തൃണമൂൽ കോൺഗ്രസ് എംഎൽഎ അല്ല പോലീസുകാരനെ മർദ്ദിക്കുന്നത്

ബംഗാളിലെ തൃണമൂൽ കോൺഗ്രസ് എംഎൽഎ മൻസൂർ മുഹമ്മദ് ദിമിർ പോലീസുകാരനെ മർദ്ദിക്കുന്ന ദൃശ്യങ്ങൾ എന്ന പേരിൽ ഒരു സ്ത്രീയോടൊപ്പം ഹോട്ടലിൽ ചായ കുടിക്കാൻ വന്ന പോലീസ് ഓഫിസറെ ഒരാൾ മർദിക്കുന്ന ദൃശ്യങ്ങൾ വൈറലാവുന്നുണ്ട്.

ഇവിടെ വായിക്കുക:പോലീസ് പിടിച്ചു കൊണ്ട് പോവുന്നത് ഹോളി ആഘോഷത്തിന് നേരെ കല്ലെറിഞ്ഞ മുസ്ലിങ്ങളെയല്ല

വൈറലായ വീഡിയോയുടെ സ്ക്രീൻഷോട്ടുകൾ ഞങ്ങൾ റിവേഴ്‌സ് സെർച്ച് ചെയ്തു. അപ്പോൾ 2018 ഒക്ടോബർ 20-ന് ഹിന്ദുസ്ഥാൻ ടൈംസിന്റെ ഔദ്യോഗിക യൂട്യൂബ് ചാനലിൽ ഈ വീഡിയോ പങ്കിട്ടതായി കണ്ടെത്തി. റിപ്പോർട്ട് ഇങ്ങനെയായിരുന്നു: “ഉത്തർപ്രദേശിൽ ബിജെപി കൗൺസിലർ സബ് ഇൻസ്പെക്ടറെ മർദ്ദിച്ചു, അഭിഭാഷകയെ ഭീഷണിപ്പെടുത്തി.”

ഹിന്ദുസ്ഥാൻ ടൈംസിന്റെ റിപ്പോർട്ട് പ്രകാരം, മീററ്റിലെ ഭാരതീയ ജനതാ പാർട്ടി മുനിസിപ്പൽ കൗൺസിലർ മുനിഷ് ചൗധരിയെ 2018 ഒക്ടോബർ 20-ന് ചൗധരിയുടെ റസ്റ്റോറന്റിൽ സേവനം വൈകിയതിനെച്ചൊല്ലിയുണ്ടായ തർക്കത്തെത്തുടർന്ന് സബ് ഇൻസ്പെക്ടർ സുഖ്പാൽ സിംഗ് പൻവാറിനെ മർദ്ദിച്ചതിന് അറസ്റ്റ് ചെയ്തു.

എഎൻഐ യുപി/ഉത്തരാഖണ്ഡിന്റെ ഔദ്യോഗിക എക്‌സ് അക്കൗണ്ടും അതേ ദിവസം തന്നെ വീഡിയോ പങ്കിട്ടു. 2018 ഒക്ടോബർ 19-നാണ് സംഭവം നടന്നതെന്ന് എഎൻഐ കുറിച്ചു.

പോലീസുകാരനെ മർദ്ദിക്കുന്നത് മീററ്റിലെ ഭാരതീയ ജനതാ പാർട്ടി മുനിസിപ്പൽ കൗൺസിലറാണെന്നും ബംഗാളിലെ ടിഎംസി എംഎൽഎ അല്ലെന്നും ഞങ്ങളുടെ അന്വേഷണത്തിൽ ബോധ്യമായി.

ഇവിടെ വായിക്കുക:നടൻ വിജയ്‌യുടെ ഇഫ്താർ വിരുന്നിന് പിന്നാലെയാണോ ടിവികെ ഓഫീസ് പൊളിച്ചുമാറ്റിയത്?

Sources
YouTube Video of Hindustan Times on October 20, 2018
X post by ANI UP/Uttarakhand on October 20, 2018