राहुल गांधींच्या वोटर अधिकार यात्रेचा असे सांगत गजानन महाराज पालखी यात्रेचा व्हिडीओ होतोय शेयर

राहुल गांधींच्या वोटर अधिकार यात्रेचा बिहार येथील व्हिडीओ असे सांगत एक व्हिडीओ व्हायरल झाला आहे. मात्र आमच्या तपासात हा व्हिडीओ महाराष्ट्रातील गजानन महाराज पालखी यात्रेचा असल्याचे स्पष्ट झाले.

“बिहार, राहुल गांधी वोटर अधिकार यात्रा प्रचंड जनसमर्थन मिळत आहे” अशा कॅप्शनखाली हा व्हिडीओ शेयर केला जात आहे.

दाव्याचे संग्रहण येथे पाहता येईल.

Fact Check/Verification

‘व्होट चोरी’ विरोधात बिहारमधील लोकांची मोठ्या प्रमाणात रॅली म्हणून शेअर केल्या जाणाऱ्या व्हिडिओच्या न्यूजचेकरने रिव्हर्स इमेज सर्चद्वारे मुख्य फ्रेम्स शोधल्या असता, आम्हाला तो ‘दिव्य वऱ्हाड मराठी‘ नावाच्या यूट्यूब चॅनेलवर शॉर्ट्सच्या स्वरूपात आढळला, जो १ ऑगस्ट २०२५ रोजी अपलोड करण्यात आला होता. बिहारमधील ‘मतदार हक्क यात्रा’ १७ ऑगस्ट रोजी सासाराम येथून सुरू झाली हे लक्षात घेण्यासारखे आहे.

व्हिडिओच्या कॅप्शननुसार, खामगाव ते शेगाव पर्यंत गजानन महाराजांच्या भक्तांच्या गर्दीचे हे दृश्य आहे. खामगाव आणि शेगाव ही महाराष्ट्रातील बुलढाणा जिल्ह्यातील शहरे आहेत.

आम्हाला ‘साम टीव्ही‘ या मराठी वाहिनीच्या फेसबुक पेजवरही असाच एक व्हिडिओ सापडला, ज्यामध्ये व्हायरल व्हिडिओमध्ये दिसत असलेल्या दृश्यांप्रमाणेच दृश्ये दिसत आहेत. पोस्टमध्ये म्हटले आहे की, आषाढी वारीसाठी पंढरपूरला गेलेली संत गजानन महाराजांची पालखी १४०० किलोमीटर आणि ६४ दिवसांचा पायी प्रवास पूर्ण करून शेगावला पोहोचली.

आम्ही व्हायरल व्हिडीओ आणि साम टीव्हीच्या पोस्टमधील व्हिडिओच्या दृश्यांचे तुलनात्मक परीक्षण केले असता त्यात आम्हाला साम्य आढळले.

आषाढी एकादशीनिमित्त श्री विठ्ठलाच्या दर्शनासाठी पंढरपूरला गेलेल्या संत गजानन महाराजांच्या पालखीचा परतीचा प्रवास ३१ जुलै रोजी संपल्याचे वृत्त ‘दिव्य मराठी‘ने दिले आहे.

टाईम्स ऑफ इंडियाच्या वृत्तानुसार, संत गजानन महाराजांची ५६ वी वार्षिक पालखी यात्रा १ जून रोजी सकाळी पंढरपूरला रवाना झाली. या प्रवासात ७०० हून अधिक वारकरी (भक्त), भजन पथके आणि घोडे सहभागी होते.

गजानन महाराज संस्थानने आयोजित केलेली ही वार्षिक आध्यात्मिक यात्रा एक भक्तीमय पदयात्रा आहे, जी दोन महिन्यांत सुमारे १,२७५ किलोमीटर अंतर कापते. यात पंढरपूरला ७२५ किलोमीटर आणि शेगावला ५५० किलोमीटर परतीचा प्रवास समाविष्ट आहे. ही यात्रा १९६८ मध्ये सुरू झाली.

Conclusion

आमच्या तपासात हे स्पष्ट झाले की, महाराष्ट्रातील बुलढाणा येथील गजानन महाराज पालखी यात्रेचा व्हिडिओ बिहारच्या ‘मतदार हक्क यात्रेचा’ म्हणून खोट्या दाव्याने शेयर केला जात आहे.

Our Sources
YouTube video published by Divya Varhad Marathi on August 1, 2025
Facebook post by Saam TV News on July 31, 2025
Report published by Divya Marathi on July 31, 2025
Report published by Times of India on June 3, 2025