ICC Women’s World Cup 2025: भारताच्या विजयानंतर मुंबईत झालेल्या जल्लोषाचा व्हिडिओ म्हणून जुना व्हिडिओ शेअर

हर्मनप्रीत कौर यांच्या नेतृत्वाखालील भारतीय महिला क्रिकेट संघाने रविवारी (2 नोव्हेंबर 2025) दक्षिण आफ्रिकेला पराभूत करून पहिल्यांदाच ICC Women’s Cricket World Cup जिंकला. या भारताच्या ऐतिहासिक विजयानंतर देशभरात उत्साहाचा माहोल होता. याचदरम्यान, सोशल मीडियावर एक व्हिडिओ भारताच्या विजयानंतर मुंबईत झालेल्या जल्लोषाचा असे सांगत मोठ्या प्रमाणात शेअर करण्यात आला, ज्यात मुंबईत प्रचंड जल्लोष होत असल्याचा दावा केला गेला.

Evidence

मुंबईत झालेल्या जल्लोषाचा नाही

जून 2024 मधील अनेक सोशल मीडिया पोस्ट्समध्ये याच व्हिडिओचा वापर झाला होता आणि हे दृश्य कोल्हापूर, महाराष्ट्रातील असल्याचे स्पष्ट होते. हा जल्लोष भारताने 2024 चा T20 वर्ल्ड कप जिंकल्यानंतरचा आहे.

Google Maps वर तुलना केली असता व्हिडिओमधील लोकेशन कोल्हापूरमधीलच असल्याचे सिद्ध झाले.

लक्षात घेण्यासारखे म्हणजे, हा व्हिडिओ यापूर्वीही RCB च्या पहिल्या IPL विजयाचा म्हणून चुकीच्या दाव्यांसह शेअर झाला होता आणि Newschecker ने 5 जून 2025 रोजी तो फेक असल्याचे दर्शवले होते.