ਵਲਾਦੀਮੀਰ ਪੁਤਿਨ ਨੇ ਜਹਾਜ਼ ਵਿੱਚ ਪੜ੍ਹੀ ਭਗਵਦ ਗੀਤਾ?

Claim

ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਦੀ ਇੱਕ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ ਜਿਸ ਵਿੱਚ ਉਹ ਜਹਾਜ਼ ਵਿੱਚ ਭਗਵਦ ਗੀਤਾ ਪੜ੍ਹ ਰਹੇ ਹਨ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਪੁਤਿਨ ਜਹਾਜ਼ ਵਿੱਚ ਭਾਰਤ ਦੀ ਤਰਫ ਤੋਂ ਭੇਂਟ ਕੀਤੀ ਗਈ ਭਗਵਦ ਗੀਤਾ ਪੜ੍ਹ ਰਹੇ ਹਨ। 

Fact

ਵਲਾਦੀਮੀਰ ਪੁਤਿਨ ਦੀ ਜਹਾਜ਼ ਵਿੱਚ ਭਗਵਦ ਗੀਤਾ ਪੜ੍ਹਦੇ ਦੀ ਵਾਇਰਲ ਹੋ ਰਹੀ ਤਸਵੀਰ ਦੀ ਰਿਵਰਸ ਸਰਚ ਕਰਨ ‘ਤੇ ਸਾਨੂੰ ਕੋਈ ਭਰੋਸੇਯੋਗ ਰਿਪੋਰਟਾਂ ਨਹੀਂ ਮਿਲੀਆਂ। ਤਸਵੀਰ ਨੂੰ ਨੇੜਿਓਂ ਦੇਖਣ ‘ਤੇ ਸਾਨੂੰ ਕਈ ਅੰਤਰ ਨਜ਼ਰ ਆਏ। ਉਦਾਹਰਣ ਵਜੋਂ, ਪੁਤਿਨ ਦੇ ਸਾਹਮਣੇ ਬੈਠੇ ਲੋਕਾਂ ਦੇ ਚਿਹਰੇ ਧੁੰਦਲੇ ਦਿਖਾਈ ਦਿੰਦੇ ਹਨ। ਤਸਵੀਰ ਦੀ ਬਣਤਰ ਬਨਾਵਟੀ ਲੱਗ ਰਹੀ ਹੈ ਜਿਸ ਕਾਰਨ ਸਾਨੂੰ ਸ਼ੱਕ ਹੋਇਆ ਕਿ ਇਹ ਤਸਵੀਰ AI ਦੁਆਰਾ ਬਣਾਈ ਗਈ ਹੋ ਸਕਦੀ ਹੈ।

ਤਸਵੀਰ ਦੀ ਜਾਂਚ ਕਰਦੇ ਸਮੇਂ, ਅਸੀਂ ਇਸ ਨੂੰ AI ਟੂਲ Hive Moderation ‘ਤੇ ਚੈਕ ਕੀਤਾ। ਟੂਲ ਦੇ ਮੁਤਾਬਕ ਪੁਤਿਨ ਦੀ ਇਹ ਤਸਵੀਰ 99.9 ਪ੍ਰਤੀਸ਼ਤ AI-ਜਨਰੇਟਡ ਹੈ।

ਸਾਈਟਇੰਜਣ ਦੇ ਮੁਤਾਬਕ ਵੀ ਇਹ ਤਸਵੀਰ 99 ਪ੍ਰਤੀਸ਼ਤ ਏਆਈ ਦੁਆਰਾ ਤਿਆਰ ਕੀਤੀ ਗਈ ਹੈ।

ਪੂਤਿਨ ਦੀ ਭਗਵਦ ਗੀਤਾ ਪੜ੍ਹਦਿਆਂ ਦੀ ਵਾਇਰਲ ਹੋ ਰਹੀ ਤਸਵੀਰ ਬਾਰੇ ਹੋਰ ਜਾਣਕਾਰੀ ਲਈ, ਅਸੀਂ ਟਰੱਸਟਡ ਇਨਫਰਮੇਸ਼ਨ ਅਲਾਇੰਸ ਦੇ ਡੀਪਫੇਕ ਵਿਸ਼ਲੇਸ਼ਣ ਯੂਨਿਟ (DAU) ਨਾਲ ਸੰਪਰਕ ਕੀਤਾ, ਜਿਸਦਾ ਨਿਊਜ਼ਚੈਕਰ ਇੱਕ ਹਿੱਸਾ ਹੈ। ਇਮੇਜ ਵਿਸਪਰਰ ਅਤੇ AIorNot ਨਾਲ ਤਸਵੀਰ ਦੀ ਜਾਂਚ ਕਰਨ ‘ਤੇ ਪਤਾ ਲੱਗਾ ਕਿ ਇਹ ਤਸਵੀਰ AI ਦੀ ਵਰਤੋਂ ਕਰਕੇ ਬਣਾਈ ਗਈ ਸੀ।

ਸਾਡੀ ਜਾਂਚ ਤੋਂ ਸਪੱਸ਼ਟ ਹੈ ਕਿ ਵਲਾਦੀਮੀਰ ਪੁਤਿਨ ਦੀ ਜਹਾਜ਼ ਵਿੱਚ ਭਗਵਦ ਗੀਤਾ ਪੜ੍ਹਦੇ ਹੋਏ ਦੀ ਵਾਇਰਲ ਹੋ ਰਹੀ ਤਸਵੀਰ ਏਆਈ ਦੀ ਵਰਤੋਂ ਕਰਕੇ ਬਣਾਈ ਗਈ ਸੀ।

Sources
Hive Moderation Website
Sightengine Website
DAU