ഷെഹ്ബാസ് ഷെരീഫ് പരാജയം സമ്മതിക്കുന്നതിന്റെ വൈറൽ വീഡിയോ വ്യാജം

ഇന്ത്യയുമായുള്ള സമീപകാല സംഘർഷത്തിൽ പാകിസ്ഥാൻ പ്രധാനമന്ത്രി ഷെഹ്ബാസ് ഷെരീഫ് തന്റെ രാജ്യത്തിന്റെ പരാജയം സമ്മതിക്കുന്നതായി അവകാശപ്പെടുന്ന ഒരു വീഡിയോ ഓൺലൈനിൽ വൈറലായിട്ടുണ്ട്. “അന്താരാഷ്ട്ര പിന്തുണയും ശത്രുവിന്റെ ശക്തിയും ഇല്ലാത്തതിനാൽ” പാകിസ്ഥാൻ യുദ്ധത്തിൽ നിന്ന് പിന്മാറുകയാണെന്ന് ഷെരീഫ് പറയുന്നതായി ക്ലിപ്പിൽ കേൾക്കാം. ഇന്ത്യയ്ക്ക് ഉടൻ തന്നെ തങ്ങളുടെ മേൽ നിയന്ത്രണം സ്ഥാപിക്കാൻ കഴിഞ്ഞേക്കുമെന്നും ഷെഹ്ബാസ് കൂട്ടിച്ചേർത്തു.  

ഒരു മിനിറ്റിലധികം ദൈർഘ്യമുള്ള ഈ ദൃശ്യങ്ങൾ സോഷ്യൽ മീഡിയ പ്ലാറ്റ്‌ഫോമുകളിൽ വ്യാപകമായി ഷെയർ ചെയ്യപ്പെടുന്നുണ്ട്. 

“ഇന്ത്യയുടെ വിജയം അംഗീകരിക്കാൻ മടി ഉള്ളവരോടാണ് എന്തുകൊണ്ട് പാക്കിസ്ഥാൻ തോൽവി സമ്മതിച്ചു എന്ന് അവരുടെ പ്രധാനമന്ത്രി വളരെ കൃത്യമായി പറഞ്ഞിട്ടുണ്ട്, ” എന്ന വിവരണത്തോടെയാണ് വീഡിയോ ഷെയർ ചെയ്യപ്പെടുന്നത്.

“ഇന്ത്യയുടെ ശക്തിക്കും സൈനിക ശേഷിക്കും മുന്നിൽ നമുക്ക് അധികം നാളുകൾ പിടിച്ച് നിൽക്കാൻ കഴിയുകയില്ല മാത്രമല്ല. തുർക്കി ഒഴികെ ഒരു ലോക രാജ്യവും നമ്മോട് ഒപ്പം നിലനിന്നില്ല ചൈന നിന്നില്ല. ഒരു അറബ് രാജ്യങ്ങളും നിന്നില്ല. പാക്കിസ്ഥാനേ രക്ഷിക്കാനും നിലനിർത്താനും വേണ്ടിയാണ് നമ്മൾ പിന്മാറുന്നത്,” എന്നും വിവരണത്തിൽ പറയുന്നുണ്ട്.

“ഹിന്ദി അറിയുന്നവർക്ക് കാര്യം മനസ്സിലാകും. ഇപ്പോഴും മോദിയോട് അക്കൗണ്ടിൽ എന്ന് പതിനഞ്ച് ലക്ഷം വരുമെന്ന് ചോദിച്ചു നടക്കുന്ന ടീംസിന് മനസ്സിൽ ആകണമെന്നില്ല,” എന്നും വിവരണത്തിൽ തുടരുന്നു.

ഇവിടെ വായിക്കുക:ഓപ്പറേഷൻ സിന്ദൂർ: ജിഹാദി ഭീകരന്മാരെ ഇന്ത്യൻ സൈന്യം ആക്രമിക്കുന്ന വിഡിയോയാണോ ഇത്?

Fact Check/Verification

ഗൂഗിളിൽ “ഷെഹ്ബാസ് ഷെരീഫ് പരാജയം സമ്മതിക്കുന്നു” എന്ന കീ വേർഡുകൾ സേർച്ച് ചെയ്തപ്പോൾ, പാകിസ്ഥാൻ പ്രധാനമന്ത്രിയുടെ അത്തരമൊരു പ്രസ്താവന ഉൾക്കൊള്ളുന്ന വിശ്വസനീയമായ റിപ്പോർട്ടുകളൊന്നും ലഭിച്ചില്ല. 

