ਕੀ ਪੰਜਾਬ ਵਿੱਚ ਹੜ੍ਹ ਦੌਰਾਨ ਮਿੱਟੀ ਵਿੱਚ ਅਮਰੀਕੀ ਡਾਲਰ ਮਿਲੇ?

ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਨੂੰ ਸ਼ੇਅਰ ਕਰ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਪੰਜਾਬ ਵਿੱਚ ਹੜ੍ਹ ਦੌਰਾਨ ਮਿੱਟੀ ਵਿੱਚ ਦੱਬੇ ਹੋਏ ਅਮਰੀਕੀ ਡਾਲਰ ਮਿਲੇ।

ਪੰਜਾਬ ਵਿੱਚ ਤਕਰੀਬਨ ਦੋ ਹਫਤੇ ਤੋਂ ਹੜ੍ਹਾਂ ਨੇ ਤਬਾਹੀ ਮਚਾਈ ਹੋਈ ਹੈ। ਪੰਜਾਬ ਦੇ ਜ਼ਿਆਦਾਤਰ ਜ਼ਿਲ੍ਹਿਆਂ ਦੇ ਤਕਰੀਬਨ 1200 ਤੋਂ ਵੱਧ ਪਿੰਡ ਹੜ੍ਹਾਂ ਦੀ ਮਾਰ ਹੇਠ ਆ ਚੁੱਕੇ ਹਨ। ਹੜ੍ਹ ਦੇ ਕਰਕੇ ਹੁਣ ਤਕ 38 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।

ਸੋਸ਼ਲ ਮੀਡਿਆ ਤੇ ਵਾਇਰਲ ਹੋ ਰਹੀ ਵੀਡੀਓ 16 ਸੈਕਿੰਡ ਦੀ ਹੈ ਜਿਸ ਵਿੱਚ ਇੱਕ ਵਿਅਕਤੀ ਜ਼ਮੀਨ ਤੋਂ ਗਲੇ ਹੋਏ ਅਮਰੀਕੀ ਡਾਲਰ ਦੇ ਨੋਟਾਂ ਨੂੰ ਚੁੱਕ ਰਿਹਾ ਹੈ। ਵੀਡੀਓ ਵਿੱਚ ਮੌਜੂਦ ਆਡੀਉ ‘ਚ ਇਸਨੂੰ ਪੰਜਾਬ ਦਾ ਦੱਸਿਆ ਜਾ ਰਿਹਾ ਹੈ।

ਵੀਡੀਓ ਨੂੰ ਇਸ ਦਾਅਵੇ ਕੈਪਸ਼ਨ ਦੇ ਨਾਲ ਐਕਸ ‘ਤੇ ਵੀ ਸ਼ੇਅਰ ਕੀਤਾ ਗਿਆ ਹੈ, ਜਿਸ ਵਿੱਚ ਲਿਖਿਆ ਹੈ, “ਪੰਜਾਬ ਵਿੱਚ ਇੱਕ ਪਰਿਵਾਰ ਨੇ ਆਪਣੀ ਜ਼ਿਮਨੀ ਵਿੱਚ ਅਮਰੀਕੀ ਡਾਲਰ ਗੱਡ ਰੱਖੇ ਸਨ, ਜੋ ਹੁਣ ਹੜ੍ਹ ਤੋਂ ਬਾਅਦ ਪੂਰੀ ਤਰ੍ਹਾਂ ਨਾਲ ਬਰਬਾਦ ਹੋ ਗਏ। ਇੰਨੇ ਡਾਲਰ ਕਿਥੋਂ ਅਤੇ ਕਿਵੇਂ ਆਏ ਹੋਣਗੇ?”

