ਦਿਲਜੀਤ ਦੋਸਾਂਝ ਨੇ ਬਾਲੀਵੁੱਡ ਬਾਰੇ ਹਾਲ ‘ਚ ਕੀਤੀ ਇਹ ਟਿੱਪਣੀ? ਪੁਰਾਣੀ ਵੀਡੀਓ ਹੋਈ ਵਾਇਰਲ

Claim

ਸਰਦਾਰ ਜੀ 3 ਫਿਲਮ ਨੂੰ ਲੈ ਕੇ ਫਿਲਮ ਐਸੋਸੀਏਸ਼ਨਾਂ ਦੇ ਵਿਰੋਧ ਦੇ ਵਿਚਕਾਰ ਅਦਾਕਾਰ ਤੇ ਗਾਇਕ ਦਿਲਜੀਤ ਦੋਸਾਂਝ ਨੇ ਕਿਹਾ, ਉਹਨਾਂ ਨੂੰ ਕੋਈ ਫ਼ਰਕ ਨਹੀਂ ਪੈਂਦਾ ਕਿ ਉਹਨਾਂ ਨੂੰ ਬਾਲੀਵੁੱਡ ਵਿੱਚ ਕੰਮ ਮਿਲਦਾ ਹੈ ਜਾਂ ਨਹੀਂ। 

ਕੀ ਹੈ ਵਿਵਾਦ?

ਦਿਲਜੀਤ ਦੋਸਾਂਝ ਨੂੰ ਆਪਣੀ ਆਗਾਮੀ ਫਿਲਮ ਸਰਦਾਰ ਜੀ 3 ਵਿੱਚ ਪਾਕਿਸਤਾਨੀ ਅਦਾਕਾਰਾ ਹਨੀਆ ਆਮਿਰ ਨੂੰ ਕਾਸਟ ਕਰਨ ਦੇ ਮਾਮਲੇ ਤੇ ਦੋਸਾਂਝ ਨੂੰ ਤਿੱਖੀ ਪ੍ਰਤੀਕਿਰਿਆ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਫਿਲਮ ਸੰਸਥਾਵਾਂ ਨੇ ਦਿਲਜੀਤ ਦੋਸਾਂਝ ਅਤੇ ਫਿਲਮ ‘ਸਰਦਾਰ ਜੀ 3’ ਦੇ ਨਿਰਮਾਤਾਵਾਂ ਦੀ ਪਾਕਿਸਤਾਨੀ ਅਦਾਕਾਰਾ ਹਨੀਆ ਆਮਿਰ ਨੂੰ ਕਾਸਟ ਕਰਨ ਲਈ ਨਿੰਦਾ ਕੀਤੀ ਹੈ।

Fact

ਇਸ ਵਿਚਾਲੇ ਸੋਸ਼ਲ ਮੀਡਿਆ ਤੇ ਵਾਇਰਲ ਹੋ ਰਹੀ ਵੀਡੀਓ ਨੂੰ ਲੈ ਕੇ ਆਪਣੀ ਜਾਂਚ ਸ਼ੁਰੂ ਕੀਤੀ। ਵਾਇਰਲ ਕਲਿੱਪ ਦੇ ਕੀ ਫ੍ਰੇਮਾਂ ਨੂੰ ਰਿਵਰਸ ਇਮੇਜ ਸਰਚ ਕਰਨ ਨਾਲ ਸਾਨੂੰ ਮਨੋਰੰਜਨ ਨਿਊਜ਼ ਪੋਰਟਲ ਫਿਲਮ ਕੰਪੈਨੀਅਨ ਸਟੂਡੀਓਜ਼ ਦੀ ਸੰਸਥਾਪਕ 
ਅਨੁਪਮਾ ਚੋਪੜਾ ਦੁਆਰਾ 12 ਸਤੰਬਰ, 2021 ਨੂੰ ਅਪਲੋਡ ਇੱਕ X ਪੋਸਟ ਮਿਲੀ। ਇਸ ਵਿੱਚ ਗਾਇਕ-ਅਦਾਕਾਰ ਨੂੰ ਉਸੇ ਪਹਿਰਾਵੇ ਅਤੇ ਵਾਇਰਲ ਕਲਿੱਪ ਵਿੱਚ ਦਿਖਾਈ ਦੇ ਰਹੀ ਇੱਕੋ ਜਿਹੀ ਬੈਕਗ੍ਰਾਊਂਡ ਵਿੱਚ ਦੇਖਿਆ ਜਾ ਸਕਦਾ ਸੀ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਜਾਂਚ ਨੂੰ ਅੱਗੇ ਵਧਾਉਂਦੇ ਹੋਏ ਅਸੀਂ ਗੂਗਲ ‘ਤੇ “ਫਿਲਮ ਕੰਪੈਨੀਅਨ”, “ਦਿਲਜੀਤ ਦੋਸਾਂਝ” ਅਤੇ “2021” ਕੀਵਰਡਸ ਦੀ ਮਦਦ ਨਾਲ ਸਰਚ ਕੀਤੀ ਜਿਸ ਦੌਰਾਨ ਸਾਨੂੰ ਫਿਲਮ ਕੰਪੈਨੀਅਨ ਸਟੂਡੀਓਜ਼ ਦੁਆਰਾ 20 ਸਤੰਬਰ, 2021 ਨੂੰ ਅਪਲੋਡ ਇੱਕ ਯੂਟਿਊਬ ਵੀਡੀਓ ਮਿਲੀ। ਯੂ ਟਿਊਬ ਵੀਡੀਓ ‘ਚ ਲਗਭਗ 25 ਮਿੰਟ ਬਾਅਦ ਸਾਨੂੰ ਵਾਇਰਲ ਹੋ ਰਿਹਾ ਹਿੱਸਾ ਮਿਲਿਆ।

ਫਿਲਮਫੇਅਰ ਦੇ 20 ਸਤੰਬਰ, 2021 ਨੂੰ ਪ੍ਰਕਾਸ਼ਿਤ ਇਕ ਆਰਟੀਕਲ ਦੇ ਵਿੱਚ ਵੀ ਦੋਸਾਂਝ ਦੇ ਬਾਲੀਵੁੱਡ ਬਾਰੇ ਵਾਇਰਲ ਬਿਆਨ ਨੂੰ ਪ੍ਰਕਾਸ਼ਿਤ ਕੀਤਾ ਗਿਆ ਸੀ। 

ਇਸ ਤੋਂ ਸਪਸ਼ਟ ਹੁੰਦਾ ਹੈ ਕਿ ਦਿਲਜੀਤ ਦੋਸਾਂਝ ਦੇ ਬਾਲੀਵੁੱਡ ਵਿੱਚ ਕੰਮ ਬਾਰੇ ਇੱਕ ਪੁਰਾਣੇ ਵੀਡੀਓ ਨੂੰ ਸਰਦਾਰ ਜੀ 3 ਦੇ ਹਾਲੀਆ ਚੱਲ ਰਹੇ ਵਿਵਾਦ ਨਾਲ ਜੋੜਕੇ ਸ਼ੇਅਰ ਕੀਤਾ ਜਾ ਰਿਹਾ ਹੈ।

Sources
YouTube Video By Film Companion Studios, Dated September 20, 2021
Article By Filmfare, Dated September 20, 2021