Fact Check: 2024 लोकसभा निवडणुक: भाजपचे उमेदवार 100 मतदारसंघात 1000 पेक्षा कमी मतांनी जिंकले? खोटा आहे हा दावा

2024 च्या लोकसभा निवडणुकीत भाजपने 30 जागांवर 500 पेक्षा कमी मतांच्या फरकाने आणि 100 मतदारसंघात 1000 पेक्षा कमी मतांनी विजय मिळवला.

अशा पोस्ट येथे आणि येथे पाहिल्या जाऊ शकतात.

भारतीय निवडणूक आयोगाच्या अधिकृत वेबसाइटवर उपलब्ध डेटाचे काळजीपूर्वक विश्लेषण केल्यावर, आम्हाला असे आढळून आले की लोकसभा निवडणुकीत सर्वात कमी फरकाने जिंकलेल्या भाजपच्या उमेदवाराने 1,587 मते अधिक घेतली आहेत. ओडिशाच्या जाजपूर मतदारसंघातून भाजपचे रवींद्र नारायण बेहरा यांनी 5,34,239 मते मिळवून बीजेडीच्या सर्मिष्ठा सेठी (5,32,652) यांचा 1,587 च्या फरकाने पराभव केला.

निवडणूक आयोगाच्या आकडेवारीनुसार नुकत्याच पार पडलेल्या सार्वत्रिक निवडणुकीत भाजपचा अन्य कोणताही उमेदवार 1,587 पेक्षा कमी फरकाने जिंकला नाही.

पक्षाचा दुसरा सर्वात कमी विजय जयपूरमध्ये झाला आहे, जिथे पक्षाचे नेते राव राजेंद्र सिंह यांनी काँग्रेसच्या अनिल चोप्रा यांच्याविरुद्ध 1,615 मतांनी विजय मिळवला. एकंदरीत, 2024 च्या लोकसभा निवडणुकीत फक्त 7 भाजप उमेदवारांनी 5,000 पेक्षा कमी मतांच्या फरकाने विजय मिळवला.

लोकसभा निवडणूक: सर्वात कमी फरकाने कोण जिंकले?

मुंबई उत्तर पश्चिम मतदारसंघातून शिवसेनेचे रवींद्र दत्ताराम वायकर अवघ्या 48 मतांनी विजयी झाले. वायकर यांना 4,52,644 मते मिळाली, तर शिवसेनेच्या UBT गटाचे उमेदवार अमोल गजानन कीर्तिकर यांना 4,52,596 मते मिळाली.

हे सुद्धा वाचा: Fact Check: आंध्रातील आंदोलकांनी NDA ला पाठींबा दिल्याबद्दल चंद्राबाबू नायडू यांचा फोटो जाळला? नाही, खोट्या दाव्यासह व्हिडिओ होतोय शेयर

त्यामुळे भाजपने 500 पेक्षा कमी मतांच्या फरकाने 30 जागा जिंकल्याचा आणि 1000 पेक्षा कमी मतांच्या फरकाने 100 जागा जिंकल्याचा व्हायरल दावा खोटा आहे.

Result: False

Sources
Official Website Of Election Commision Of India

कोणत्याही संशयास्पद बातम्यांवरील तपास, दुरुस्ती किंवा इतर सूचनांसाठी, आम्हाला व्हाट्सएप करा: 9999499044 किंवा ईमेल करा: checkthis@newschecker.in. फॅक्टचेक्स आणि ताज्या अपडेटसाठी आमच्या WhatsApp चॅनेलला फॉलो करा