जामिया मिलिया विद्यापीठात पोलिसांसोबत नव्हते गुंड, सोशल मीडियात व्हायरल झाला भ्रामक दावा

Calim–

जामिया यूनिवर्सिटीच्या विद्यार्थ्यांवर हल्ला करणारे दिल्ली पोलिसमच नव्हते तर भाजपाचे पाळलेले गुंडही होते जे आता उघडे होत आहेत…

Verification–

दिल्लीच्या जामिया मिलिया संस्थानात सीएएस विरोधात विद्यार्थ्यानी सुरु केलेल्या आंदोलनादरम्यान दिल्ली पोलिसांनी केलेल्या कारवाईवर अनेक प्रश्न उपस्थित केले गेले. आंदोलनादरम्यान जीन्स आणि हेल्मेट घातलेल्या पोलिस शिपायाचा फोटो शेअर करुन काही लोकांनी दिल्ली पोलिसांना हा व्यक्ती नेमका कोण आहे हा प्रश्न देखील विचारला तर काही लोकांनी भाजपाचे पाळलेले गुंड देखील पोलिसांसोबत विद्यार्थ्यांना मारहाण करत होते असा आरोप केला.

सोशल मीडियात हा फोटो अनेक प्रसिद्ध लोकांनी शेअर केला. हा फोटो प्रचंड प्रमाणात व्हायरल होत असल्याने आम्ही या फोटोची पडताळणी करण्यास सुरवात केली. यावेळी आम्हाला फेसबुक वर हा फोटो वायरल होत असल्याचे दिसून आले.

तसेच राष्ट्रवादीचे नेते डाॅ. जितेंद्र आव्हाड यांनी देखील हा फोटो ट्विटर वर शेअर केला आहे

Look at this photo and u will come to know who r behind the violence #BlackDay #StudentsProtest pic.twitter.com/rh5zqhXKZ1

— Dr.Jitendra Awhad (@Awhadspeaks) December 16, 2019

दिल्ली पोलिसांचे असे वागणे यावेळी अस प्रासंगिक वाटले त्यामुळे आम्ही या फोटोची सत्यता तपासणी करण्याचे ठरवले. आम्ही पहिल्यांदा फेसबुक वर भरत शर्मा नावाच्या युवकाचे अकाउंट शोधले. असता आम्हाला ते फोटो सहित मिळाले.

पण आम्हाला त्याच्या या अकाउंटमध्ये तो आरएसएस किवां एबीव्हीपीशी संबंधित असल्याची कोणतीही माहिती मिळाली नाही. तसेच बारकाईने पाहिल्यास फेसबुकवरील व्यक्ती आणि व्हायरल फोटोतील व्यक्तीत कोणतेही साधर्म्य आढळत नाही, याबाबत दक्षिण पूर्व दिल्लीचे पोलीस उपायुक्त चिन्मय बिस्वाल यांनी समाजमाध्यमातील भरत शर्मा या प्रोफाईलचा या कॉन्स्टेबलशी कोणताही संबंध नसल्याचे ट्विट करुन सांगितले.

A #FALSE PROPAGANDA:
There is no connection between alleged profile of a person in pic below and the plainclothes constable of #SouthEastDistrict deployed on duty in law & order bandobast in available anti-riot gear. @DelhiPolice @CPDelhi #SayNoToRumours #viralvideo @ANI pic.twitter.com/MPYWG0sVt2

— DCP South East Delhi (@DCPSEastDelhi) December 17, 2019

त्यांनी केलेला पूर्ण खुलासा देखील तुम्ही पाहू शकता.

Agar paani ko petrol bataya ja sakta hai to mujhe ashcharya nahi hai ki hamare ek officer ko RSS ka bataya ja raha hai. @DCPSEastDelhi on rumours around #JamiaProtests pic.twitter.com/8mjSI7BE3w

— Hemani Bhandari (@HemaniBhandari) December 17, 2019

याबाबत एएनआय ने देखील बातमी दिली होती

याशिवाय ज्याला एबीव्हीपी किंवा भाजपाचा पाळलेला गुंड असे समजले जात होते त्या अरविंद कुमार नावाच्या पोलिस कर्मचा-याने देखील खुलासा केला होता. त्याने सांगितले की त्या घटनेच्या वेळी मी साध्या वेशात होतो. मला माझ्याबद्दल समाजमाध्यमात चुकीची माहिती पसरत असल्याचे आज सकाळी समजले. मी सुर्या हॉटेलजवळ थांबलेलो असताना काही जणांनी माझे छायाचित्र घेतले होते.

यावरुन हेच स्पष्ट होते की जामिया मिलियातील आंदोलनकर्त्या विद्यार्थ्यांवर साध्या वेशात लाठीमार करणारी व्यक्ती ही भाजपाचा गुंड किंवा एबीव्हीपी कायकर्ता नव्हे तर दिल्ली पोलिस दलातील कर्मचारी अरविंद कुमार आहे. सोशल मिडियात चुकीच्या माहितीनिशी हा फोटो व्हायरल होत आहे.

Tools Used

Google Search
Facebook Search
Twitter Advanced Search

Result- False

(कोणत्याही संशयास्पद बातमीच्या पडताळणीसाठी, सुधारणा किंवा अन्य सुचनांसाठी आम्हाला ईमेल करा checkthis@newschecker.in)

About Us

जामिया मिलिया विद्यापीठात पोलिसांसोबत नव्हते गुंड, सोशल मीडियात व्हायरल झाला भ्रामक दावा