തുടർന്ന് ഞങ്ങൾ ഷെരീഫിന്റെ ഔദ്യോഗിക സോഷ്യൽ മീഡിയ അക്കൗണ്ടുകൾ പരിശോധിച്ചു, അവയിലും അദ്ദേഹത്തിന്റെ അത്തരം പരാമർശങ്ങളൊന്നും ഉൾപ്പെടുത്തിയിരുന്നില്ല. പക്ഷെ, 2025 മെയ് 7 ന്  പാകിസ്ഥാൻ ദേശീയ അസംബ്ലിയിൽ ഷെരീഫ് നടത്തിയ പ്രസംഗത്തിന്റെ ഒരു വീഡിയോ തത്സമയം സംപ്രേഷണം ചെയ്തതായി ഞങ്ങൾ കണ്ടെത്തി.

വൈറൽ ക്ലിപ്പ് ശ്രദ്ധാപൂർവ്വം വിശകലനം ചെയ്തപ്പോൾ, താഴത്തെ താടിയെല്ല് മങ്ങിയതായി ഞങ്ങൾ ശ്രദ്ധിച്ചു. കൂടാതെ, വീഡിയോയുടെ പ്രാരംഭ ഭാഗം ആവർത്തിക്കുന്നതായി തോന്നി.  

വൈറൽ ക്ലിപ്പിൽ കാണുന്ന അതേ വസ്ത്രധാരണത്തിലും പശ്ചാത്തലത്തിലുമാണ് വീഡിയോയിൽ ഷെരീഫ് പ്രത്യക്ഷപ്പെട്ടത്. എന്നിരുന്നാലും, ക്ലിപ്പിൽ ഷെരീഫ് പരാജയം സമ്മതിക്കുന്നതായി കേൾക്കുന്നില്ല. പകരം ഇന്ത്യയുടെ ഓപ്പറേഷൻ സിന്ദൂറിനെതിരെ പാകിസ്ഥാൻ നടത്തിയ പ്രത്യാക്രമണത്തെക്കുറിച്ച് അദ്ദേഹം വിശദീകരിക്കുന്നു.

തുടർന്ന് ഞങ്ങൾ AI ഡിറ്റക്ഷൻ പ്ലാറ്റ്‌ഫോമായ ഹൈവ് മോഡറേഷനിലെ വൈറൽ വീഡിയോയുടെ ഒരു ഭാഗം പരിശോധിച്ചു, അപ്പോൾ വൈറൽ ക്ലിപ്പ് 99.9% AI ജനറേറ്റഡ് അല്ലെങ്കിൽ ഡീപ്ഫേക്ക് ഉള്ളടക്കം അടങ്ങിയിരിക്കുന്ന മീഡിയയാണെന്ന ഫലം ലഭിച്ചു. 

യുബി മീഡിയ ഫോറൻസിക്സ് ലാബിലെ ഡീപ്ഫേക്ക്-ഒ-മീറ്ററിലും ന്യൂസ് ചെക്കർ ഓഡിയോ പ്രദർശിപ്പിച്ചു. ഒന്നിലധികം ഡിറ്റക്ഷൻ മോഡലുകളിൽ ഇത് പരിശോധിച്ചു. അവയിൽ മിക്കതും AI സൃഷ്ടിക്കപ്പെടാനുള്ള ഉയർന്ന സാധ്യതയുണ്ടെന്ന് വ്യക്തമാക്കി.

വോയ്‌സ് എഐ ഗവേഷണ, വിന്യാസ കമ്പനിയായ ഇലവൻ ലാബ്‌സ്, അതിന്റെ പ്ലാറ്റ്‌ഫോം ഉപയോഗിച്ച് ഓഡിയോ ജനറേറ്റ് ചെയ്‌തതിന് 98% സാധ്യതയുണ്ടെന്ന് വ്യക്തമാക്കി.

ഇവിടെ വായിക്കുക:കാർഡിനൽ ലൂയിസ് അന്റോണിയോ റ്റാലെയാണോ പുതിയ മാർപ്പാപ്പ?

Conclusion

പാകിസ്ഥാൻ പ്രധാനമന്ത്രി ഷെഹ്ബാസ് ഷെരീഫ് ഇന്ത്യയ്‌ക്കെതിരായ യുദ്ധത്തിൽ പരാജയം സമ്മതിക്കുന്നതിന്റെ വൈറൽ വീഡിയോ AI ഉപയോഗിച്ച് കൃത്രിമം കാണിച്ചതാണെന്ന് ഞങ്ങൾ കണ്ടെത്തി,

(ഈ വീഡിയോ ഞങ്ങളുടെ ഇംഗ്ലീഷ് ഫാക്ട് ചെക്ക് ടീമാണ് ആദ്യം പരിശോധിച്ചത്. അത് ഇവിടെ വായിക്കാം)

Sources
Facebook Post By Shehbaz Sharif, Dated May 7, 2025
Hive Moderation Website
Deepfake-O-Meter Tool
ElevenLabs Website