ਅਸਾਮ ਦੇ ਨਾਗਰਿਕਾਂ ਵੱਲੋਂ ਗੈਰ ਕਾਨੂੰਨੀ ਪ੍ਰਵਾਸੀਆਂ ਵਿਰੁੱਧ ਮੁਹਿੰਮ ਦਾ ਸਮਰਥਨ ਕਰਦਿਆਂ ਮਾਰਚ ਕੱਢਿਆ ਗਿਆ?

Claim

ਸੋਸ਼ਲ ਮੀਡੀਆ ‘ਤੇ ਮਸ਼ਾਲਾਂ ਫੜੇ ਲੋਕਾਂ ਦੇ ਇੱਕ ਵੱਡੇ ਇਕੱਠ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ। X ਯੂਜ਼ਰ ਨੇ ਇਸ ਵੀਡੀਓ ਨੂੰ ਪੋਸਟ ਕਰਦਿਆਂ ਲਿਖਿਆ,”ਅਸਾਮ ਵਿੱਚ ਨਾਗਰਿਕਾਂ ਨੇ ਬੰਗਲਾਦੇਸ਼ੀਆਂ ਵਿਰੁੱਧ ਮਾਰਚ ਕੱਢਿਆ। ਸਾਰੇ ਅਸਾਮ ਸਰਕਾਰ ਦੁਆਰਾ ਚਲਾਈ ਜਾ ਰਹੀ ਸਮੂਹਿਕ ਬੇਦਖਲੀ ਮੁਹਿੰਮ ਦੇ ਸਮਰਥਨ ਵਿੱਚ ਨਾਅਰੇਬਾਜ਼ੀ ਕਰਦੇ ਦਿਖਾਈ ਦੇ ਰਹੇ ਹਨ।”

Fact Check/Verification

ਅਸੀਂ ਵਾਇਰਲ ਹੋ ਰਹੀ ਵੀਡੀਓ ਨੂੰ ਲੈ ਕੇ ਆਪਣੀ ਪੜਤਾਲ ਸ਼ੁਰੂ ਕਰਦਿਆਂ ਵੀਡੀਓ ਨੂੰ ਸਭ ਤੋਂ ਪਹਿਲਾਂ ਧਿਆਨ ਦੇ ਨਾਲ ਦੇਖਿਆ ਤੇ ਵੀਡੀਓ ਨੂੰ ਕੁਝ ਕੀ ਫਰੇਮ ਵਿੱਚ ਵੰਡਕੇ ਇੱਕ ਫਰੇਮ ਨੂੰ ਰਿਵਰਸ ਇਮੇਜ ਸਰਚ ਦੀ ਮਦਦ ਨਾਲ ਖੰਗਾਲਿਆ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਸਾਨੂੰ DY365 ਨਾਮ ਦੇ ਅਧਿਕਾਰਤ ਚੈਨਲ ਤੇ 4 ਸਤੰਬਰ, 2025 ਨੂੰ ਅਪਲੋਡ ਇੱਕ ਵੀਡੀਓ ਮਿਲੀ। ਇਸ ਵੀਡੀਓ ਦਾ ਸਿਰਲੇਖ ਸੀ,“ਅਸਾਮ ਦੇ ਤਿਨਸੁਕੀਆ ਵਿੱਚ ਮੋਰਨ ਭਾਈਚਾਰੇ ਵੱਲੋਂ ਕਬਾਇਲੀ ਸ਼ਮੂਲੀਅਤ ਦੀ ਮੰਗ ਕਰਦੇ ਹੋਏ ਜ਼ੋਰਦਾਰ ਵਿਰੋਧ ਪ੍ਰਦਰਸ਼ਨ ਕੀਤਾ ਗਿਆ।”

ਅਸੀਂ ਗੂਗਲ ‘ਤੇ ‘ਅਸਾਮ’, ‘ਮੋਰਾਨ ਕਮਿਊਨਿਟੀ’, ਅਤੇ ‘ਪ੍ਰੋਟੈਸਟ’ ਵਰਗੇ ਕੀਵਰਡਸ ਨਾਲ ਖੋਜ ਕੀਤੀ। ਸਾਨੂੰ ਇੰਡੀਆ ਟੂਡੇ ਨੌਰਥ-ਈਸਟ ਦੁਆਰਾ X ‘ਤੇ 6 ਸਤੰਬਰ ਨੂੰ ਅਪਲੋਡ ਇੱਕ ਪੋਸਟ ਮਿਲੀ, ਜਿਸ ਵਿੱਚ ਹੁਬੂਹੁ ਵਿਜ਼ੂਅਲ ਦੇਖੇ ਜਾ ਸਕਦੇ ਸਨ। ਕੈਪਸ਼ਨ ਵਿੱਚ ਲਿਖਿਆ ਸੀ,”ਮੋਰਾਨ ਕਮਿਊਨਿਟੀ ਨੇ ਮਾਰਗੇਰੀਟਾ, ਤਿਨਸੁਕੀਆ, ਅਸਾਮ ਵਿੱਚ ਐਸਟੀ ਦਰਜੇ ਦੀ ਮੰਗ ਕਰਦੇ ਹੋਏ ਵਿਸ਼ਾਲ ਵਿਰੋਧ ਪ੍ਰਦਰਸ਼ਨ ਕੀਤਾ।”

ਅਸਾਮ ਟ੍ਰਿਬਿਊਨ ਨੇ ਰਿਪੋਰਟ ਵਿੱਚ ਦੱਸਿਆ ਕਿ ਇਹ ਵਿਰੋਧ ਪ੍ਰਦਰਸ਼ਨ ਆਲ ਮੋਰਨ ਸਟੂਡੈਂਟਸ ਯੂਨੀਅਨ (ਏਐਮਐਸਯੂ) ਦੁਆਰਾ ਆਯੋਜਿਤ ਕੀਤਾ ਗਿਆ ਸੀ। ਇਹ ਰੈਲੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ 13 ਸਤੰਬਰ ਨੂੰ 
ਹੋਣ ਵਾਲੇ ਅਸਾਮ ਦੌਰੇ ਤੋਂ ਠੀਕ ਪਹਿਲਾਂ ਆਯੋਜਿਤ ਕੀਤੀ ਗਈ ਸੀ।

ਇਸ ਤਰ੍ਹਾਂ ਸਾਡੀ ਜਾਂਚ ਤੋਂ ਸਪਸ਼ਟ ਹੈ ਕਿ ਵਾਇਰਲ ਦਾਅਵਾ ਫਰਜ਼ੀ ਹੈ । ਇਹ ਵੀਡੀਓ ਤਿਨਸੁਕੀਆ ਵਿੱਚ ਮੋਰਨ ਭਾਈਚਾਰੇ ਦੁਆਰਾ ਐਸਟੀ ਦਰਜੇ ਦੀ ਮੰਗ ਕਰਦੇ ਹੋਏ ਰੈਲੀ ਕੱਢੀ ਗਈ ਸੀ।

Sources
Video by DY365, dated September 4, 2025
Video by India Today North-East, dated September 6, 2025
Report by The Assam Tribune, dated September 11, 2025