गुजरातचे मंत्री राघवजी पटेल यांचा फोटो मोरबी पुलाचा ठेकेदार म्हणून होत आहे व्हायरल

(हे आर्टिकल सर्वप्रथम न्यूजचेकर हिंदी साठी शुभम सिंग यांनी केले आहे.)

गुजरातमधील मोरबी येथे झालेल्या पूल दुर्घटनेनंतर पंतप्रधान मोदींसोबत उभ्या असलेल्या एका व्यक्तीचा फोटो सोशल मीडियावर व्हायरल झाला आहे.मोरबी पूल बांधण्याचे कंत्राट याच व्यक्तीला देण्यात आल्याचा दावा केला जात आहे.या दाव्याने हे छायाचित्र ट्विटर आणि फेसबुकवर प्रचंड व्हायरल होत आहे.

प्रत्यक्षात मागील रविवारी गुजरातमधील मोरबी येथील मच्छू नदीवर बांधलेला केबल पूल अपघाताचा शिकार ठरला.बीबीसीच्या रिपोर्टनुसार,या अपघातात आतापर्यंत 141 जणांचा मृत्यू झाला आहे.शतकानुशतके जुना पूल दुरुस्तीनंतर नुकताच गुजराती नववर्षानिमित्त पुन्हा लोकांसाठी खुला करण्यात आला होता.अपघाताचे कारण शोधले जात आहे.या प्रकरणी आतापर्यंत नऊ जणांना अटक करण्यात आली असून त्यात मोरबी पूल बनवणाऱ्या ओरेवा ग्रुपच्या दोन व्यवस्थापकांचा समावेश आहे.

Fact Check/Verification

दाव्याची सत्यता जाणून घेण्यासाठी,आम्ही व्हायरल प्रतिमेचा Yandex रिव्हर्स शोध केला.आम्हाला 14 ऑक्टोबर 2021 रोजी VTV गुजराती वेबसाइटवर प्रकाशित झालेला रिपोर्ट सापडला.रिपोर्टनुसार,गुजरातचे कृषी मंत्री राघवजी पटेल यांनी पंतप्रधान नरेंद्र मोदींची विशेष भेट घेतली होती.या रिपोर्ट मध्ये व्हायरल चित्र आहे.

मिळालेल्या रिपोर्टच्या मदतीने आम्ही गुजरातचे कृषी मंत्री राघवजी पटेल यांचे अधिकृत फेसबुक खाते शोधण्यास सुरुवात केली.आम्हाला त्यांच्या प्रोफाइलवर 14 ऑक्टोबर 2021 रोजी पीएम मोदींच्या भेटीशी संबंधित एक पोस्ट सापडली,ज्यामध्ये अनेक चित्रे आहेत.त्यामध्ये व्हायरल झालेला फोटोही आहे.

यानंतर आम्ही ओधवजी राघवजी पटेल यांच्याबद्दल गुगलवर सर्च केले.आम्हाला 19 ऑक्टोबर 2012 रोजी लाइव्ह मिंटने प्रकाशित केलेला रिपोर्ट सापडला.त्यानुसार,ओधवजी पटेल यांचे 2012 मध्ये वयाच्या 87 व्या वर्षी निधन झाले.’फादर ऑफ वॉल क्लॉक’ म्हणून ओळखले जाणारे ओधवजी हे अजिंठा,ओरपॅट आणि ओरेवा ग्रुपचे मालक होते.भिंतीवरील घड्याळाशिवाय त्यांच्या कंपनीने इलेक्ट्रिक बाइक, ट्यूबलाइट, घड्याळे अशा अनेक वस्तू बनवल्या.याशिवाय शुगरमिंटच्या रिपोर्टने ओधवजी पटेल यांच्या जीवनाचा परिचय करून दिला आहे.पीएम मोदींसोबत त्यांचाही फोटो आहे.आम्ही ओधवजी पटेल आणि राघवजी पटेल यांच्या छायाचित्रांचे तुलनात्मक विश्लेषण केले.

आमच्या तपासादरम्यान,आम्हाला 1 नोव्हेंबर 2022 रोजी इंडियन एक्सप्रेसने प्रकाशित केलेला रिपोर्ट आढळला.अहवालानुसार,ओधव जी राव जी पटेल यांची तीन मुले प्रवीण,अशोक आणि जयकुश यांनी सुरुवातीला कंपनीच्या वाढीसाठी मदत केली.यानंतर या तिन्ही भावांमध्ये वाद झाला.प्रवीणने ओरपॅट ग्रुप तयार केला,अशोकने अजिंठा ब्रँडची सुरुवात केली.त्याचवेळी तिसरे पुत्र जयकुश भाई यांनी ओरेवा ग्रुप या नावाने कंपनीची स्थापना केली.इंडिया टुडेच्या वृत्तानुसार,ओरेवा ग्रुपला मोरबी पुलाच्या बांधकामाची जबाबदारी सोपवण्यात आली होती.कंपनीच्या वेबसाइटवर दिलेल्या माहितीनुसार,ओरेवा ग्रुपचे व्यवस्थापकीय संचालक जयकुश भाई पटेल आहेत,तर चिंतन पटेल हे संचालक आहेत.

याशिवाय ओरेवा ग्रुप आणि गुजरातचे मंत्री राघवजी पटेल यांच्याशीही बोलण्याचा प्रयत्न आम्ही केला आहे.प्रतिसाद मिळाल्यावर लेख अपडेट केला जाईल.

Conclusion

एकंदरीत,मोरबी पूल दुर्घटनेशी गुजरातचे कृषिमंत्री राघवजी पटेल यांचा फोटो जोडून खोटा दावा केला जात असल्याचा निष्कर्ष काढता येतो.

Result:False

कोणत्याही संशयास्पद बातम्या तपासण्यासाठी,दुरुस्तीसाठी किंवा इतर सूचनांसाठी,आम्हाला व्हाट्सएप करा:9999499044 किंवा ई-मेल करा: checkthis@newschecker.in