ਕੀ ਕਰਨਲ ਸੋਫੀਆ ਕੁਰੈਸ਼ੀ ਨੇ ਬਿਹਾਰ ਚੋਣਾਂ ਤੋਂ ਪਹਿਲਾਂ ਤ੍ਰਿਸ਼ੂਲ ਫੌਜੀ ਅਭਿਆਸ ਨੂੰ ਰਾਜਨੀਤਿਕ ਸਟੰਟ ਕਿਹਾ?

ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਵਿੱਚ ਭਾਰਤੀ ਫੌਜ ਦੀ ਅਧਿਕਾਰੀ ਕਰਨਲ ਸੋਫੀਆ ਕੁਰੈਸ਼ੀ ਕਥਿਤ ਤੌਰ ‘ਤੇ ਫੋਰਸ ਦੇ “ਭਗਵਾਕਰਨ” ਦੀ ਆਲੋਚਨਾ ਕਰਦੇ ਹੋਏ ਅਤੇ ਤ੍ਰਿਸ਼ੂਲ ਟ੍ਰਾਈ-ਸਰਵਿਸਿਜ਼ ਨੂੰ ਬਿਹਾਰ ਚੋਣਾਂ ਤੋਂ ਪਹਿਲਾਂ ਰਾਜਨੀਤਿਕ ਨਾਟਕ ਦੱਸਦਿਆਂ ਦਿਖਾਈ ਦੇ ਰਹੇ ਹਨ।

ਵੀਡੀਓ ਵਿੱਚ ਕਰਨਲ ਕੁਰੈਸ਼ੀ ਨੂੰ ਕਥਿਤ ਤੌਰ ‘ਤੇ ਇਹ ਕਹਿੰਦੇ ਸੁਣੇ ਜਾ ਸਕਦੇ ਹਨ,”ਅੱਜ ਮੈਂ ਇੱਥੇ ਇੱਕ ਰਾਜਨੀਤਿਕ ਮੋਹਰੇ ਵਜੋਂ ਨਹੀਂ ਸਗੋਂ ਭਾਰਤੀ ਫੌਜ ਦੀ ਇੱਕ ਸਿਪਾਹੀ ਵਜੋਂ ਖੜੀ ਹਾਂ। ਢਾਈ ਸਾਲ, ਮੈਂ ਆਪਣੇ ਦੇਸ਼ ਦੀ ਮਾਣ ਨਾਲ ਸੇਵਾ ਕੀਤੀ ਹੈ ਜਦੋਂ ਤੱਕ ਮੈਨੂੰ ਅਹਿਸਾਸ ਨਹੀਂ ਹੋਇਆ ਕਿ ਸਾਨੂੰ ਸਾਡੇ ਆਪਣੇ ਨਾਗਰਿਕਾਂ ਨੂੰ ਵੰਡਣ ਲਈ ਵਰਤਿਆ ਜਾ ਰਿਹਾ ਹੈ। ਸਾਡੇ ਰੈਂਕਾਂ ਦਾ ਭਗਵਾਕਰਨ ਸਾਡੇ ਦੁਆਰਾ ਲਈ ਗਈ ਹਰ ਸਹੁੰ ਦਾ ਵਿਸ਼ਵਾਸਘਾਤ ਹੈ।”

“ਸਾਡਾ ਕੰਮ ਭਾਰਤ ਦੀ ਰੱਖਿਆ ਕਰਨਾ ਹੈ ਨਾ ਕਿ ਭਾਜਪਾ ਜਾਂ ਆਰਐਸਐਸ ਦੀ ਵਿਚਾਰਧਾਰਾ ਦੀ ਰੱਖਿਆ ਕਰਨਾ। ਬਿਹਾਰ ਚੋਣਾਂ ਤੋਂ ਪਹਿਲਾਂ ਇਹ ਅਖੌਤੀ ਤ੍ਰਿਸ਼ੂਲ ਅਭਿਆਸ ਦੇਸ਼ ਨੂੰ ਮੂਰਖ ਬਣਾਉਣ ਲਈ ਨਾਟਕ ਤੋਂ ਇਲਾਵਾ ਕੁਝ ਨਹੀਂ ਹੈ। ਵਰਦੀਆਂ ਨੂੰ ਵਿਚਾਰਧਾਰਾ ਵਿੱਚ ਰੰਗਿਆ ਜਾ ਰਿਹਾ ਹੈ ਨਾ ਕਿ ਸਨਮਾਨ ਵਿੱਚ। ਇਹ ਹੁਣ ਬੰਦ ਹੋਣਾ ਚਾਹੀਦਾ ਹੈ। ਜੇਕਰ ਸੱਚ ਬੋਲਣਾ ਮੇਰੀ ਵਰਦੀ ਦੀ ਕੀਮਤ ਹੈ, ਤਾਂ ਇਹ ਹੋਣ ਦੋ।” 

