ਬੰਦ ਹੋ ਚੁੱਕੇ ਨੋਟਾਂ ਦੀ ਗੁੱਟੀਆਂ ਲਹਿਰਾਉਂਦੇ ਬੱਚੇ ਦੀ ਇਹ ਵੀਡੀਓ ਪਾਕਿਸਤਾਨ ਦੀ ਹੈ?

ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਬੱਚੇ ਪੁਰਾਣੇ ਭਾਰਤੀ ਨੋਟਾਂ ਦੀਆਂ ਗੁੱਟੀਆਂ ਲਹਿਰਾਏ ਰਹੇ ਹਨ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਵੀਡੀਓ ਪਾਕਿਸਤਾਨ ਦਾ ਹੈ। ਵੀਡੀਓ ਨੂੰ ਇਸ ਦਾਅਵੇ ਨਾਲ ਸਾਂਝਾ ਕੀਤਾ ਜਾ ਰਿਹਾ ਹੈ ਕਿ ਇਹ ਵੀਡੀਓ ਪਾਕਿਸਤਾਨ ਦਾ ਹੈ ਜਿੱਥੇ ਕੂੜਾ ਚੁੱਕਣ ਵਾਲੇ ਬੱਚੇ ਪੁਰਾਣੇ ਭਾਰਤੀ ਨੋਟਾਂ ਨਾਲ ਖੇਡ ਰਹੇ ਹਨ।

ਵੀਡੀਓ ਵਿੱਚ ਗੱਲਬਾਤ ਕਰ ਰਹੇ ਦੋ ਵਿਅਕਤੀ ਠੇਲੇ ਵਾਲੇ ਬੱਚਿਆਂ ਤੋਂ ਨੋਟ ਮੰਗਦੇ ਹਨ, ਜਿਸ ਤੋਂ ਬਾਅਦ ਉੱਥੇ ਮੌਜੂਦ ਬੱਚੇ 500 ਰੁਪਏ ਦੀ ਗੁੱਟੀ ਵਿੱਚੋਂ ਕੁਝ ਨੋਟ ਕੱਢ ਕੇ ਉਨ੍ਹਾਂ ਨੂੰ ਦਿੰਦੇ ਹਨ। ਪੋਸਟ ਦੇ ਕੈਪਸ਼ਨ ਵਿੱਚ ਲਿਖਿਆ ਹੈ, ‘ਪਾਕਿਸਤਾਨ ਵਿੱਚ ਸਾਡੇ ਪੁਰਾਣੇ 500 ਰੁਪਏ ਦੇ ਭਾਰਤੀ ਨੋਟ। ਕਾਗਜ਼ ਵੇਚਣ ਵਾਲੇ ਮੁੰਡੇ ਇਨ੍ਹਾਂ ਨੂੰ ਆਪਣੀਆਂ ਕੂੜੇ ਦੀਆਂ ਗੱਡੀਆਂ ‘ਤੇ ਲਹਿਰਾ ਰਹੇ ਹਨ। ਹੁਣ ਸਵਾਲ ਇਹ ਹੈ ਕਿ ਇੰਨੀ ਵੱਡੀ ਮਾਤਰਾ ਵਿੱਚ ਭਾਰਤੀ ਨੋਟ ਪਾਕਿਸਤਾਨ ਕਿਵੇਂ ਪਹੁੰਚੇ?? ਪੋਸਟ ਦਾ ਆਰਕਾਈਵਡ ਇੱਥੇ ਦੇਖੋ। ਇਸ ਵੀਡੀਓ ਨੂੰ ਫੇਸਬੁੱਕ ਅਤੇ ਇੰਸਟਾਗ੍ਰਾਮ ‘ਤੇ ਵੀ ਪਾਕਿਸਤਾਨ ਦਾ ਦੱਸਕੇ ਸਾਂਝਾ ਕੀਤਾ ਜਾ ਰਿਹਾ ਹੈ। ਇੱਥੇ ਅਤੇ ਇੱਥੇ ਇਸੇ ਤਰ੍ਹਾਂ ਦੀਆਂ ਪੋਸਟਾਂ ਵੇਖੋ।