Fact Check/Verification

ਪੰਜਾਬ ਵਿੱਚ ਹੜ੍ਹਾਂ ਦੌਰਾਨ ਮਿੱਟੀ ਵਿੱਚ ਦੱਬੇ ਅਮਰੀਕੀ ਡਾਲਰ ਲੱਭਣ ਦੇ ਦਾਅਵੇ ਨਾਲ ਵਾਇਰਲ ਹੋ ਰਹੇ ਵੀਡੀਓ ਦੀ ਜਾਂਚ ਕਰਦੇ ਹੋਏ ਅਸੀਂ ਮੁੱਖ ਫਰੇਮਾਂ ਨੂੰ ਰਿਵਰਸ ਇਮੇਜ ਸਰਚ ਕੀਤਾ। ਇਸ ਦੌਰਾਨ ਸਾਨੂੰ 30 ਜੁਲਾਈ, 2025 ਨੂੰ ਇੱਕ TikTok ਅਕਾਊਂਟ ਦੁਆਰਾ ਅਪਲੋਡ ਕੀਤੇ ਗਏ ਇਸ ਵੀਡੀਓ ਦਾ ਇੱਕ ਲੰਬਾ ਵਰਜਨ ਮਿਲਿਆ। ਇਸ ਵੀਡੀਓ ਵਿੱਚ ਵਾਇਰਲ ਵੀਡੀਓ ਵਿੱਚ ਮੌਜੂਦ ਆਡੀਓ ਨਹੀਂ ਸੀ।

ਹਾਲਾਂਕਿ, ਵੀਡੀਓ ਦੇ ਵੇਰਵੇ ਵਿੱਚ ਵੀਡੀਓ ਦੇ ਅਸਲ ਕ੍ਰੈਡਿਟ Galaxy Restore ਨਾਮਕ ਇੱਕ TikTok ਖਾਤੇ ਨੂੰ ਦਿੱਤੇ ਗਏ ਹਨ। ਇਸ ਦੌਰਾਨ ਸਾਨੂੰ ਇਹ ਵੀਡੀਓ ਮਿਲਿਆ ਜੋ 29 ਜੁਲਾਈ, 2025 ਨੂੰ Galaxy Store ਦੇ TikTok ਅਕਾਊਂਟ ਤੋਂ ਅਪਲੋਡ ਕੀਤਾ ਗਿਆ ਸੀ। ਵੀਡੀਓ ਦੇ ਨਾਲ ਕੈਪਸ਼ਨ ਵਿੱਚ ਲਗਭਗ 690000 ਡਾਲਰ ਮਿਲਣ ਦੀ ਗੱਲ ਕਹੀ ਗਈ ਸੀ।

ਇਸ ਤੋਂ ਬਾਅਦ ਅਸੀਂ Galaxy Restore ਦੇ Tik-Tok ਅਕਾਊਂਟ ਦੀ ਖੋਜ ਕੀਤੀ ਅਤੇ ਸਾਨੂੰ ਅਜਿਹੇ ਕਈ ਵੀਡੀਓ ਮਿਲੇ। ਕੁਝ ਵੀਡੀਓਜ਼ ਵਿੱਚ ਫ਼ੋਨ, ਗਹਿਣੇ ਜਾਂ ਪੈਸੇ ਮਿਲਣ ਦੇ ਦ੍ਰਿਸ਼ ਦਿਖਾਏ ਗਏ ਸਨ ਜਦੋਂ ਕਿ ਕੁਝ ਵੀਡੀਓਜ਼ ਵਿੱਚ ਪੁਰਾਣੇ ਫ਼ੋਨ ਦੀ ਮੁਰੰਮਤ ਦੇ ਦ੍ਰਿਸ਼ ਦਿਖਾਏ ਗਏ ਸਨ। ਇਹ ਸਾਰੇ ਵੀਡੀਓਜ਼ ਨਾਟਕੀ ਲੱਗ ਰਹੇ ਸਨ।

