ഇസ്രേയലിൽ നടന്ന സമാധാന റാലിയാണോ ഇത്?

ഇറാനിനെതിരെയുള്ള യുദ്ധത്തിൽ പ്രതിഷേധിച്ച് ഇസ്രേയലിൽ നടന്ന സമാധാന റാലിയുടേത് എന്ന പേരിൽ ഒരു വീഡിയോ ഫേസ്ബുക്കിൽ വൈറലാവുന്നുണ്ട്.

“ഇറാൻ, ഞങ്ങൾ മാപ്പ് ചോദിക്കുന്നു. യുദ്ധം നിർത്തു. ഏതൊരു യുദ്ധവും വേട്ടയാടുന്നത് സാധാരണക്കാരായ ജനങ്ങളെയാണ് എന്ന തിരിച്ചറിവ് എന്നാണ് ലോക രാജ്യങ്ങൾക്ക് ഉണ്ടാവുക,” എന്ന വിവരണത്തോടെയാണ് പോസ്റ്റ്.

“#iranrevolution #Israel #israelnews #IranvsIsrael #iran #IsraelTerroristState #Irannews #Iranian,” എന്നീ ഹാഷ്ടാഗുകളും പോസ്റ്റിൽ കാണാം.

ജൂൺ 12, 2025ന്  ഇറാന്റെ ആണവ പദ്ധതിയെയും നേതൃത്വത്തെയും ലക്ഷ്യമിട്ട് ഇസ്രായേൽ വ്യോമാക്രമണത്തിന്റെ ആദ്യ ആക്രമണം നടത്തിയതിനെ  തുടർന്ന് ഇറാനും ഇസ്രയേലും തമ്മിൽ സംഘർഷം ആരംഭിച്ചു ഈ പശ്ചാത്തലത്തിലാണ് പോസ്റ്റുകൾ.

ഇവിടെ വായിക്കുക: വി എസിന്റെ മകൻ അരുൺകുമാർ സ്വരാജിനെ വിമർശിക്കുന്ന ഏഷ്യാനെറ്റ് ന്യൂസ് കാർഡ് വ്യാജമാണ്

Fact Check/ Verification

വീഡിയോ കണ്ടപ്പോൾ അതിൽ ചില കൃത്രികമത്വങ്ങൾ ഉണ്ടെന്ന് ഞങ്ങൾക്ക് തോന്നി.

അതിനാൽ വൈറല്‍ വീഡിയോ ഇൻവിഡ് ടൂളിന്റെ സഹായത്തോടെ കീ ഫ്രേമുകളാക്കി. അതിന്റെ പ്രധാന ഫ്രെയിമുകൾ  വിവിധ എഐ ഡിറ്റക്ഷൻ ടൂളുകളിൽ പരിശോധിച്ചു.

Image 1

ഹൈവ് മോഡറേഷൻ ടൂൾ ചിത്രത്തിൽ 95.4% എഐ ജനറേറ്റഡ് അല്ലെങ്കിൽ ഡീപ്ഫേക്ക് ഉള്ളടക്കം അടങ്ങിയിരിക്കാൻ സാധ്യതയുണ്ടെന്ന് കണ്ടെത്തി.

 ഫേക്ക് ഇമേജ് ഡിറ്റക്ടർ ടൂൾ  ഫോട്ടോ കമ്പ്യൂട്ടർ സൃഷ്ടിച്ചതോ പരിഷ്കരിച്ചതോ പോലെ തോന്നിക്കുന്നുവെന്ന് കണ്ടെത്തി.

വാസ്ഇറ്റ് എഐ ടൂൾ പറഞ്ഞത്, ഇമേജ് അല്ലെങ്കിൽ അതിന്റെ ഒരു പ്രധാന ഭാഗം എഐ ആണ് സൃഷ്ടിച്ചതെന്ന് തികച്ചും ആത്മവിശ്വാസത്തോടെ പറയാൻ കഴിയുമെന്നാണ്..

Image 2 

രണ്ടാമത്തെ ചിത്രവും  ഹൈവ് മോഡറേഷൻ ടൂളിൽ പരിശോധിച്ചു. ഹൈവ് മോഡറേഷൻ ടൂൾ പറഞ്ഞത് ചിത്രത്തിന്റെ 74.5% എഐ ജനറേറ്റഡ് അല്ലെങ്കിൽ ഡീപ്ഫേക്ക് ഉള്ളടക്കം അടങ്ങിയിരിക്കാൻ സാധ്യതയുണ്ടെന്നാണ്.

വാസ്ഇറ്റ് എഐ ടൂൾ, ഇമേജ് അല്ലെങ്കിൽ അതിന്റെ ഒരു പ്രധാന ഭാഗം എഐ ആണ് സൃഷ്ടിച്ചതെന്ന് തികച്ചും ആത്മവിശ്വാസത്തോടെ പറയാൻ കഴിയുമെന്ന് വ്യക്തമാക്കി.

Conclusion

ഇറാനിനെതിരെയുള്ള യുദ്ധത്തിൽ പ്രതിഷേധിച്ച് ഇസ്രേയലിൽ നടന്ന സമാധാന റാലിയുടേത് എന്ന എന്ന പേരിൽ പ്രചരിക്കുന്ന വീഡിയോ എഐ ഉപയോഗിച്ച് നിർമ്മിച്ചതാണെന്ന് ഞങ്ങളുടെ അന്വേഷണത്തിൽ തെളിഞ്ഞു.

Sources
Hive Moderation Website
FakeImageDetector tool
WasitAI Website