Fact Check/Verification

ਵਾਇਰਲ ਵੀਡੀਓ ਦੀ ਜਾਂਚ ਕਰਨ ਦੇ ਲਈ ਅਸੀਂ ਗੂਗਲ ਲੈਂਸ ਦੀ ਵਰਤੋਂ ਕਰਕੇ ਵੀਡੀਓ ਦੇ ਕੀਫ੍ਰੇਮਾਂ ਦੀ ਖੋਜ ਕੀਤੀ। ਸਾਨੂੰ ਇਹ ਵੀਡੀਓ 27 ਦਸੰਬਰ, 2024 ਨੂੰ ਅਖੀ ਮਿਸ਼ਰਾ ਨਾਮ ਦੇ ਇੱਕ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਅਪਲੋਡ ਮਿਲਿਆ। ਹਾਲਾਂਕਿ, ਪੋਸਟ ਵਿੱਚ ਵੀਡੀਓ ਬਾਰੇ ਕੋਈ ਖਾਸ ਜਾਣਕਾਰੀ ਨਹੀਂ ਹੈ।

ਜਾਂਚ ਦੌਰਾਨ ਸਾਨੂੰ ਬ੍ਰਿਜੇਸ਼ ਮਿਸ਼ਰਾ ਨਾਮ ਦੇ ਇੱਕ ਹੋਰ ਇੰਸਟਾਗ੍ਰਾਮ ਯੂਜ਼ਰ ਦੇ ਅਕਾਊਂਟ ‘ਤੇ ਇਸ ਵੀਡੀਓ ਨਾਲ ਸਬੰਧਤ ਜਾਣਕਾਰੀ ਮਿਲੀ। 1 ਜਨਵਰੀ, 2025 ਨੂੰ ਬ੍ਰਿਜੇਸ਼ ਨੇ ਘਟਨਾ ਦਾ ਵੇਰਵਾ ਦੱਸਦਿਆਂ ਵੀਡੀਓ ਅਪਲੋਡ ਕੀਤੀ। ਉਹਨਾਂ ਨੇ ਦੱਸਿਆ ਕਿ ਇਹ ਵੀਡੀਓ ਉਸਦੇ ਭਤੀਜੇ ਦੇ ਅਕਾਊਂਟ ‘ਤੇ ਅਪਲੋਡ ਕੀਤੀ ਗਈ ਸੀ ਅਤੇ ਇਸਨੂੰ ਬਹੁਤ ਪਸੰਦ ਕੀਤਾ ਗਿਆ ਸੀ। ਉਸ ਨੇ ਦੱਸਿਆ ਕਿ ਉਹ ਸੜਕ ‘ਤੇ ਤੁਰ ਰਿਹਾ ਸੀ ਜਦੋਂ ਉਸ ਨੇ ਪੁਰਾਣੇ ਨੋਟਾਂ ਦੇ ਗੁੱਟੀਆਂ ਲੈ ਕੇ ਇੱਕ ਗੱਡੀ ‘ਤੇ ਕੁਝ ਮੁੰਡਿਆਂ ਨੂੰ ਦੇਖਿਆ ਅਤੇ ਉਨ੍ਹਾਂ ਤੋਂ ਇੱਕ ਨੋਟ ਮੰਗਿਆ। ਯੂਜ਼ਰ ਨੇ ਵੀਡੀਓ ਵਿੱਚ ਪੁਰਾਣੇ ਨੋਟ ਦਿਖਾਉਂਦੇ ਹੋਏ ਕਿਹਾ ਕਿ ਉਹ ਉਨ੍ਹਾਂ ਬੱਚਿਆਂ ਨੂੰ ਮਿਲਣ ਜਾਣ ਵਾਲੇ ਹਨ। ਹਾਲਾਂਕਿ, ਉਹਨਾਂ ਨੇ ਪੋਸਟ ਵਿੱਚ ਵੀਡੀਓ ਦੀ ਲੋਕੇਸ਼ਨ ਬਾਰੇ ਨਹੀਂ ਦੱਸਿਆ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

