ਕੀ ਰੂਸੀ ਫੌਜ ਨੇ ਹਰਿਆਣਾ ਦੇ ਨੌਜਵਾਨ ਨੂੰ ਯੂਕਰੇਨ ਵਿਰੁੱਧ ਲੜਨ ਲਈ ਮਜਬੂਰ ਕੀਤਾ?

ਸੋਸ਼ਲ ਮੀਡੀਆ ਪਲੇਟਫਾਰਮ X ਅਤੇ ਇੰਸਟਾਗ੍ਰਾਮ ‘ਤੇ ਫੌਜੀ ਵਰਦੀ ‘ਚ ਇੱਕ ਨੌਜਵਾਨ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ। 15 ਸਕਿੰਟ ਦੇ ਇਸ ਵੀਡੀਓ ਵਿੱਚ ਸਿਪਾਹੀ ਖੰਡਰ ਜਿਹੀ ਜਗ੍ਹਾ ਤੇ ਬੈਠਕੇ ਮਦਦ ਲਈ ਬੇਨਤੀ ਕਰ ਰਿਹਾ ਹੈ ਅਤੇ ਆਪਣੇ ਸਾਥੀਆਂ ਦੇ ਨੁਕਸਾਨ ਬਾਰੇ ਗੱਲ ਕਰ ਰਿਹਾ ਹੈ। 

ਵੀਡੀਓ ਨੂੰ X ‘ਤੇ ਇਸ ਦਾਅਵੇ ਨਾਲ ਸਾਂਝਾ ਕੀਤਾ ਜਾ ਰਿਹਾ ਹੈ ਕਿ ਹਰਿਆਣਾ ਦੇ ਇੱਕ ਨੌਜਵਾਨ ਜੋ ਰੂਸ ਪੜ੍ਹਨ ਲਈ ਗਿਆ ਸੀ, ਉਸ ਨੂੰ ਜ਼ਬਰਦਸਤੀ ਜੰਗ ਵਿੱਚ ਲੜਨ ਲਈ ਭੇਜਿਆ ਗਿਆ ਸੀ ਅਤੇ ਹੁਣ ਉਹ ਆਪਣੀ ਜਾਨ ਬਚਾਉਣ ਦੀ ਅਪੀਲ ਕਰ ਰਿਹਾ ਹੈ।

Fact Check/Verification

ਅਸੀਂ ਗੂਗਲ ਲੈਂਸ ਦੀ ਵਰਤੋਂ ਕਰਕੇ ਵੀਡੀਓ ਦੇ ਇੱਕ ਕੀਫ੍ਰੇਮ ਦੀ ਖੋਜ ਕੀਤੀ। ਹਾਲਾਂਕਿ, ਸਾਨੂੰ ਇਸ ਵੀਡੀਓ ਨਾਲ ਸਬੰਧਤ ਕੋਈ ਭਰੋਸੇਯੋਗ ਰਿਪੋਰਟ ਨਹੀਂ ਮਿਲੀ।

ਆਪਣੀ ਜਾਂਚ ਜਾਰੀ ਰੱਖਦੇ ਹੋਏ ਅਸੀਂ ਗੂਗਲ ‘ਤੇ “ਹਰਿਆਣਾ ਨੌਜਵਾਨ ਰੂਸੀ ਜੰਗ ਦੇ ਮੈਦਾਨ” ਕੀ ਵਰਡਸ ਨਾਲ ਖੋਜ ਕੀਤੀ । ਸਾਨੂੰ ਦੈਨਿਕ ਭਾਸਕਰ , ਈਟੀਵੀ ਭਾਰਤ  ਅਤੇ ਦ ਪ੍ਰਿੰਟ ਦੁਆਰਾ ਪ੍ਰਕਾਸ਼ਿਤ ਰਿਪੋਰਟਾਂ ਮਿਲੀਆਂ।