Fact Check/Verification

“ਕਰਨਲ ਸੋਫੀਆ ਕੁਰੈਸ਼ੀ ਤ੍ਰਿਸ਼ੂਲ ਅਭਿਆਸ ਬਿਹਾਰ ਚੋਣਾਂ” ਅਤੇ ਸੰਬੰਧਿਤ ਕੀ ਵਰਡ ਨਾਲ ਖੋਜ ਕਰਨ ‘ਤੇ ਸਾਨੂੰ ਕੋਈ ਵੀ ਭਰੋਸੇਯੋਗ ਖ਼ਬਰਾਂ ਜਾਂ ਅਧਿਕਾਰਤ ਰਿਕਾਰਡ ਨਹੀਂ ਮਿਲਿਆ।

ਵਾਇਰਲ ਵੀਡੀਓ ਦੇ ਫਰੇਮਾਂ ਦੀ ਰਿਵਰਸ ਇਮੇਜ ਸਰਚ ਕਰਨ ‘ਤੇ ਸਾਨੂੰ ANI ਦੁਆਰਾ 31 ਅਕਤੂਬਰ, 2025 ਨੂੰ ਯੂਟਿਊਬ ‘ਤੇ ਅਪਲੋਡ ਕੀਤਾ ਗਿਆ ਵੀਡੀਓ ਮਿਲਿਆ। ਇਹ ਵੀਡੀਓ ਵਾਇਰਲ ਕਲਿੱਪ ਨਾਲ ਮੇਲ ਖਾਂਦੀ ਸੀ ਪਰ ਅਸਲ ਭਾਸ਼ਣ ਵਿੱਚ “ਤ੍ਰਿਸ਼ੂਲ ਅਭਿਆਸ” ਜਾਂ “ਭਗਵਾਕਰਨ” ਦਾ ਕੋਈ ਜ਼ਿਕਰ ਨਹੀਂ ਸੀ।

ਵਾਇਰਲ ਵੀਡੀਓ ਦਾ ਵਿਸ਼ਲੇਸ਼ਣ ਕਰਨ ‘ਤੇ ਸਾਨੂੰ ਸੋਫੀਆ ਕੁਰਸੀ ਦੇ ਬੋਲਾਂ ਦੀ ਹਰਕਤ ਗੈਰ-ਕੁਦਰਤੀ ਅਤੇ ਤਾਲਮੇਲ ਤੋਂ ਬਾਹਰ ਲੱਗੀ।

ਪੁਸ਼ਟੀ ਕਰਨ ਲਈ ਅਸੀਂ ਕਲਿੱਪ ਦੀ ਜਾਂਚ ਕਈ AI ਅਤੇ ਡੀਪਫੇਕ ਖੋਜ ਟੂਲਸ ਦੀ ਵਰਤੋਂ ਕਰਕੇ ਕੀਤੀ:

• ਹਾਈਵ ਮੋਡੇਰਸ਼ਨ : AI ਦੁਆਰਾ ਤਿਆਰ ਕੀਤੇ ਜਾਣ ਦੀ 99.8% ਸੰਭਾਵਨਾ ਮਿਲੀ।
• ਹਿਆ ਡੀਪਫੇਕ ਵੌਇਸ ਡਿਟੈਕਟਰ: ਆਡੀਓ ਨੂੰ “ਸੰਭਾਵਤ ਡੀਪਫੇਕ” ਦੱਸਿਆ।
• AI ਰਿਸੈਮਬਲ : ਆਵਾਜ਼ ਨੂੰ ਨਕਲੀ ਪਛਾਣਿਆ।
• ਇਲੈਵਨਲੈਬਸ ਡਿਟੈਕਟਰ : 98% ਸੰਭਾਵਨਾ ਮਿਲੀ ਕਿ ਆਵਾਜ਼ ਇਸ ਪਲੇਟਫਾਰਮ ਦੀ ਵਰਤੋਂ ਕਰਕੇ ਬਣਾਈ ਗਈ ਸੀ।

Conclusion

ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਵਾਇਰਲ ਹੋ ਰਹੀ ਇਹ ਵੀਡੀਓ ਏਆਈ ਜਨਰੇਟਡ ਹੈ।

Sources
YouTube Video By ANI, Dated October 31, 2025
Hive Moderation Website
Resemble AI Website
ElevenLabs Detector Website
Hiya Deepfake Voice Detector
X Post By PIB Fact Check, Dated November 3, 2025