ਕੀ ਇਹ ਵੀਡੀਓ ਇਥੋਪੀਆ ਵਿੱਚ ਹਾਇਲੀ ਗੁੱਬੀ ਜਵਾਲਾਮੁਖੀ ਫਟਣ ਨਾਲ ਸੰਬੰਧਿਤ ਹਨ?

ਇਥੋਪੀਆ ਵਿੱਚ ਹਾਇਲੀ ਗੁੱਬੀ ਜੁਆਲਾਮੁਖੀ ਦੇ ਫਟਣ ਨਾਲ ਉੱਠੇ ਸੁਆਹ ਦੇ ਬੱਦਲ ਹਵਾਈ ਆਵਾਜਾਈ ਵਿੱਚ ਰੁਕਾਵਟ ਬਣਦੇ ਜਾ ਰਹੇ ਹਨ। ਭਾਰਤ ਵਿੱਚ ਨਵੀਂ ਦਿੱਲੀ ਸਮੇਤ ਦੇਸ਼ ਦੇ ਕਈ ਏਅਰਪੋਰਟਾਂ ਤੋਂ ਪੱਛਮੀ ਦਿਸ਼ਾ ਵੱਲ ਜਾਣ ਵਾਲੀਆਂ ਉਡਾਣਾਂ ਜਾਂ ਤਾਂ ਰੱਦ ਕੀਤੀਆਂ ਜਾ ਰਹੀਆਂ ਹਨ ਜਾਂ ਫਿਰ ਉਨ੍ਹਾਂ ਦੇ ਰਸਤੇ ਬਦਲਣ ਦੀ ਤਿਆਰੀ ਚੱਲ ਰਹੀ ਹੈ।

ਇਸ ਵਿਚਕਾਰ ਸੋਸ਼ਲ ਮੀਡਿਆ ਤੇ ਦੋ ਵੀਡੀਓ ਵਾਇਰਲ ਹੋ ਰਹੀਆਂ ਹਨ ਜਿਸ ਨੂੰ ਸ਼ੇਅਰ ਕਰ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਵੀਡੀਓ ਇਥੋਪੀਆ ਵਿੱਚ ਹਾਇਲੀ ਗੁੱਬੀ ਜੁਆਲਾਮੁਖੀ ਦੇ ਫਟਣ ਦੀਆਂ ਹਨ।

Fact Check/Verification

ਅਸੀਂ ਪਾਇਆ ਕਿ ਦੋਵੇਂ ਵਾਇਰਲ ਵੀਡੀਓ ਇਥੋਪੀਆ ਵਿੱਚ ਜਵਾਲਾਮੁਖੀ ਫਟਣ ਦੀ ਅਧਿਕਾਰਤ ਫੁਟੇਜ ਨਾਲ ਮੇਲ ਨਹੀਂ ਖਾਂਦੇ ਜਿਸ ਨਾਲ ਸਾਨੂੰ ਸ਼ੱਕ ਹੋਇਆ।

ਪਹਿਲੀ ਵੀਡੀਓ

ਵੀਡੀਓ ਦੇ ਕੀਫ੍ਰੇਮਾਂ ਦੀ ਰਿਵਰਸ ਇਮੇਜ ਸਰਚ ਕਰਨ ਨਾਲ:

• 19 ਨਵੰਬਰ, 2025 ਨੂੰ ਅਪਲੋਡ X ਪੋਸਟ , ਜੋ ਇਥੋਪੀਆ ਵਿੱਚ ਜਵਾਲਾਮੁਖੀ ਵਿਸਫੋਟ ਤੋਂ ਪਹਿਲਾਂ ਦੀ ਹੈ
• ਫੇਸਬੁੱਕ ਪੋਸਟ ਵਿੱਚ ਦੱਸਿਆ ਗਿਆ ਹੈ ਕਿ ਜਾਵਾ ਵਿੱਚ ਮਾਊਂਟ ਸੇਮੇਰੂ 19 ਨਵੰਬਰ, 2025 ਨੂੰ ਫਟਿਆ ਸੀ।
• ਸਨ ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਸੇਮੇਰੂ ਨੇ 54,000 ਫੁੱਟ ਉੱਚੀ ਸੁਆਹ ਦਾ ਪਲੱਮ ਭੇਜਿਆ।

