Authors
Claim
छत्तीसगड चे मुख्यमंत्री भूपेश बघेल यांनी सोन्याच्या माळा घालून काँग्रेस नेत्यांचे स्वागत केले.
Fact
भूपेश बघेल यांनी काँग्रेस नेत्यांना घातलेला स्वागत हार सोन्याचा नसून छत्तीसगडच्या बस्तरच्या आदिवासी भागात असलेल्या कांकेर जिल्ह्यातील अबुझमद भागात बनवलेल्या बांबूचा हार आहे.
छत्तीसगडची राजधानी रायपूर येथे झालेल्या काँग्रेसच्या ८५व्या महाअधिवेशनातील मुख्यमंत्री भूपेश बघेल यांचा एक व्हिडिओ सोशल मीडियावर व्हायरल होत आहे. काँग्रेस नेत्यांचे मुख्यमंत्र्यांकडून सोनसाखळी घालून स्वागत करण्यात येत असल्याचा दावा केला जात आहे.
सुमारे १ मिनिट ३० सेकंदाच्या या व्हायरल व्हिडिओमध्ये भूपेश बघेल सोन्यासारखा दिसणारा हार घालून विविध काँग्रेस नेत्यांचे स्वागत करताना दिसत आहेत. या साखळीबाबत सोशल मीडियावर दावा केला जात आहे की, ही साखळी सोन्याची आहे, जी काँग्रेस नेत्यांनी घातली आहे.
ट्विटरवर व्हायरल व्हिडिओ पोस्ट करत @sutarupeshRK या युजरने लिहिले की, “छत्तीसगडमध्ये बटाट्यापेक्षा सोने जास्त झाले आहे असे दिसते, म्हणून मुख्यमंत्र्यांनी सोन्याची साखळी घालून सर्व पाहुण्यांचे स्वागत केले. पारंपारिकपणे, लोकांचे स्वागत हात जोडून, टिळा लावून आणि फुले देऊन केले जाते, परंतु येथे स्वागत सोन्याच्या साखळ्या घालून केले जाते. चरखा, सुताचा हार गायब!”
अशोक पांडे नावाच्या आणखी एका युजरने व्हिडिओ ट्विट करत दावा केला की, “गेल्या तीन वर्षांत ५१ हजार ३३५ कोटी कर्ज घेणाऱ्या सरकारच्या प्रमुखाने छत्तीसगडमध्ये येणाऱ्या पाहुण्यांचे ५०-५० ग्रॅम सोन्याची साखळी देऊन स्वागत केले! खूप छान काका, बघत राहा, “लोणी” लावायला काही कमी पडू देऊ नका.”
हा व्हायरल व्हिडिओ ट्विटर आणि फेसबुकवर जवळपास सारख्याच दाव्यांसह मोठ्या प्रमाणावर शेअर केला जात आहे.
व्हायरल पोस्टचे संग्रहण येथे आणि येथे पाहिले जाऊ शकते.
Fact Check
दाव्याची पडताळणी करण्यासाठी, आम्ही प्रथम व्हायरल व्हिडिओशी संबंधित कीवर्ड जसे की “भूपेश बघेल स्वागत काँग्रेस नेते,” “भूपेश बघेल सोन्याची चेन” साठी इंटरनेटवर शोधले. शोध घेतल्यावर, आम्हाला २४ फेब्रुवारी २०२३ रोजी काँग्रेस पक्षाच्या अधिकृत ट्विटर हँडलवर पोस्ट केलेला व्हिडिओ सापडला, जो व्हायरल व्हिडिओशी मिळता जुळता आहे.
व्हिडिओच्या कॅप्शनमध्ये माहिती देताना लिहिले आहे की, “८५व्या महापरिषदेला पोहोचल्यावर, छत्तीसगडचे मुख्यमंत्री श्री @bhupeshbaghel यांनी विविध पदाधिकाऱ्यांचे स्वागत केले.”
काँग्रेसच्या ८५ व्या महाअधिवेशनाबद्दल शोध घेत असताना नवभारत टाइम्समध्ये प्रकाशित झालेला एक लेख सापडला, ज्यामध्ये भूपेश बघेल यांनी काँग्रेस नेत्यांना अर्पण केलेल्या हाराची माहिती देण्यात आली आहे. बातमीनुसार, छत्तीसगडची राजधानी रायपूरमध्ये गेल्या शुक्रवारपासून काँग्रेसच्या महाअधिवेशनाला सुरुवात झाली, ज्यामध्ये मुख्यमंत्री बघेल यांनी विशेष हार घालून सहभागी होण्यासाठी आलेल्या काँग्रेस नेत्यांचे स्वागत केले.
भूपेश बघेल यांनी नेत्यांच्या गळ्यात घातलेला पुष्पहार बांबूच्या झाडाचा होता. हे परिधान करताना भूपेश बघेल सर्व नेत्यांना सांगत होते की, हा आमच्या आदिवासी प्रदेश बस्तरमधील कांकेर जिल्ह्यातील अबुझमद भागात बनवलेला बांबूचा हार आहे.
आमच्या तपासादरम्यान, आम्हाला २७ फेब्रुवारी रोजी मुख्यमंत्री भूपेश बघेल यांच्या अधिकृत ट्विटर हँडलवर केलेले ट्विट आढळले. भूपेश बघेल यांनी ट्विटद्वारे भाजपवर हारा बाबत खोट्या बातम्या पसरवल्याचा आरोप करणारा व्हिडिओ पोस्ट केला आहे. व्हिडीओमध्ये अधिवेशनात नेत्यांच्या स्वागतासाठी वापरण्यात येणाऱ्या हारांची माहिती देताना ‘हा हार गवत आणि बांबूपासून बनवण्यात आला आहे’, असे म्हटले आहे.
व्हायरल दाव्याची दखल घेत काँग्रेसचे ज्येष्ठ नेते पवन कुमार बन्सल यांनीही त्यांच्या अधिकृत फेसबुक पेजवर कार्यक्रमात वापरण्यात आलेल्या हारांची छायाचित्रे शेअर केली आहेत.
फोटो शेअर करताना पवन बन्सल लिहितात की, “कदाचित काही लोकांसाठी खोट्या प्रचाराला मर्यादा नसावी. छत्तीसगडच्या मुख्यमंत्र्यांनी गरीब आदिवासी महिलांच्या स्वयं-सहायता गटांनी बनवलेले हार घालून प्रतिनिधींचे स्वागत केले असून या हारांना सोन्याचे हार म्हटले जात आहे.”
Conclusion
भूपेश बघेल यांनी काँग्रेस नेत्यांना घातलेला स्वागत हार सोन्याचा नसून छत्तीसगढच्या बस्तर या आदिवासी भागात असलेल्या कांकेर जिल्ह्यातील अबुझमद भागात बनवलेल्या बांबूचा हार असल्याचे आमच्या तपासात स्पष्ट झाले आहे.
Result: False
Our Sources
News Report Published in NBT times
Tweet Posted by INC Congress
Tweet of Chattisgarh CM Bhupesh Baghel
Facebook post of congress leader Pawan Kumar Bansal
कोणत्याही संशयास्पद बातम्या तपासण्यासाठी, दुरुस्त्या किंवा इतर सूचनांसाठी आम्हाला व्हाट्सएप करा: 9999499044 किंवा ई-मेल करा: checkthis@newschecker.in
