ਬਿਹਾਰ ਚੋਣਾਂ ਤੋਂ ਬਾਅਦ ਲੱਖਾਂ ਲੋਕ ਸੜਕ ‘ਤੇ ਚੋਣ ਕਮਿਸ਼ਨ ਖਿਲਾਫ ਪ੍ਰਦਰਸ਼ਨ ਕਰ ਰਹੇ ਹਨ?

ਬਿਹਾਰ ਵਿਧਾਨ ਸਭਾ ਚੋਣਾਂ ਵਿੱਚ ਐਨਡੀਏ ਨੂੰ ਮਿਲੇ ਸ਼ਾਨਦਾਰ ਬਹੁਮਤ ਤੋਂ ਬਾਅਦ, ਸੋਸ਼ਲ ਮੀਡੀਆ ‘ਤੇ ਕਈ ਵੀਡੀਓ ਵਾਇਰਲ ਹੋ ਰਹੇ ਹਨ ਜਿਸ ਵਿੱਚ ਲੋਕਾਂ ਨੂੰ ਵਿਰੋਧ ਪ੍ਰਦਰਸ਼ਨ ਕਰਦਿਆਂ ਦੇਖਿਆ ਜਾ ਸਕਦਾ ਹੈ। ਵੀਡੀਓ ਨੂੰ ਸ਼ੇਅਰ ਕਰ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਬਿਹਾਰ ਚੋਣਾਂ ਤੋਂ ਬਾਅਦ ਲੱਖਾਂ ਲੋਕ ਸੜਕ ਤੇ ਚੋਣ ਕਮਿਸ਼ਨ ਖਿਲਾਫ ਪ੍ਰਦਰਸ਼ਨ ਕਰ ਰਹੇ ਹਨ।

Fact Check/Verification

ਵਾਇਰਲ ਕਲਿੱਪ ਦੇ ਕੀ ਫ੍ਰੇਮਾਂ ਨੂੰ ਰਿਵਰਸ ਇਮੇਜ ਸਰਚ ਕਰਨ ‘ਤੇ ਸਾਨੂੰ ਇਹ ਫੁਟੇਜ ਤਿਨਸੁਕੀਆ ਅਨਆਫੀਸ਼ੀਅਲ ਦੁਆਰਾ 21 ਸਤੰਬਰ, 2025 ਨੂੰ ਇੰਸਟਾਗ੍ਰਾਮ ਪੋਸਟ ਤੇ ਅਪਲੋਡ ਮਿਲੀ। ਵੀਡੀਓ ਦੇ ਕੈਪਸ਼ਨ ਮੁਤਾਬਕ ਇਹ ਵੀਡੀਓ ਗੁਹਾਟੀ, ਅਸਾਮ ਵਿੱਚ ਗਾਇਕ ਜ਼ੁਬੀਨ ਗਰਗ ਦੀ ਅੰਤਿਮ ਯਾਤਰਾ ਦੀ ਹੈ।

Also read: ਕੀ Bhagwant Mann ਨੇ ਨਵਜੋਤ ਸਿੰਘ ਸਿੱਧੂ ਦਾ ਆਮ ਆਦਮੀ ਪਾਰਟੀ ਵਿੱਚ ਕੀਤਾ ਸਵਾਗਤ?

ਇੰਡੀਆ ਟਾਈਮਜ਼ ਦੀ ਰਿਪੋਰਟ ਮੁਤਾਬਕ ਵੀ ਇਹ ਵੀਡੀਓ ਗਰਗ ਦੀਅੰਤਿਮ ਯਾਤਰਾ ਦੀ ਹੈ।

ਡੈਕਨ ਹੇਰਾਲਡ ਦੀ ਰਿਪੋਰਟ ਵਿੱਚ ਦੱਸਿਆ ਗਿਆ ਕਿ “ਹਜ਼ਾਰਾਂ ਪ੍ਰਸ਼ੰਸਕ ਉਨ੍ਹਾਂ ਨੂੰ ਅੰਤਿਮ ਸ਼ਰਧਾਂਜਲੀ ਦੇਣ ਲਈ ਇਕੱਠੇ ਹੋਏ ਸਨ।” ਪ੍ਰਸ਼ੰਸਕ ਰਾਤ ਭਰ ਲੰਬੀਆਂ ਕਤਾਰਾਂ ਵਿੱਚ ਖੜ੍ਹ 52 ਸਾਲਾ ਗਾਇਕ ਦੀ ਆਖਰੀ ਝਲਕ ਲਈ ਉਡੀਕ ਕਰਦੇ ਰਹੇ, ਜਿਨ੍ਹਾਂ ਦੀ ਮ੍ਰਿਤਕ ਦੇਹ ਰਵਾਇਤੀ ਅਸਾਮੀ ਗਾਮੋਸੇ ਨਾਲ ਸਜਾਈ ਗਏ ਇੱਕ ਸ਼ੀਸ਼ੇ ਦੇ ਤਾਬੂਤ ਵਿੱਚ ਪਈ ਸੀ। ਬਹੁਤ ਸਾਰੇ ਲੋਕਾਂ ਨੇ ਫੁੱਲਾਂ ਅਤੇ ਗਾਮੋਸਿਆਂ ਨਾਲ ਸ਼ਰਧਾਂਜਲੀ ਭੇਟ ਕੀਤੀ ਜਦੋਂ ਕਿ ਕਈਆਂ ਨੇ ਆਪਣੇ ਮੋਬਾਈਲ ਫੋਨਾਂ ‘ਤੇ ਭਾਵਨਾਤਮਕ ਪਲਾਂ ਨੂੰ ਕੈਦ ਕੀਤਾ।” 

ਇਸ ਵਿੱਚ “ਗਾਮੋਸਾ” ਨਾਲ ਢੱਕੇ ਹੋਏ ਉਸੇ ਵਾਹਨ ਦੀਆਂ ਤਸਵੀਰਾਂ ਵੀ ਦਿਖਾਈਆਂ ਗਈਆਂ ਸਨ ਜਿਵੇਂ ਕਿ ਵਾਇਰਲ ਵੀਡੀਓ ‘ਚ ਤਸਵੀਰ ਵਿੱਚ ਦੇਖਿਆ ਜਾ ਸਕਦਾ ਹੈ।

Conclusion

ਸਾਡੀ ਜਾਂਚ ਤੋਂ ਸਪਸ਼ਟ ਹੁੰਦਾ ਹੈ ਕਿ ਵਾਇਰਲ ਹੋ ਰਹੀ ਵੀਡੀਓ ਗੁਹਾਟੀ ‘ਚ ਗਾਇਕਾ ਜ਼ੁਬੀਨ ਗਰਗ ਦੇ ਅੰਤਿਮ ਸੰਸਕਾਰ ਦੀ ਹੈ।

Sources
Instagram Post By Tinsukia Unofficial, Dated September 21, 2025
YouTube Video By India Times, Dated September 22, 2025
Report By Deccan Herald, Dated September 23, 2025