ਇਸ ਤੋਂ ਪਤਾ ਚੱਲਦਾ ਹੈ ਕਿ ਪਹਿਲਾ ਵੀਡੀਓ ਇੰਡੋਨੇਸ਼ੀਆ ਦਾ ਹੈ ਇਥੋਪੀਆ ਦਾ ਨਹੀਂ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਦੂਜੀ ਵੀਡੀਓ

ਵੀਡੀਓ ਦੇ ਕੀਫ੍ਰੇਮਾਂ ਦੀ ਰਿਵਰਸ ਇਮੇਜ ਸਰਚ ਕਰਨ ਨਾਲ:

• 28 ਅਕਤੂਬਰ, 2025 ਦੀ X ਪੋਸਟ ਵਿੱਚ ਇਸੇ ਤਰ੍ਹਾਂ ਦੇ ਵਿਜ਼ੂਅਲ ਦਿਖਾਏ ਗਏ ਹਨ ਅਤੇ ਇਸ ਨੂੰ ਕਿਲੌਈਆ ਜਵਾਲਾਮੁਖੀ ਦੱਸਿਆ ਗਿਆ ਹੈ।
• 19 ਨਵੰਬਰ, 2025 ਦੀ ਇੰਸਟਾਗ੍ਰਾਮ ਪੋਸਟ ਮੁਤਾਬਕ ਹਵਾਈ ਦੇ ਕਿਲੌਈਆ ਵਿਖੇ ਲਾਵਾ ਦੇ ਫੁਹਾਰੇ 1,500 ਫੁੱਟ ਤੱਕ ਪਹੁੰਚ ਰਹੇ ਸਨ।
• ਯੂਰੋਨਿਊਜ਼ ਦੀ ਰਿਪੋਰਟ (25 ਨਵੰਬਰ, 2025) ਵਿੱਚ ਦੱਸਿਆ ਗਿਆ ਹੈ ਕਿ ਕਿਲੌਈਆ ਪਿਛਲੇ ਸਾਲ ਦੇ ਅਖੀਰ ਤੋਂ ਰੁਕ-ਰੁਕ ਕੇ ਫਟ ਰਿਹਾ ਹੈ, ਜਿਸਦੀ ਗਤੀਵਿਧੀ ਹਵਾਈ ਜਵਾਲਾਮੁਖੀ ਰਾਸ਼ਟਰੀ ਪਾਰਕ ਦੇ ਅੰਦਰ ਸੁਰੱਖਿਅਤ ਢੰਗ ਨਾਲ ਸੀਮਤ ਹੈ।

ਇਸ ਤਰ੍ਹਾਂ, ਦੂਜਾ ਵੀਡੀਓ ਵੀ ਇਥੋਪੀਆ ਦੇ ਹਾਇਲੀ ਗੁੱਬੀ ਜਵਾਲਾਮੁਖੀ ਫਟਣ ਨਾਲ ਸੰਬੰਧਿਤ ਨਹੀਂ ਹੈ।

Conclusion

ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਵਾਇਰਲ ਹੋ ਰਹੇ ਦੋਵੇਂ ਵੀਡੀਓ ਇਥੋਪੀਆ ਵਿੱਚ ਹਾਇਲੀ ਗੁੱਬੀ ਜਵਾਲਾਮੁਖੀ ਫਟਣ ਨਾਲ ਸੰਬੰਧਿਤ ਨਹੀਂ ਹਨ।

Sources
Afar Communications, Facebook Page, Official footage (Nov 2025)
The Sun, Semeru eruption report (Nov 19, 2025)
Euronews, Kilauea ongoing activity (Nov 25, 2025)
Instagram post, Kilauea eruption footage (Nov 19, 2025)
X post, Mount Semeru video (Nov 19, 2025)
(inputs from Vijayalakshmi Balasubramaniyan, Newschecker Tamil)