2 ਜਨਵਰੀ, 2025 ਨੂੰ ਬ੍ਰਿਜੇਸ਼ ਮਿਸ਼ਰਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇੱਕ ਹੋਰ ਵੀਡੀਓ ਅਪਲੋਡ ਕੀਤਾ। ਇਸ ਵੀਡੀਓ ਵਿੱਚ, ਉਸਨੇ ਵਾਇਰਲ ਵੀਡੀਓ ਵਿੱਚ ਦਿਖਾਈ ਦੇ ਰਹੇ ਬੱਚਿਆਂ ਦੀ ਮਾਂ ਨਾਲ ਗੱਲ ਕੀਤੀ। ਉਹਨਾਂ ਨੇ ਦੱਸਿਆ ਕਿ ਵਾਇਰਲ ਵੀਡੀਓ ਵਿੱਚ ਬੱਚੇ ਪਾਕਿਸਤਾਨ ਜਾਂ ਉੱਤਰਾਖੰਡ ਦੇ ਨਹੀਂ ਹਨ, ਸਗੋਂ ਅਸਾਮ ਦੇ ਹਨ, ਜੋ ਲਖਨਊ ਵਿੱਚ ਰਹਿੰਦੇ ਹਨ ਅਤੇ ਆਪਣਾ ਗੁਜ਼ਾਰਾ ਕਰਦੇ ਹਨ।

ਇੰਸਟਾਗ੍ਰਾਮ ਯੂਜ਼ਰ ਬ੍ਰਿਜੇਸ਼ ਮਿਸ਼ਰਾ ਨੇ 2 ਜਨਵਰੀ, 2025 ਨੂੰ ਕੂੜੇ ਦੀ ਗੱਡੀ ‘ਤੇ ਦਿਖ ਰਹੇ ਬੱਚਿਆਂ ਨਾਲ ਮਿਲਣ ਦੀ ਆਪਣੀ ਇੱਕ ਵੀਡੀਓ ਵੀ ਪੋਸਟ ਕੀਤੀ। ਵੀਡੀਓ ਵਿੱਚ ਉਹੀ ਬੱਚੇ ਦਿਖਾਈ ਦੇ ਰਹੇ ਹਨ ਜੋ ਗੱਡੀ ‘ਤੇ ਪੁਰਾਣੇ ਭਾਰਤੀ ਨੋਟਾਂ ਦੇ ਨਾਲ ਦਿਖਾਈ ਦੇ ਰਹੇ ਹਨ। ਵੀਡੀਓ ‘ਚ ਬੱਚਿਆਂ ਨੂੰ ਇੱਕ ਗੀਤ ਗਾਉਂਦੇ ਵੀ ਦੇਖਿਆ ਜਾ ਸਕਦਾ ਹੈ।

ਅਸੀਂ ਵਾਇਰਲ ਵੀਡੀਓ ਬਾਰੇ ਹੋਰ ਜਾਣਕਾਰੀ ਲਈ ਇੰਸਟਾਗ੍ਰਾਮ ਯੂਜ਼ਰ ਬ੍ਰਿਜੇਸ਼ ਮਿਸ਼ਰਾ ਨਾਲ ਵੀ ਸੰਪਰਕ ਕੀਤਾ ਹੈ। ਇਸ ਆਰਟੀਕਲ ਨੂੰ ਉਨ੍ਹਾਂ ਦਾ ਜਵਾਬ ਮਿਲਣ ‘ਤੇ ਅਪਡੇਟ ਕੀਤਾ ਜਾਵੇਗਾ।

Conclusion

ਸਾਡੀ ਜਾਂਚ ਤੋਂ ਇਹ ਸਪੱਸ਼ਟ ਹੁੰਦਾ ਹੈ ਕਿ ਕੂੜੇ ਦੀ ਗੱਡੀ ‘ਤੇ ਪੁਰਾਣੇ ਭਾਰਤੀ ਨੋਟਾਂ ਦੀਆਂ ਗੁੱਟੀਆਂ ਲਹਿਰਾਉਂਦੇ ਹੋਏ ਬੱਚਿਆਂ ਦੀ ਵਾਇਰਲ ਹੋ ਰਹੀ ਵੀਡੀਓ ਪਾਕਿਸਤਾਨ ਦਾ ਨਹੀਂ ਹੈ।

Sources
Instagram post by akhimishra511 on December 27, 2024
Instagram post by brijeshmishra809gonda on January 1, 2025
Instagram post by brijeshmishra809gonda on January 2, 2025
Instagram post by brijeshmishra809gonda on January 2, 2025