്ഥമാണോ?
വീഡിയോ യഥാർത്ഥമാണെങ്കിലും, അതിൽ കാണുന്നത് 2022ലെ പ്രതിഷേധങ്ങളാണ് — ഹിജാബ് നിയമം റദ്ദാക്കിയത് ആഘോഷിക്കുന്ന ദൃശ്യങ്ങളല്ല.
3. ഹിജാബ് നിയമത്തെ കുറിച്ചുള്ള വിവാദ പ്രസ്താവന ആരാണ് നടത്തിയതെന്ന്?
മുഹമ്മദ് റേസ ബഹോണർ എന്ന ഇറാനിയൻ നേതാവ് 2025 ഒക്ടോബർ 4-ന് പ്രസ്താവന നടത്തിയെങ്കിലും പിന്നീട് അത് പിൻവലിച്ചു.
4. ഇറാനിൽ ഹിജാബ് നിർബന്ധം പാലിക്കാത്തവർക്ക് ശിക്ഷയുണ്ടോ?
അതെ. നിയമം ലംഘിക്കുന്നവർക്ക് എതിരെ ഇപ്പോഴും നടപടിയുണ്ട്.
5. ഈ തെറ്റായ അവകാശവാദം എങ്ങനെ പ്രചരിച്ചു?
ബഹോണറിന്റെ തെറ്റിദ്ധാരണയുള്ള പ്രസ്താവനയെ തെറ്റായി വ്യാഖ്യാനിച്ചതാണ് ഈ കിംവദന്തിയുടെ ഉറവിടം.

Sources
CNN Portugal – December 4, 2022
BBC Portuguese – October 5, 2022
Khabar Online – October 4, 2025
Aparat – October  11, 2025
Mohsen Dehnavi (X Post) – October  11, 2025
AFP Fact Check – October  23, 2025