Fact Check: सरन्यायाधीश चंद्रचूड यांनी जनतेला सरकारविरोधात आंदोलन करण्याचे आवाहन केले नाही, बनावट पोस्ट झाली व्हायरल

भारताचे सरन्यायाधीश डी वाय चंद्रचूड यांचा एक फोटो सोशल मीडियावर शेअर केला जात आहे. दावा आहे कि, त्यांनी जनतेला सरकारच्या विरोधात आंदोलन करण्याचे आवाहन केले आहे.

भारताचे सरन्यायाधीश डी वाय चंद्रचूड यांच्या नावाने शेअर करण्यात आलेल्या या दाव्याचा तपास इंग्रजी भाषेत न्यूजचेकरने केला आहे. आमच्या तपासणीनुसार, 14 ऑगस्ट 2023 रोजी सर्वोच्च न्यायालयाने हा दावा खोटा ठरवत एक प्रेस रिलीज जारी केले. त्यानुसार पुढील स्पष्टीकरण देण्यात आले आहे, “It has come to the notice of the Supreme Court of India that a social media post (invoking the public to protest against authorities) using a file photograph and falsely quoting the Chief Justice India is being circulated. The post is fake, ill-intended and mischievous. No such post has been issued by the Chief Justice of India nor has he authorised any such post. Appropriate action is being taken in this regard with the law enforcement authorities.” (मराठी अनुवाद: “सर्वोच्च न्यायालयाच्या निदर्शनास आले आहे की एक सोशल मीडिया पोस्ट शेअर केली जात आहे ज्यात लोकांना अधिकाऱ्यांच्या विरोधात आंदोलन करण्यास प्रवृत्त केले जात आहे, मुख्य न्यायाधीशांच्या छायाचित्राचा वापर करून त्यांच्या नावाने खोटे विधान केले आहे, ही पोस्ट बनावट आहे, दुर्भावनापूर्ण आणि खोडसाळपणाने भरलेली आहे. सरन्यायाधीशांनी असे कोणतेही पोस्ट जारी केलेले नाही किंवा त्यांनी इतर कोणालाही ते वापरण्याचा अधिकार दिलेला नाही. या संदर्भात योग्य ती कायदेशीर कारवाई केली जात आहे.”)

याव्यतिरिक्त, 14 ऑगस्ट 2023 रोजी इंडिया टुडेने प्रकाशित केलेल्या लेखानुसार, सर्वोच्च न्यायालयाचे महासचिव अतुल कुर्‍हेकर आणि सॉलिसिटर जनरल तुषार मेहता यांनीही हा दावा नाकारला आहे.

अशा प्रकारे, आमच्या तपासात हे स्पष्ट झाले आहे की भारताचे सरन्यायाधीश डी वाय चंद्रचूड यांनी जनतेला सरकारच्या विरोधात आंदोलन करण्याचे आवाहन करण्याच्या नावाखाली केलेला दावा खोटा आहे.

Result: False

Our Sources
Supreme Court of India press release, August 14, 2023
India Today report, August 14, 2023

(हे यापूर्वी आर्टिकल न्यूजचेकर इंग्रजी आणि हिंदीसाठीही करण्यात आले आहे.)

कोणत्याही संशयास्पद बातम्या तपासण्यासाठी, दुरुस्त्या किंवा इतर सूचनांसाठी आम्हाला व्हाट्सएप करा: 9999499044 किंवा ई-मेल करा: checkthis@newschecker.in