ਮੁਸਲਿਮ ਵਿਅਕਤੀ ਨੇ ਨਾਲੇ ਦੇ ਪਾਣੀ ਨਾਲ ਬਣਾਈ ਬਿਰਆਨੀ?

ਸੋਸ਼ਲ ਮੀਡੀਆ ‘ਤੇ ਇੱਕ ਵਿਅਕਤੀ ਨਾਲੀ ਦੇ ਪਾਣੀ ਨਾਲ ਬਿਰਆਨੀ ਬਣਾਉਂਦਾ ਦਿਖਾਈ ਦੇ ਰਿਹਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਵੀਡੀਓ ਵਿੱਚ ਦਿਖਾਈ ਦੇ ਰਿਹਾ ਵਿਅਕਤੀ ਮੁਸਲਿਮ ਹੈ। ਵੀਡੀਓ ਵਿੱਚ ਦਿਖਾਈ ਦੇ ਰਿਹਾ ਵਿਅਕਤੀ ਗਟਰ ਦਾ ਪਾਣੀ ਕੱਢ ਕੇ ਬਿਰਆਨੀ ਵਿੱਚ ਪਾ ਰਿਹਾ ਹੈ। ਇੱਕ ਔਰਤ ਅਤੇ ਉਸਦੇ ਪਿੱਛੇ ਖੜ੍ਹੇ ਕੁਝ ਲੋਕ ਉਸਨੂੰ ਇਹ ਕਰਦੇ ਦੇਖ ਰਹੇ ਹਨ।

ਪੋਸਟ ਦੇ ਕੈਪਸ਼ਨ ਵਿੱਚ ਲਿਖਿਆ ਹੈ,”ਨਾਲੀ ਤੋਂ ਬਿਰਆਨੀ। ਹਿੰਦੂ ਖਾਣ ‘ਤੇ ਆਪਣੀਆਂ ਉਂਗਲਾਂ ਚੱਟਦੇ ਰਹਿਣਗੇ। ਮੈਂ ਮੰਨਣਾ ਨਹੀਂ ਹੈ, ਨਾਲੀ ਹੋਵੇ ਜਾਂ ਸੀਵਰੇਜ ਦਾ ਪਾਣੀ, ਮੈਂ ਇਹ ਸਭ ਹਜ਼ਮ ਕਰਨਾ ਚਾਹੁੰਦਾ ਹਾਂ।”

Fact Check/Verification

ਅਸੀਂ ਵਾਇਰਲ ਹੋ ਰਹੀ ਵੀਡੀਓ ਨੂੰ ਕੀ ਫਰੇਮ ਵਿੱਚ ਵੰਡਕੇ ਇੱਕ ਫਰੇਮ ਨੂੰ ਰਿਵਰਸ ਇਮੇਜ ਸਰਚ ਦੀ ਮਦਦ ਨਾਲ ਖੰਗਾਲਿਆ ਪਰ ਸਾਨੂੰ ਕੋਈ ਭਰੋਸੇਯੋਗ ਰਿਪੋਰਟ ਨਹੀਂ ਮਿਲੀ। ਗੂਗਲ ਤੇ ਸੰਬੰਧਿਤ ਕੀ ਵਰਡ ਨਾਲ ਸਰਚ ਕਰਨ ਤੋਂ ਬਾਅਦ ਵੀ ਸਾਨੂੰ ਵਾਇਰਲ ਵੀਡੀਓ ਨਾਲ ਸਬੰਧਤ ਕੋਈ ਭਰੋਸੇਯੋਗ ਮੀਡੀਆ ਰਿਪੋਰਟ ਨਹੀਂ ਮਿਲੀ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਵੀਡੀਓ ਨੂੰ ਧਿਆਨ ਨਾਲ ਦੇਖਣ ‘ਤੇ ਕਈ ਤਰ੍ਹਾਂ ਦੀਆਂ ਖਾਮੀਆਂ ਦਿਖੀਆਂ। ਗਟਰ ਵਿੱਚੋਂ ਪਾਣੀ ਕੱਢਦੇ ਸਮੇਂ ਆਦਮੀ ਦਾ ਖੱਬਾ ਹੱਥ ਪੂਰੀ ਤਰ੍ਹਾਂ ਸਥਿਰ ਜਾਪਦਾ ਹੈ। ਔਰਤ ਅਤੇ ਉਸਦੇ ਪਿੱਛੇ ਖੜ੍ਹੇ ਹੋਰ ਲੋਕ ਪੂਰੀ ਤਰ੍ਹਾਂ ਸਥਿਰ ਖੜ੍ਹੇ ਜਾਪਦੇ ਹਨ ਅਤੇ ਪੂਰੀ ਤਰ੍ਹਾਂ ਅਡੋਲ ਲੱਗ ਰਹੇ ਹਨ। ਇਸ ਤੋਂ ਜਾਪਦਾ ਹੈ ਕਿ ਵਾਇਰਲ ਵੀਡੀਓ ਏਆਈ ਜਨਰੇਟਡ ਹੈ।

ਏਆਈ ਡਿਟੈਕਸ਼ਨ ਟੂਲ ਹਾਈਵ ਮਾਡਰੇਸ਼ਨ ਦੇ ਮੁਤਾਬਕ ਇਹ ਵੀਡੀਓ 99.8 ਪ੍ਰਤੀਸ਼ਤ ਏਆਈ ਦੁਆਰਾ ਤਿਆਰ ਕੀਤਾ ਗਿਆ ਸੀ।

ਸਾਈਟਇੰਜਣ ਟੂਲ ਦੇ ਮੁਤਾਬਕ ਵੀ ਵੀਡੀਓ ਵਿੱਚ ਦ੍ਰਿਸ਼ 76 ਪ੍ਰਤੀਸ਼ਤ ਤੱਕ AI ਦੁਆਰਾ ਤਿਆਰ ਕੀਤੇ ਗਏ ਸਨ।

ਅਸੀਂ ਟਰੱਸਟਡ ਇਨਫਰਮੇਸ਼ਨ ਅਲਾਇੰਸ ਦੀ ਯੂਨਿਟ (DAU) ਨਾਲ ਸੰਪਰਕ ਕੀਤਾ, ਜਿਸਦਾ ਨਿਊਜ਼ਚੈਕਰ ਇੱਕ ਹਿੱਸਾ ਹੈ। ਜਾਂਚ ਦੌਰਾਨ AIorNot ਟੂਲ ਨੇ ਵੀ ਇਹ ਪੁਸ਼ਟੀ ਕੀਤੀ ਕਿ ਵੀਡੀਓ ਵਿੱਚ ਵਿਜ਼ੂਅਲ AI-ਜਨਰੇਟਡ ਸਨ।

Conclusion

ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਵਾਇਰਲ ਹੋ ਰਹੀ ਵੀਡੀਓ ਅਸਲੀ ਨਹੀਂ ਸਗੋਂ ਏਆਈ ਜਨਰੇਟਡ ਹੈ।

Sources
Hive Moderation
Sightengine
Self Analysis
DAU