अमित शाह यांनी असं म्हटलं का की, जर बिहारकरांनी मतदान केलं नाही, तर त्यांना दिल्ली-मुंबईत प्रवेश करू देणार नाही?

सोशल मीडियावर ‘एबीपी न्यूज’च्या नावाने एक न्यूज कार्ड व्हायरल होत आहे, ज्यामध्ये असा दावा करण्यात येत आहे की गृहमंत्री अमित शाह यांनी बिहार विधानसभा निवडणुकांबाबत असे विधान केले आहे की, जर बिहारच्या मतदारांनी भाजप-एनडीए गठबंधनाला मत दिले नाही, तर त्यांना दिल्ली-मुंबईत प्रवेश करू देणार नाही.

या व्हायरल कार्डमध्ये अमित शाह यांच्या छायाचित्रासोबत असे कथित विधान लिहिलेले आहे, “जर बिहारकरांनी आमच्या पक्षाला मत दिले नाही तर आम्ही त्यांना दिल्ली-मुंबईमध्ये घुसू देणार नाही.” अनेक सोशल मीडिया वापरकर्ते हे कार्ड खरे मानून शेअर करत आहेत.

मात्र, आमच्या तपासात असे स्पष्ट झाले की एबीपी न्यूजचे हे व्हायरल कार्ड बनावट आहे. अमित शाह यांनी असे कोणतेही विधान केलेले नाही.

हे कार्ड X आणि फेसबुकवर मोठ्या प्रमाणात शेअर केले जात आहे. अशा पोस्टचे आर्काइव्ह लिंक येथे, येथे, येथे आणि येथे पाहू शकता.

Fact Check/Verification

गृहमंत्री अमित शाह यांच्या या व्हायरल विधानाची पडताळणी करण्यासाठी आम्ही संबंधित कीवर्ड्सच्या आधारे गूगल सर्च केली. मात्र, आम्हाला त्यांच्या नावाने असे कोणतेही विधान कुठेही आढळले नाही. बिहार विधानसभा निवडणुकीच्या पार्श्वभूमीवर जर अमित शाह किंवा इतर कोणत्याही राजकीय पक्षाच्या नेत्याने असे विधान केले असते, तर ते केवळ माध्यमांमध्येच नव्हे तर राजकीय वर्तुळातही चर्चेचा विषय ठरला असता.

यानंतर आम्ही ABP न्यूजची वेबसाइट आणि त्यांचे अधिकृत सोशल मीडिया अकाऊंट्स तपासले, परंतु तिथेही अमित शाह यांच्या या कथित विधानाशी संबंधित कोणतीही बातमी किंवा न्यूज कार्ड आढळले नाही.

अमित शाह म्हणाले का की, बिहारकरांना दिल्ली-मुंबईत प्रवेश करू देणार नाही?

तथापि, दरम्यान आम्हाला 23 ऑक्टोबर 2025 रोजीचा एबीपी न्यूजचा एक एक्स (X) पोस्ट आढळला, ज्यामध्ये असाच एक व्हायरल पोस्टचा स्क्रीनशॉट शेअर करण्यात आला होता आणि त्याला फेक असल्याचे सांगण्यात आले होते.

चॅनेलने पोस्टमध्ये लिहिले होते, “#FakeNewsAlert | ABP न्यूजच्या नावाने सोशल मीडियावर फिरणारे हे कार्ड पूर्णपणे बनावट आहे. असे कोणतेही विधान ना गृहमंत्र्यांनी केले आहे आणि ना अशा प्रकारची कोणतीही बातमी ABP न्यूजने प्रसारित केली आहे.”

हाच स्पष्टीकरणात्मक पोस्ट एबीपी न्यूजने त्यांच्या अधिकृत इंस्टाग्राम अकाऊंटवरदेखील शेअर केला आहे.

याशिवाय, व्हायरल ‘एबीपी न्यूज’ कार्ड आणि चॅनेलच्या इंस्टाग्राम अकाऊंटवर पोस्ट केलेल्या खऱ्या न्यूज कार्डच्या फॉन्टमध्ये स्पष्ट फरक दिसून येतो. व्हायरल कार्डमध्ये फॉन्ट साधा आणि एकाच रंगात आहे, तर खऱ्या एबीपी न्यूज कार्डमध्ये बोल्ड फॉन्ट असून मजकुरात काळा आणि लाल रंगाचा वापर केलेला दिसतो.

याशिवाय, आमच्या तपासात हेही समोर आले की व्हायरल न्यूज कार्डमध्ये अमित शाह यांच्या फोटोखाली लिहिलेल्या कथित विधानाच्या वाक्याच्या सुरुवातीला आणि शेवटी इन्व्हर्टेड कॉमा (उद्धरण चिन्हे) नाहीत, जी साधारणपणे एखाद्याचे विधान उद्धृत करताना वापरली जातात. तर खऱ्या एबीपी न्यूज कार्डमध्ये अशी उद्धरण चिन्हे स्पष्टपणे दिसतात.

Conclusion

हे स्पष्ट आहे की व्हायरल होणारे ‘एबीपी न्यूज’ कार्ड खोटे आहे. हे कार्ड एबीपी न्यूजने तयार केलेले नाही आणि त्यांच्या कोणत्याही अधिकृत प्लॅटफॉर्मवरही ते प्रकाशित करण्यात आलेले नाही. या कार्डमध्ये जसा दावा करण्यात आला आहे, तसा कोणताही विधान गृहमंत्री अमित शाह यांनी केलेले नाही.

Sources
X post shared by ABP News, Oct 23, 2025
Instagram post shared by ABP News, Oct 23, 2025
Instagram posts shared by ABP News