Fact Check: जखमी महिलेचा स्तनपान करवतानाचा हा फोटो मणिपूर हिंसाचारातील नाही

Claim
मुलाला स्तनपान करवतानाचा जखमी महिलेचा हा फोटो मणिपूर हिंसाचारातील आहे.
Fact
हा फोटो सप्टेंबर २०२१ पासून इंटरनेटवर उपलब्ध आहे. त्याचा मणिपूर हिंसाचाराशी काहीही संबंध नाही.

मणिपूरमध्ये सुरू असलेल्या हिंसाचाराला एक महिन्याहून अधिक काळ लोटला आहे. राज्यातील मैतई आणि कुकी समुदायांमधील हिंसाचारात सुमारे १०० लोक मारले गेले आहेत. दरम्यान, सोशल मीडियावर एक भावनिक फोटो व्हायरल झाला आहे, ज्यामध्ये रक्ताने माखलेली महिला एका मुलाला दूध पाजताना दिसत आहे.

हा फोटो मणिपूरचा असल्याचा दावा केला जात आहे. मणिपूर हिंसाचारात महिलेची अशी अवस्था झाल्याचे बोलले जात आहे. हा दावा असलेला हा फोटो फेसबुक आणि ट्विटरवर मोठ्या प्रमाणात शेअर केला जात आहे.

Fact Check/ Verification

व्हायरल फोटोचा रिव्हर्स इमेज शोध केल्यावर, आम्हाला एक फेसबुक पोस्ट सापडली ज्यामध्ये हे चित्र आहे. हे लक्षात घेण्यासारखे आहे की ही पोस्ट १७ ऑक्टोबर २०२१ रोजी शेअर केली गेली होती. म्हणजे हा फोटो सध्याचा नसून जुना आहे.

याशिवाय, रिव्हर्स सर्च करताना, आम्हाला बर्मी भाषेत लिहिलेल्या इतर अनेक सोशल मीडिया पोस्टमध्ये हा फोटो सापडला. बहुतेक पोस्ट २८ सप्टेंबर २०२१ च्या आसपास शेअर केल्या गेल्या. लोकांनी पोस्टमध्ये लिहिले होते की ही महिला म्यानमार आर्मीच्या लढाईत जखमी झाली आहे.

मात्र, याबाबत आम्हाला कोणतीही बातमी मिळालेली नाही. फोटो कधी आणि कुठे काढला याची माहिती आम्ही खात्रीने देऊ शकत नाही. मात्र हा फोटो जवळपास दोन वर्षे जुना असल्याचे स्पष्ट झाले आहे.

Conclusion

आमच्या तपासात हे सिद्ध झाले आहे की फोटोसह दिशाभूल करणारा दावा केला जात आहे. या फोटोचा मणिपूर हिंसाचाराशी काहीही संबंध नाही.

Result: False

Our Sources
Facebook posts of September-October 2021
Twitter post of October 1, 2021

कोणत्याही संशयास्पद बातम्या तपासण्यासाठी, दुरुस्त्या किंवा इतर सूचनांसाठी आम्हाला व्हाट्सएप करा: 9999499044 किंवा ई-मेल करा: checkthis@newschecker.in