ਇਨ੍ਹਾਂ ਰਿਪੋਰਟਾਂ ਅਨੁਸਾਰ ਹਰਿਆਣਾ ਦੇ ਕਈ ਨੌਜਵਾਨਾਂ ਨੂੰ ਰੂਸ-ਯੂਕਰੇਨ ਯੁੱਧ ਵਿੱਚ ਸ਼ਾਮਲ ਕਰਨ ਲਈ ਲਾਲਚ ਦਿੱਤਾ ਗਿਆ ਹੈ। ਇਨ੍ਹਾਂ ਨੌਜਵਾਨਾਂ ਨੂੰ ਕਥਿਤ ਤੌਰ ‘ਤੇ ਟਰੈਵਲ ਏਜੰਟਾਂ ਨੇ ਰੂਸੀ ਫੌਜ ਵਿੱਚ ਭਰਤੀ ਹੋਣ ਲਈ ਧੋਖਾ ਦਿੱਤਾ ਸੀ। ਉਨ੍ਹਾਂ ਨੂੰ ਸ਼ੁਰੂ ਵਿੱਚ ਨੌਕਰੀਆਂ ਅਤੇ ਸਿੱਖਿਆ ਦਾ ਵਾਅਦਾ ਕਰਕੇ ਰੂਸ ਲਿਜਾਇਆ ਗਿਆ ਸੀ ਪਰ ਪਹੁੰਚਣ ‘ਤੇ ਉਨ੍ਹਾਂ ਨੂੰ ਜ਼ਬਰਦਸਤੀ ਭਰਤੀ ਕਰ ਲਿਆ ਗਿਆ। ਕੁਝ ਨੂੰ ਸਿਰਫ਼ 10 ਦਿਨਾਂ ਦੀ ਸਿਖਲਾਈ ਤੋਂ ਬਾਅਦ ਸਿੱਧੇ ਜੰਗ ਦੇ ਮੈਦਾਨ ਵਿੱਚ ਵੀ ਭੇਜ ਦਿੱਤਾ ਗਿਆ ਸੀ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਉੱਥੇ ਫਸੇ ਕੁਝ ਨੌਜਵਾਨਾਂ ਨੇ ਬੰਕਰਾਂ ਤੋਂ ਵੀਡੀਓ ਸੰਦੇਸ਼ ਜਾਰੀ ਕੀਤੇ ਹਨ, ਜਿਸ ਵਿੱਚ ਭਾਰਤ ਸਰਕਾਰ ਨੂੰ ਉਨ੍ਹਾਂ ਦੀ ਸੁਰੱਖਿਅਤ ਵਾਪਸੀ ਦੀ ਅਪੀਲ ਕੀਤੀ ਗਈ ਹੈ। ਭਾਰਤ ਸਰਕਾਰ ਨੇ ਦਿੱਲੀ ਅਤੇ ਮਾਸਕੋ ਵਿੱਚ ਰੂਸੀ ਅਧਿਕਾਰੀਆਂ ਕੋਲ ਇਹ ਮੁੱਦਾ ਉਠਾਇਆ ਹੈ। ਵਿਦੇਸ਼ ਮੰਤਰਾਲੇ ਨੇ ਪੁਸ਼ਟੀ ਕੀਤੀ ਹੈ ਕਿ ਇਸ ਸਮੇਂ 44 ਭਾਰਤੀ ਰੂਸੀ ਫੌਜ ਵਿੱਚ ਸੇਵਾ ਨਿਭਾ ਰਹੇ ਹਨ ਅਤੇ ਉਨ੍ਹਾਂ ਦੀ ਰਿਹਾਈ ਲਈ ਯਤਨ ਜਾਰੀ ਹਨ। ਹਾਲਾਂਕਿ, ਸਾਡੀ ਜਾਂਚ ਦੌਰਾਨ, ਸਾਨੂੰ ਕਿਸੇ ਵੀ ਰਿਪੋਰਟ ਵਿੱਚ ਵਾਇਰਲ ਵੀਡੀਓ ਨਹੀਂ ਮਿਲਿਆ।

ਪਿਛਲੇ ਕੁਝ ਦਿਨਾਂ ਤੋਂ ਇੰਟਰਨੈੱਟ ਐਡੀਟਡ ਅਤੇ AI ਦੁਆਰਾ ਤਿਆਰ ਕੀਤੇ ਵੀਡੀਓਜ਼ ਨਾਲ ਭਰਿਆ ਪਿਆ ਹੈ।

ਵਾਇਰਲ ਵੀਡੀਓ ਦੀ ਧਿਆਨ ਨਾਲ ਜਾਂਚ ਕਰਨ ਤੋਂ ਬਾਅਦ, ਸਾਨੂੰ ਸ਼ੱਕ ਹੋਇਆ ਕਿ ਇਹ AI ਦੁਆਰਾ ਬਣਾਇਆ ਗਿਆ ਹੋ ਸਕਦਾ ਹੈ। ਇਸ ਲਈ ਅਸੀਂ ਵੱਖ-ਵੱਖ ਟੂਲਸ ਦੀ ਵਰਤੋਂ ਕਰਕੇ ਇਸਦੀ ਜਾਂਚ ਕੀਤੀ। ਤੁਸੀਂ ਹੇਠਾਂ ਨਤੀਜੇ ਦੇਖ ਸਕਦੇ ਹੋ।

ਹਾਈਵ ਮਾਡਰੇਸ਼ਨ ਟੂਲ ਨੇ ਇਸ ਵੀਡੀਓ ਨੂੰ 99.9 ਪ੍ਰਤੀਸ਼ਤ AI ਜਨਰੇਟਡ ਦੱਸਿਆ ਹੈ।

ਇਜ਼ ਇਟ ਏਆਈ ਟੂਲ ਨੇ ਵਾਇਰਲ ਵੀਡੀਓ ਦੇ ਇੱਕ ਕੀਫ੍ਰੇਮ ਨੂੰ 97 ਪ੍ਰਤੀਸ਼ਤ ਏਆਈ ਜਨਰੇਟਡ ਦੱਸਿਆ।

ਸਾਈਟਇੰਜਣ ਨੇ ਆਪਣੇ ਵਿਸ਼ਲੇਸ਼ਣ ਵਿੱਚ ਵੀਡੀਓ ਦੇ ਇੱਕ ਫਰੇਮ ਨੂੰ 99 ਪ੍ਰਤੀਸ਼ਤ AI ਜਨਰੇਟਡ ਕੀਤਾ ਹੋਇਆ ਪਾਇਆ।

Conclusion

ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਵਾਇਰਲ ਹੋ ਰਹੀ ਵੀਡੀਓ ਏਆਈ ਦੁਆਰਾ ਬਣਾਈ ਗਈ ਹੈ।

Our Sources
Analysis by Hive Moderation
Analysis by Is it AI
Analysis by Sightengine