मुकेश अंबानींनी राम मंदिर निर्मितीसाठी यूपीच्या मुख्यमंत्र्यांना दिले नाहीत 500 कोटी, जुनाच फोटो झाला व्हायरल

व्हायरल टविटची पडताळणी करत असताना आम्हाला हाच दावा करणारे आणखी एक टविट आढळून आले.

इसे कहते हैं श्रद्धा.. अंबानी परिवार ने दिया
राम मंदिर निर्माण हेतु 500 करोड़ रुपए !!

जय श्री राम #RT करके सहमती दर्ज कराये अम्बानी जी भी ये ट्वीट पढ़ कर ख़ुश हो
अम्बानी जी के अच्छे कार्यो पर हमें बढ़ावा देना चाहिए दिल खोल कर #RT करो भाईयों pic.twitter.com/5F0WOtN00U

— Yati Sharma (22K) (@yatisharma111) November 19, 2019

याशिवाय फेसबुक वर देखील असाच दावा करणा-या अनेक पोस्ट आढळून आल्या.

आम्ही या पोस्ट्समधून शेअर करण्यात आलेला अंबानी आणि योगी आदित्याथ यांचा फोटो गूगल रिव्हर्स इमेजच्या मदतीने शोधला असता या फोटोचे सत्य समोर आले. हा फोटो दोन वर्षापूर्वींचा आहे. योगी आणि अंबानींची त्यावेळी मुंबईत भेट झाली होती. दोघांमध्ये यूपीत गुंतवणुकीबद्दल चर्चा झाली होती याची बातमी दैनिक जागरण सह इतर माध्यमांतही प्रसिद्ध झाली होती.

मुख्यमंत्री योगी आदित्यनाथ यांनीही त्यावेळी या भेटी संदर्भात ट्विट केले होते.

आज मुम्बई में आयोजित रोड शो के दौरान रिलायंस इंडस्ट्रीज के चेयरमैन श्री मुकेश अम्बानी जी ने भेंट की। #UPInvestorsSummit2018 pic.twitter.com/n0Es3ZicLU

— Yogi Adityanath (@myogiadityanath) December 22, 2017

यावरुन हे स्पष्ट झाले की हा फोटो अयोध्या निकलानंतरचा नाही तर दोन वर्षापूर्वीचा आहे. आम्ही काही किवर्ड्सच्या आधारे याविषयीची काही माहिती मिळतेय का यासाठी गूगलमध्ये शोध घेतला असता मनी भास्कर या वेबसाइटवर राम मंदिर निर्मितीसंबंधीची बातमी आढळून आली. या बातमीनुसार राम मंदिर निर्मितीसाठी 100 कोटी रुपये खर्च येणार असल्याचे म्हटले आहे. पण या बातमीत कुठेही अंबानी मदत केल्याचा किंवा करणार असल्याचा उल्लेख नाही.

यातून हेच स्पष्ट होते की राम मंदिर निर्मितीसाठी मुकेश अंबानींनी निधी दिला नाही किंवा तशी कोणतीही घोषणा केलेली नाही. सोशल मिडियात राम मंदिर निर्मिती संदर्भात असेच अनेक भ्रामक दावे व्हायरल होत आहेत.

• Twitter Advanced Search
• Facebook Search
• Google Keyword Search

(कोणत्याही संशयास्पद बातमीच्या पडताळणीसाठी, सुधारणा किंवा अन्य सुचनांसाठी आम्हाला ईमेल करा checkthis@newschecker.in)