ABVP ने NRC, CAB आणि CAA विरोधात आंदोलन केले नाही. माॅर्फ फोटो झाला व्हायरल

Verification–

सोशल मीडियात सध्या अखिल भारतीय विद्यार्थी परिषदेच्या आंदोलनाचा एक फोटो व्हायरल होत आहे. या फोटोसंबंधी दावा करण्यात येत आहे की आसाममध्ये अखिल भारतीय विद्यार्थी परिषदेचे सदस्य NRC, CAB आणि CAA चा विरोध करत आहेत. देश बदलतोय 2020. या फोटोमध्ये एबीव्हीपीचे बोर्ड हातात घेऊन उभे असलेले तरुण आणि तरुणींनी एक बॅनर हातात घेतला असून त्यावर इंग्रजीत आम्हाला एनआरसी सीएबी सीएए नको, मोदी परत जा असा मजकूर लिहिण्यात आला आहे. या मजकूराखाली पिवळ्या अक्षरांत एबीव्हीपी आसाम असे लिहिले आहे.

आम्ही या संदर्भात काही माहिती मिळते आहे का हे तपासून पाहिले असता आम्हाला हाच दावा असणारे काही ट्विटस आढळून आले.

ABVP members in Assam protesting against NRC, CAB and CAA. The nation is changing. 2020. #getwellsoonSudhir pic.twitter.com/nLxZIdfL5t

— Hum dekhenge (@hum_dekh) January 1, 2020

ABVP members in Assam protesting against NRC, CAB and CAA. The nation is changing. 2020. @khanumarfa @vinodkapri @VinodDua7 @abhisar_sharma @narendramodi @AmitShah @kunalkamra88 @RahulGandhi @priyankagandhi @yadavakhilesh @yadavtejashwi @sambitswaraj @asadowaisi @BBCHindi @ANI pic.twitter.com/9GtWJFjbM5

— FęKû Ťhë Gřêâť (Ĺïë Ľãmå) (@ZZzziiiiaaaaa) January 1, 2020

ABVP members in Assam protesting against NRC, CAB and CAA. The nation is changing. 2020. #CAA_NRC pic.twitter.com/KBliCSKcQO

— Shahnawaz Ansari (@Shahnawaz_22215) January 1, 2020

या व्हायरल फोटोबद्दल काही माहिती मिळतेय का हे पाहण्यासाठी आम्ही गूगल रिव्हर्स इमेजचा शोध घेतला असता आम्हाला DNAया इंग्रजी वेबसाईटवर वरील बातमीत फोटो आढळून आला मात्र ही बातमी एनआरसी सीएए समर्थनाची होती. शिवाय फोटोवर देखील समर्थनच लिहिले होते.यात कुठेही विरोध केल्याचे दिसत नाही. बातमीत दिलेल्या माहितीनुसार अहमदाबादमध्ये 18 डिसेंबर 2019 रोजी एबीव्हीपीचे कार्यकर्त्यांनी नव्या नागरिकत्व कायद्याच्या समर्थनार्थ भव्य मोर्चात घेतला.

Deccanherald या वेबसाईटवर मात्र हा फोटो जवाहरलाल नेहरू युनिव्हर्सिटीमधील असल्याचे म्हटले आहे.

यावरुन हेच स्पष्ट होते की अखिल भारतीय विद्यार्थी परिषदेच्या एनआरसी समर्थनार्थ केलेल्या आंदोलनाचा फोटो एडिट करुन सोशल मीडियात भ्रामक दाव्याने व्हायरल करण्यात आला आहे.

Twitter Advanced Search

Google Search