TikTok ਅਕਾਊਂਟ ‘ਤੇ ਦਿੱਤੀ ਗਈ ਜਾਣਕਾਰੀ ਦੀ ਮਦਦ ਨਾਲ ਸਾਨੂੰ Galaxy Restore ਦਾ ਫੇਸਬੁੱਕ ਅਕਾਊਂਟ ਮਿਲਿਆ। ਸਾਨੂੰ 29 ਜੁਲਾਈ, 2025 ਨੂੰ ਫੇਸਬੁੱਕ ਅਕਾਊਂਟ ‘ਤੇ ਅਪਲੋਡ ਕੀਤੇ ਗਏ ਵਾਇਰਲ ਵੀਡੀਓ ਦਾ ਇੱਕ ਲੰਬਾ ਵਰਜਨ ਵੀ ਮਿਲਿਆ । ਇਸ ਤੋਂ ਇਲਾਵਾ ਸਾਨੂੰ ਇਸ ਫੇਸਬੁੱਕ ਅਕਾਊਂਟ ‘ਤੇ ਚਿੱਕੜ ਅਤੇ ਕੂੜੇ ਦੇ ਢੇਰਾਂ ਤੋਂ ਮਹਿੰਗੀਆਂ ਚੀਜ਼ਾਂ ਲੱਭਣ ਅਤੇ ਪੁਰਾਣੇ ਫ਼ੋਨਾਂ ਦੀ ਮੁਰੰਮਤ ਕਰਨ ਦੇ ਕਈ ਵੀਡੀਓ ਮਿਲੇ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਫੇਸਬੁੱਕ ਪੇਜ ‘ਤੇ ਦਿੱਤੀ ਗਈ ਜਾਣਕਾਰੀ ਵਿੱਚ ਪਤਾ ਥਾਈਲੈਂਡ ਦੇ ਚਿਆਂਗ ਮਾਈ ਸੂਬੇ ਦੇ ਲੁਮਫੂਨ ਜ਼ਿਲ੍ਹੇ ਦਾ ਦੱਸਿਆ ਗਿਆ ਹੈ। ਇਸ ਤੋਂ ਇਲਾਵਾ ਪੇਜ ‘ਤੇ ਥਾਈਲੈਂਡ ਦੇ ਫੋਨ ਕੋਡ ਵਾਲਾ ਇੱਕ ਮੋਬਾਈਲ ਨੰਬਰ ਮੌਜੂਦ ਸੀ।

ਜਾਂਚ ਦੌਰਾਨ ਸਾਨੂੰ Galaxy Restore ਨਾਮ ਦੇ YouTube ਅਕਾਊਂਟ ‘ਤੇ ਫੇਸਬੁੱਕ ਅਕਾਊਂਟ ਵਾਂਗ ਹੀ ਅਪਲੋਡ ਕੀਤੇ ਗਏ ਵੀਡੀਓ ਮਿਲੇ। ਹਾਲਾਂਕਿ, ਇੱਥੇ ਦੇਸ਼ ਦਾ ਨਾਮ ਸਿੰਗਾਪੁਰ ਲਿਖਿਆ ਗਿਆ ਸੀ।

Conclusion

ਸਾਡੀ ਜਾਂਚ ਵਿੱਚ ਸਾਨੂੰ ਵੀਡੀਓ ਦੀ ਅਸਲ ਲੋਕੇਸ਼ਨ ਨਹੀਂ ਮਿਲ ਸਕੀ ਪਰ ਇਹ ਸਪੱਸ਼ਟ ਹੈ ਕਿ ਪੰਜਾਬ ਵਿੱਚ ਹੜ੍ਹਾਂ ਦੌਰਾਨ ਮਿੱਟੀ ਵਿੱਚ ਦੱਬੇ ਅਮਰੀਕੀ ਡਾਲਰ ਲੱਭਣ ਦੇ ਦਾਅਵੇ ਨਾਲ ਵਾਇਰਲ ਹੋਇਆ ਇਹ ਵੀਡੀਓ ਅਸਲ ਵਿੱਚ ਜੁਲਾਈ ਦੇ ਮਹੀਨੇ ਵਿੱਚ ਗੈਲੈਕਸੀ ਰਿਸਟੋਰ ਨਾਮ ਦੇ ਇੱਕ ਸੋਸ਼ਲ ਮੀਡੀਆ ਅਕਾਊਂਟ ਤੋਂ ਅਪਲੋਡ ਕੀਤਾ ਗਿਆ ਸੀ।

Our Sources
Video uploaded by Galaxy Restore Tik Tok account on 29th July 2025
Video uploaded by Galaxy Restore FB account on 29th July 2025