Fact Check

Fact Check: काँग्रेस सर्व भारतीय युजर्सना मोफत रिचार्ज देत आहे का? सत्य जाणून घ्या

Written By Komal Singh, Translated By Prasad S Prabhu, Edited By JP Tripathi

Fact Check Politics Viral

Apr 26, 2024

Claim

काँग्रेस सर्व भारतीय युजर्सना 84 दिवसांसाठी ₹719 चे मोफत रिचार्ज देत आहे. पोस्टचे संग्रहण येथे पहा.

Fact Check: काँग्रेस सर्व भारतीय युजर्सना मोफत रिचार्ज देत आहे का? सत्य जाणून घ्या — **Courtesy: X/@NilutpalBordol9**

आम्हाला हा दावा व्हाट्सअप टिप लाइन (9999499044) वर देखील प्राप्त झाला आहे.

Fact

लोकसभा निवडणुकीदरम्यान, सर्व भारतीय युजर्सना मोफत रिचार्ज देण्याच्या नावाखाली काँग्रेसने शेअर केलेल्या दाव्याची चौकशी करण्यासाठी आम्ही काही कीवर्ड Google वर शोधले. आम्हाला दाव्याची पुष्टी करणारे कोणतेही विश्वसनीय रिपोर्ट सापडले नाहीत.

पुढे तपासात आम्ही काँग्रेस, मल्लिकार्जुन खरगे आणि राहुल गांधी यांची अधिकृत सोशल मीडिया खाती आणि काँग्रेसची अधिकृत वेबसाइट शोधली. परंतु या दाव्याला पुष्टी देणारी कोणतीही माहिती आढळली नाही.

आता आम्ही शेअर केलेल्या लिंकवर क्लिक केले. ही लिंक ‘ऑफर राज’ नावाच्या वेबसाइटवर उघडते. ही वेबसाइट आम्हाला संशयास्पद वाटली, म्हणून आम्ही ती स्कॅम डिटेक्टरवर तपासली. स्कॅम डिटेक्टरवर या वेबसाइटचे वर्णन असुरक्षित आणि धोकादायक आहे.

पुढील तपासात, जेव्हा आम्ही या वेबसाइटवर रिचार्जचा लाभ मिळवण्यासाठी दिलेल्या बटणावर क्लिक करतो तेव्हा आम्हाला आढळले की ही एक फिशिंग लिंक आहे, जी आम्हाला ब्लॉग स्पॉटच्या वेबसाइटवर घेऊन जाते. ब्लॉग स्पॉटच्या मदतीने तयार केलेल्या या पृष्ठावर, युजर्सना त्यांचा मोबाइल नंबर विचारला जातो.

तपासात पुढे, आम्ही ‘who is’ वर या वेबसाइटशी संबंधित इतर माहितीची देखील तपासणी केली. हे डोमेन 28 मार्च 2023 रोजी राजस्थानमध्ये ‘HIOX SOFTWARES PRIVATE LIMITED’ या नावाने नोंदणीकृत झाल्याचे येथे नमूद केले आहे.

आमच्या तपासणीतून आम्ही या निष्कर्षावर पोहोचलो आहोत की काँग्रेस तर्फे सर्व भारतीय युजर्सना मोफत रिचार्ज देण्याच्या नावाखाली केलेला दावा खोटा आहे. आम्ही आमच्या वाचकांना आवाहन करतो की कृपया कोणत्याही अज्ञात लिंकवर क्लिक करण्यापूर्वी त्याची सत्यता तपासा. अशा लिंक्स धोकादायक असू शकतात.

Result: False

Sources
Official website of Congress
Official X handles of Congress, Rahul Gandhi and Mallikarjun Kharge
Scam Detector
Whois.com

(हे आर्टिकल न्यूजचेकर हिंदीसाठी सर्वप्रथम कोमल सिंग यांनी केले असून ते इथे वाचता येईल.)

कोणत्याही संशयास्पद बातम्यांवरील तपास, दुरुस्ती किंवा इतर सूचनांसाठी, आम्हाला व्हाट्सएप करा: 9999499044 किंवा ईमेल करा: checkthis@newschecker.in. फॅक्टचेक्स आणि ताज्या अपडेटसाठी आमच्या WhatsApp चॅनेलला फॉलो करा

congress free recharge Loksabha Election Mallikarjun Kharge Mobile Recharge Priyanka Gandhi Rahul Gandhi काँग्रेस प्रियांका गांधी फ्री रिचार्ज मल्लिकार्जुन खर्गे मोबाईल रिचार्ज राहुल गांधी लोकसभा निवडणूक

जर तुम्हाला एखाद्या दाव्याची सत्यता तपासायची असेल, अभिप्राय द्यायचा असेल किंवा तक्रार नोंदवायची असेल, तर आम्हाला व्हॉट्सअॅप करा +91-9999499044 किंवा आम्हाला ईमेल करा checkthis@newschecker.in. आपण आमच्याशी संपर्क साधू शकता आणि फॉर्म भरू शकता.